Jakaria 7 - Bibilia Buk na Ŋun nagon koti luŋu a

ŋuto logon miŋdya ko mumuluket ririga

¹ A kulyaet lo MATAT poki ko Takaria i kiŋa toiŋwan lo mor Dario, i perok iŋwan ti yapa tobuŋwan, logon a Kisilewa.

² A ŋutu ti Betele iŋge soŋdu ko Sareser se ko Regem-melek ko ŋutu kase anyen muluŋdyo ’busan na MATAT,

³ ko i pija na koanejin ti kadi na MATAT lo kurumi se ko nebijin adi, Yi kodyo dedelya ko mimiŋdya i yapa tomukanat gwoso nagon yi aje koŋdi ko kiŋajin jore na le?

⁴ A kulyaet lo MATAT lo kurumi poki koyo adi,

⁵ Pije ŋutu lio ti lo jur se ko koanejin adi, Na miŋdye ta ko na delyani ta i yapa tomukanat ko i yapa toburyo, temba i kilo kiŋajin merya buryo, ta a miŋdya kogwon nan MATAT tuŋ le?

⁶ A na nyesi ta ko na moji ta nu, ta nyokiŋdyo ko matakiŋdya ’borik, ti gwon sona le?

⁷ Nan MATAT a jama-kiŋdya ta sona ko nebijin ti ’beron i kutusen, i diŋit na si ’dari ŋutu jore Yerusalema ko taliŋ, se ko turon lo lolorga lepeŋ ko i jur lo loki se ko i ’dir na merya nu, ’bayin sona le?

ŋutu a joŋa i to ’dupien kogwon se a ’beleŋgu saret

⁸ A kulyaet lo MATAT poki ko Takaria adi,

⁹ MATAT lo kurumi lo kulya adi, ’Duŋge ta putesi rigwo, koti ŋutu liŋ ge-leŋ geleŋ kwekiŋdye ’borik nyaŋu kowon na konyen,

¹⁰ an ta ko ru ’ya ta karu ’bejin kode kikijiko, kode lo momo-nuŋdyo kode lomerika; ko ti lele losu gwe ti yeyeju kulya narok kanyit i toili ko luŋaser lonyit.

¹¹ Ama a se iŋge renya yiŋga, a löpukökiŋdye ki ’dirino kase, a ’dije swö an se ko yiŋga.

¹² A se togo’yi toilyet kase gwoso ŋurupit iŋgo an se ko yiŋga saresi ko kulyaesi logon nan MATAT lo kurumi aje sunyun ko Mulo-kotyo lio i nebijin ti ’beron kulu. Nyenagon a woran duma poŋdi kaŋo koyo nan MATAT lo kurumi.

¹³ a ko gwe sona adi, Na luŋgi nan se nu a se tine ’bon yioga, nyena a se ruddye luŋgu nan, a nan tine ’bon yioga, nan MATAT lo kurumi lo kulya,

¹⁴ a nan torekiŋdye se ko libibiu i kiden na juron liŋ logon se a ko nyuŋ den kulu. Nyena a lo jur logon se a kolokin lo gwe a murwo, a ŋuto gwe ’bayin lo woro kata abur, kogwon ŋilo jur lo ’but aje kona a murwo.