Kenet 1 - Bibilia Buk na Ŋun nagon koti luŋu a

Kena na ŋutu ti Yisaraele Sinai yu

¹ A i lor lo kokwe lo yapa tomurek, i kiŋa tomurek i mukök na lupödöi se koŋa i jur lo Ejipeto nu, a MATAT jambi ko Mose i yöbu na Sinai i kemia torumet adi,

² Kene ken momoret na ŋutu ti Yisaraele liŋ gwoso i midijik kase, ko gwoso i kotumiton ti merenyejin kase, gwoso i kenet na karin ti ŋutu lyan liŋ geleŋ geleŋ;

³ suluja i se logon ko kiŋajin merya murek tojo ko ŋerot kweja adi ŋutu liŋ ti Yisaraele logon jujukin moro. Do se ko Arona lo keŋdya lepeŋat a teŋon.

⁴ A ŋuto logon a kwe na kotumit na merenyejin kanyit i kötumitön liŋ geleŋ geleŋ lo parakiŋdye ta.

⁵ A kine gwe a karin kase;— i kötumit na Rubena a Elisur ŋuro lo Sedeyur;

⁶ i kötumit na Simeona a Salumiele ŋuro lo Surisadai;

⁷ i kötumit na Yuda a Nasona ŋuro lo Aminadaba;

⁸ i kötumit na Yisakar a Netanele ŋuro lo Suar;

⁹ i kötumit na Jebulun a Eliaba ŋuro lo Kelon;

¹⁰ i ŋwajik ti Yosepa, kweja adi i kötumit na Epuraima a Elisama ŋuro lo Amiuda, i kötumit na Manase a Gamaliele ŋuro lo Pedasur;

¹¹ i kötumit na Benyamina a Abidan ŋuro lo Gideoni;

¹² i kötumit na Dan a Akiyejer ŋuro lo Amisadai;

¹³ i kötumit na Aser a Pagiele ŋuro lo Okran;

¹⁴ i kötumit na Gada a Elayasap ŋuro lo Ruele;

¹⁵ i kötumit na Napatali a Akira ŋuro lo Enan.

¹⁶ Kilo a se logon a wulwe i momoret, kweja adi se a kimak ti kötumitön ti merenyejin kase, iŋkoi se a kusik ti midijik ti Yisaraele.

¹⁷ A Mose ko Arona ’dumuŋdye kilo ŋutu lo ’dinya kulo,

¹⁸ a i lor lo kokwe lo yapa tomurek, a se momori momoret na ŋutu liŋ i Pirit na geleŋ, a se titimakiŋdye ’börik gwoso i midijik kase, ko gwoso i kötumitön ti merenyejin kase, gwoso i kenet na karin ti ŋutu liŋ geleŋ geleŋ suluja i se logon ko kiŋajin merya murek tojo ko ŋerot,

¹⁹ gwoso na saŋi MATAT Mose nu. Nyena a nye keŋdi lepeŋat sona i yöbu na Sinai.

²⁰ A nyakwariat ti Rubena kayu lo Yisaraele iŋge kena gwoso i midijik kase, ko gwoso i kotumiton ti merenyejin kase, gwoso i kenet na karin ti ŋutu lyan liŋ geleŋ geleŋ, suluja i selogon ko kiŋajin merya murek tojo ko ŋerot, kweja adi ŋutu liŋ logon jujukin mörö;

²¹ a kenet na ŋutu ti kötumit na Rubena gwe a alipan merya iŋwan wot buker ko miajin mukanat.

²² A nyakwariat ti Simeona iŋge kena gwoso i midijik kase, ko gwoso i kotumiton ti merenyejin kase, gwoso i kenet na karin ti ŋutu lyan liŋ geleŋ geleŋ, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

²³ a kenet na ŋutu ti kotumit na Simeona gwe a alipan merya mukanat wot buŋwan ko miajin musala.

²⁴ A nyakwariat ti Gada iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

²⁵ a kenet na ŋutu ti kotumit na Gada gwe a alipan merya iŋwan wot mukanat ko miajin buker ko merya mukanat.

²⁶ A nyakwariat ti Yuda iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin moro;

²⁷ a kenet na ŋutu ti kotumit na Yuda gwe a alipan merya buryo wot iŋwan ko miajin buker.

²⁸ A nyakwariat ti Yisakar iŋge kena gwoso i midijik kase, ko gwoso i kotumiton ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

²⁹ a kenet na ŋutu ti kotumit na Yisakar gwe a alipan merya mukanat wot iŋwan ko miajin iŋwan.

³⁰ A nyakwariat ti Jebulun iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

³¹ a kenet na ŋutu ti kötumit na Jebulun gwe a alipan merya mukanat wot buryo ko miajin iŋwan.

³² A ŋwajik ti Yosepa, kweja adi nyakwariat ti Epuraima iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

³³ a kenet na ŋutu ti kotumit na Epuraima gwe a alipan merya iŋwan ko miajin mukanat.

³⁴ a nyakwariat ti Manase iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

³⁵ a kenet na ŋutu ti kötumit na Manase gwe a alipan merya musala wot murek ko miajin murek.

³⁶ A nyakwariat ti Benyamina iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

³⁷ a kenet na ŋutu ti kotumit na Benyamina gwe a alipan merya musala wot mukanat ko miajin iŋwan.

³⁸ A nyakwariat ti Dan iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

³⁹ a kenet na ŋutu ti kötumit na Dan gwe a alipan merya buker wot murek ko miajin buryo.

⁴⁰ A nyakwariat ti Aser iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin mörö;

⁴¹ a kenet na ŋutu ti kötumit na Aser gwe a alipan merya iŋwan wot geleŋ ko miajin mukanat.

⁴² A nyakwariat ti Napatali iŋge kena gwoso i midijik kase, ko gwoso i kötumitön ti merenyejin kase, gwoso i kenet na karin kase, suluja i se logon ko kiŋajin merya murek tojo ko ŋerot, kweja adi ŋutu liŋ logon jujukin möro;

⁴³ a kenet na ŋutu ti kötumit na Napatali gwe a alipan merya mukanat wot musala ko miajin iŋwan.

⁴⁴ Kilo a se logon a kena logon Mose ko Arona lo keŋdya kulo, paraki ko kimak ti Yisaraele logon a ŋutu puök wot murek, se liŋ ŋadi geleŋ gwon i pirit na kötumit na merenye lonyit.

⁴⁵ Nyena a kenet liŋ na ŋutu ti Yisaraele gwoso i kötumitön ti merenyejin kase, suluja i se logon ko kiŋajin merya murek tojo ko ŋerot, kweja adi ŋutu liŋ ti Yisaraele logon jujukin morö;

⁴⁶ iŋkoi se liŋ logon a kena kilo gwe a ŋutu alipan miajin buker ko musala ko miajin mukanat ko merya mukanat.

Lewijin a wulwe i meddya na kemia

⁴⁷ Ama Lewijin a ko kena gwoso i kötumit na merenyejin kase.

⁴⁸ Kogwon MATAT a jambu ko Mose adi,

⁴⁹ Tuŋ do ködyö ti ken ŋutu ti kotumit na Lewi, köti a do tine keŋdya momoret nase i kiden na ŋutu ti Yisaraele;

⁵⁰ ama wuluŋdye Lewijin i meddya na kemia na gurupö tökoresi se ko tito kanyit liŋ, ko ŋo liŋ nagon a kanyit. Kita nase gwon a ’doggu na kemia se ko tito kanyit liŋ, a se mo kitani kata, a se ’beggi kemialan kase lo lorga ŋinu kemia.

⁵¹ A ko nu kemia ’dek toyuoji, a ti Lewijin lo lakaddi lepeŋ; a ko nu kemia ’dek ’bikiki ki, a ti Lewijin lo ’bikikiŋdye lepeŋ ki. A ko ŋuto logon ’bayin a Lewityo a mijun nyona a nye ködyö tatuani tatua.

⁵² A ŋuto ti Yisaraele mo ’bikikiŋdye kemialan kase nyu a kötumitön ko beretan kase ka ’de ka ’de.

⁵³ Ama ti Lewijin ’bikikiŋdye kemialan kase lorga kemia na ŋurupö tökoresi, an woran pokin i momoret na ŋutu ti Yisaraele; iŋkoi Lewijin lo tiju kemia na ŋurupö tökoresi.

⁵⁴ Nyena a ŋutu ti Yisaraele koŋdi ŋo liŋ gwoso na saŋi MATAT Mose nu.