Kagai 1 - Bibilia Buk na Ŋun nagon koti luŋu a

Nebi a jujukiŋdya ŋutu i ’duggo na kadi na Ŋun

¹ Kiŋa tomurek lo mor Dario, i lor geleŋ lo yapa tobuker, a kulyaet lo MATAT poki ko Jerubabela, nebi Kagai lo jamakiŋdya lepeŋ. Ŋilo Jerubabela a ŋuro lo Salatiele ko a modir lo Yuda. A koti jamakine Yosua, ŋuro lo Yosadak koane duma. Adi,

² MATAT lo kurumi lo kulya sona adi, Kulo ŋutu kulya adi, Diŋit a ko nyuŋ po nagon nyokorikin ’dukorikin kadi na MATAT.

³ A kirut kulyaet lo MATAT poki ko nebi Kagai i kutuk adi,

⁴ Na a diŋit nagon ta ko mugunya kasu si ’da kasu i kadijik na gwon ko lo ’deka lo ’but, ama na kadi gwon a murwo sona le?

⁵ Nye-nagon nan MATAT lo kurumi lo kulya adi, Yiyiuŋdye ta gwolor nasu.

⁶ Ta a ’yuddu jore, a kwökwötuŋdye ku ’dik; ta nyenyesu, ama a tine temakiŋdya ta; ta momoju, ama a ta tine yimönö; ta jujupu, ama a lele losu gwe ’bayin logon mugun yuyuk; a ŋutu logon a ropaki kita kulo wuji ropesi kase i jurakan logon a tutulujo.

⁷ Nan MATAT lo kurumi lo kulya adi, Yiyiuŋdye ta gwolor nasu.

⁸ Iti ta i merya ki ko tutukuŋdye ta kaden ’dukesi ti ŋina kadi, anyen böŋö tulyo-ŋgu nan, ko anyen nan böŋo kweja mi-nyo lio, nan MATAT lo kulya.

⁹ Ta aje yeŋdu kinyojin jore, ama mete ta, a ko poŋdi ku ’dik; a najoŋdi ta kilo kinyojin i ’baŋ nu, a nan yukakiŋdye se kobuot loron. A nan MATAT lo kurumi lo pipije adi, Ko nyo kine kulya gwon sona? Adi kogwon ŋina kadi nio nagon a murwo, ama ta ŋutu liŋ geleŋ geleŋ wöwökiöro kasu i kadijik.

¹⁰ Nyenagon kulya kasu na tiŋdu ’dikolo i gwo ’dan i lilimba se ko kak i gwo ’dan i radan na ludweki kanyit.

¹¹ A nan iŋge lupuŋdya kolor i sa ’yu na kak, ko na merya, ko na ’bolot, ko na binyo luduko, ko na welet, ko i sa ’yu na ŋo lo radan i kak, ko na ŋutu, ko na toro ’bo, ko na kitajin ti ŋutu lio.

¹² A Jerubabela ŋuro lo Salatiele, ko Yosua ŋuro lo Yosadak koane duma, se ko pitono ti ŋutu lio yiŋge gworo lo MATAT ŋun lose ko kulyaesi ti nebi Kagai, gwoso na sonyoddi MATAT ŋun lose nye na; a kulo ŋutu iŋge kujono ko MATAT i komor.

¹³ A Kagai luyökie lo MATAT, jamakiŋdye kulu ŋutu ŋilo lore lo MATAT adi, MATAT lo kulya adi nye gwon ko ta.

¹⁴ A MATAT topuruŋdye yeyeesi ti Jerubabela ŋuro lo Salatiele, logon a modir lo Yuda, se ko yeyeesi ti Yosua ŋuro lo Yosadak koane duma, se ko yeyeesi ti pitono ti ŋutu lio; a se suluje nyoggu ’duggo kadi na MATAT lo kurumi logon a Ŋun lose,

¹⁵ i yapa tobuker, i perok merya murek wot iŋwan ti yapa.