Jepania 3 - Bibilia Buk na Ŋun nagon koti luŋu a

Toron na ŋutu ti Yerusalema se ko lwoko nase

¹ Woidio köji nagon a karudanit, nagon a karenyanit ko a toluta!

² Lepeŋ ti yiŋga luŋu kwoŋ, a tine ’bon yuyuko. Lepeŋ ti yinikin MATAT, a tine mijun ko Ŋun lonyit ni.

³ ŋutu temejik logon si ’da i lukata nanyit kulo gwon gwoso komi-ruot lo rurumon; a ka ’duŋok kanyit ti putesi gwe gwoso lujin lo woro i sömukö logon ti kolokiŋdyo nene ŋina tojo ko ko ’bure.

⁴ Nebijin kanyit a kamumulukak jambu kulya nagon a wuya kana; koanejin kanyit a toluddya ŋo nagon a nake na rurwan, lepeŋat a gubakin saresi ti ŋun kak.

⁵ Ama MATAT lo gwon kanyit kiden lo a lo rigwo, lepeŋ ti koŋdya ŋina naron; temba i ko ’bure lepeŋ kweja ’duŋgo nanyit na rigwo, lepeŋ ti jaran temba i waran na kak. Ama kakonak ti kulya narok ti yu kusik.

⁶ Nan MATAT aje tukar juron; a gopesi ti mariŋan ti köjino nagon titiyu go kune iŋge duka kak; a nan iŋge kökörö kikolin kase anyen lele ŋuto gwon ti woro kata; a köjino kase iŋge kona a murwoki ’bak lele ŋuto, ’bayin ma ’di geleŋ to.

⁷ A nan kulyani adi, ’Diri ŋinu köji mo kukujono nan, a mo ruŋge yuyukesi nagon yuyu-korikin lepeŋ; a mo tine boŋinaŋ ŋo liŋ nagon nan a sarakin lepeŋ kune. Ama a ŋutu ti nu köji kolumbo gwe ko pusok i koŋdya na konesi kase liŋ a narok.

⁸ Nyenagon MATAT lo kulya adi, Moŋdi ta nan. mömöŋdi ta ŋilu lor logon nan mo pije ki i tökoŋu na kulya kasu arabat lu, kogwon nan aje lilija adi nan mo lo moruŋdya jurön i pirit na geleŋ, a momoruŋdye tumatyanjin, anyen ’bukokiŋdyo lepeŋat woran nio na pape liŋ; a kak liŋ mo tume tumön ko kimaŋ na yinö nio.

⁹ A i ŋinu diŋit a nan mo tiŋdi gweyajin ti ŋutu kutusen nake, anyen se lio böŋo luluŋgu karin kwe ti MATAT, a kitakiŋdye nan ko töili geleŋ.

¹⁰ A kakwakwasak kwe lo toreki kulo mo jakiŋdye nan ’dokesi, suluja i nu pele na karya ti Etiopia.

¹¹ A i ŋilu lor do Yerusalema mo tine toyuö kwe kogwon konesi narok nagon do a renya sara ko nan kune, kogwon nan mo jojoŋ ŋutu kulök kaŋo konut kiden logon a ka ’du ’duŋak ko a kabulak ti ’börik, a do köti mo tine bu ’ya mugun kwoŋ i mere lio loke lo rurwan.

¹² A nan mo kölökiŋdye ŋutu lo sasanya se ko lomerika konut kiden. A ŋutu logon a kölöki Yisaraele ni kulo mo ga ’yi rupu i karin kwe ti MATAT;

¹³ a se mo tine koŋdya nene ŋo naron, a tine jambu ’burönö, a kulyaesi mumulukesi mo tine rye kase i kutusen; kogwon se mo nyenyesu a pere kak ’bak ŋutu lo tokujöŋdu se.

¹⁴ Siona, yoloni parik ko lyöŋon; do kötumit na Yisaraele sirani sira! Yerusalema, nyolani nyola, lyöŋi lyöŋön ko töili ilot lio!

¹⁵ MATAT aje jöŋga kaŋö ’duŋesi nagon a ’duŋöki ŋutu kulök arabat kune, nye aje rikoddu merok kulök kaŋö. MATAT logon a mor lo Yisaraele gwon konut kiden, a ŋutu kulök mo köti tine kujönö nene ŋö naron kwöŋ.

¹⁶ A i ŋilu lor a Yerusalema mo jamakine adi, Ko kujönö Siona, ti könisi ti ŋutu kulök gwe ti gwon a lokolokak.

¹⁷ Nan MATAT ŋun ilot gwon konut kiden, a nan gwe gwoso ŋuto wa i gaju na do; nan mo nyonyola ko do ko lyöŋön, a nan mo toluduŋge do ko nyaŋu nio; a nan mo yoloni yolo parik i bu ’ya na mugun ko do

¹⁸ gwoso na yolori ŋuto i lor lo rorwe na. A nan mo ’dumaddi delyaesi kaŋo konut, a do mo tine yeŋon lawe kwöŋ kogwon kine kulya.

¹⁹ Mete, i ŋinu diŋit a nan mo kona-kiŋdye karudak kulok liŋ arabat. A nan mo lwöggi ŋutu logon a bata, a momori ŋutu logon aje toreki, a nan mo löpuŋge lawe nase a pupuret anyen kuörö i kak ’bukuluŋ.

²⁰ I ŋinu diŋit a nan mo momoruŋdye ta a joŋdi ta mede, a nan mo tiŋdi ta i pupura ko i kono i kiden na gweyajin lio ti ŋutu ti kak, i diŋit nagon nan nyökuŋdye ta bot i to ’dupien nu, a ta mo mete met kine kulya. Kilo a kulyaesi kwe ti MATAT.