Jakaria 9 - Bibilia Buk na Ŋun nagon koti luŋu a

Jurön lo diŋö ko Yisaraele kulo ’duŋoki putet

¹ Nebi lo ’do ’yu kulyaet lo MATAT adi, MATAT a lwöpöddu i jur lo Kadu-rak, a Damaseke gwe a pirit si ’daet nanyit. Kogwon MATAT a kasaranit lo köjinö ti Aram, jojo ko kötumi-tön liŋ ti Yisaraele;

² köti lepeŋ a kasaranit lo Kamat nagon gwon i koresi kanyit, a saŋi Turo ko Sidona, ma ’di nagon se a nakoŋ parik.

³ Turo aje gwekiŋdya mugun mariŋ nago na titiyu, ko a susukökiŋdyö pödö jore gwoso ŋutut, se ko dakap jore gwoso wo ’do ’do ti kikolin.

⁴ Mete, a MATAT mo tolomeriaŋdi lepeŋ, a mo gubaddi riŋit nanyit i tor, a nye mo totumöni totumö ko kimaŋ.

⁵ A Asekelon mo meddi kine kulya, a mo kujono ni kujono; a Gaja koti mo jojoŋgi ko kujono; a Ekron mo boŋdi böŋdu kogwon yenesi kanyit a namu ’dyalak. A mor mo gwe ’bayin Gaja; a Ase-kelon mo gwe ’bak ŋutu;

⁶ a ŋutu logon a po ’ya a gweyarijin ka ’de ka ’de mo si ’dani Asedo-da; nan MATAT mo ’duŋoro ’du ’duŋga na Pelesete kaŋo.

⁷ A nan mo ’dumaddi rima kaŋo kase i kutusen, ko kinyojin manat kaŋo kase i kala; a se koti mo gwe a pitönö kwe nan ŋun; a se mo gwe gwoso lele ’dupet lo Yuda, a ŋutu ti Ekron mo gwe gwoso ŋutu ti Yebusi.

⁸ A nan mo tiji mede nio gwoso katiyunit, an lele ŋuto ko tiri kode yitwe ’i nyu; a karudanit mo tine muluja se koti. (Nan aje met kine po ko konyen kwe.)

Mor lo Yerusalema lo molu

⁹ Ta ŋutu ti Siona, lyoŋi ta lyoŋon parik! Ta ŋutu ti Yerusalema, maraŋgi ta maraŋgu! Mete ta, mor losu ŋilo popo kasu ni; nye aje tutuŋgo moro ko aje te ’ya, lepeŋ a lokoyok i si ’da ’e i kaine, i kolojityo tore lo kaine.

¹⁰ A nye mo ’dupoddi arabiajin lo jijiko kaŋo Epuraima yu, se ko kusanjin moriesi Yerusalema yu; a dapin moriesi mo ’be ’beleŋoni kaŋo, a nye mo laikiŋdye taliŋ i juron; a tumatyan nanyit mo suluje i nene tor tojo ko nene tor, ko i kare Perat tojo ko ’dutesi ti kak. ŋutu ti Yerusalema mo nyokwe kase i jur

¹¹ Ama koti nan MATAT mo koko-lun ŋutu kasu lo momoka kulo kaŋo i dili nagon ’bak pioŋ, kogwon rima ti tomoret nio ko ta.

¹² Ta lo rereka logon gwon ko yenet kilo, yitöni ta kasu i mariŋan nago; nan tukökiŋdyö ta i lo lor adi nan mo roropakin ta ’busan daŋin murek.

¹³ Kogwon nan a rokuŋdya Yuda a daŋ nio; a nan sukiŋdye Epuraima a lowe lio. Do Siona, nan mo momok ŋwajik kulok gwoso baŋdu lo kamoro-nit, anyen yikarikin ŋwajik kulok, do jur lo Giriki.

¹⁴ A MATAT mo puköki kase loki, a lowe lonyit poroddi gwoso meme ’dekta na ki; a MATAT ŋun mo kutaddi tore, a mo iti ŋerot i libibiot ti swot lo loki.

¹⁵ A MATAT lo kurumi mo gaji se, a se mo nyaka ’yi kawitok ti wirowirojin a mo ryokakiŋdye se kak; a se mo moji rima kase gwoso binyo, a mo gwe gwoso kalaba nagon a jore, ko gwoso gopesi ti pirit ’yuret na rubaŋgajin na popoka.

¹⁶ A MATAT ŋun lose mo lwöggi se i ŋilu lor kogwon se a teŋ na ŋutu kanyit; a se mo mimilyaŋti kanyit i jur gwoso jibia ti kwe.

¹⁷ Na ŋona mo ti gwon a diŋit na ’but ko a nakwekwelen le? A teton mo pire pirön ko ’bolot, a kö ’disi mo ’duŋe ’duŋo ko binyo ludukö.