Jakaria 5 - Bibilia Buk na Ŋun nagon koti luŋu a

Buk na gudula na ’da ’daaddu

¹ A nan koti ’bi ’yi konyen kwe ki, a nan meddi buk na ŋudula ’da ’daaddu!

² A malaikatat pipije nan adi, Do a meddya nyo? A nan waddi adi, Nan a meddya buk na ŋudula ’da ’daaddu; a tojolan nanyit gwe a lokiliŋan merya murek, a tugalaŋ nanyit gwe a lokiliŋan puök.

³ A nye kulyani ko nan adi, ŋina a lomit nagon lorga lo jur ’buku-luŋ; kogwon ŋutu liŋ logon a koko ’ya kulo mo ’duŋoji kaŋo gwoso i wuresi ti swot geleŋ lo ŋina waraga, a ŋutu liŋ logon a milyeju a wuya kana mo ’du-ŋojine kaŋo gwoso i wuresi ti lele swot lo ŋina waraga.

⁴ A MATAT lo kurumi kulyani adi, Nan aje sonyoro lomit, a ŋina lomit mo luponi i kadi na kolanit, se ko i kadi na ŋuto logon a milyeju a wuya kana i ’diŋdya na karin kwe ti MATAT; a lomit mo si ’dani kanyit kadi a tutuŋge lepeŋ, ko kaden ko ŋurupo liŋ.

ŋuto nakwan na si ’da i boromile lukata

⁵ A malaikatat logon jambu ko nan lo poŋdi ŋerot a kulyani ko nan adi, ’Bi ’yi konyen kulok ki ko meddi lu ŋo logon pukun kaŋo lu ko a nyo.

⁶ A nan waddi pija adi, ŋilo a nyo? A nye waddi adi, ŋilo a ŋo gwoso boromile lo pukun kaŋo. A nye kulyani adi, ŋina a ŋonyan na ŋilo jur ’bukuluŋ.

⁷ Mete, a ’diyet nanyit nagon a temet na risasi iŋge ’dumaji, a ŋuto nakwan gwe i si ’da i boromile lukata.

⁸ A nye kulyani adi, ŋina ŋuto kweja adi a Toron. A nye ru ’duaddi lepeŋ bot i boromile lukata, a nye ru ’dukiŋdye ’diyet temet na risasi i kutuk na ŋilo boromile.

⁹ A nan ’bi ’yi konyen kwe ki a nan meddi ŋutu wate murek na puku kaŋo! A kobuŋot wukoddi kase i kopukon (kogwon se gwon ko kopukon gwoso ti wugut,) a se diroddi ŋilu boromile i kiden na kak ko ki.

¹⁰ a nan pipije lu malaikatat logon jambu ko nan lo adi, Se diroro lu boromile da?

¹¹ A nye waddi nan adi, Se diroro tojo ko jur lo Sinar, anyen ’dukokiŋdyo lepeŋ kadi; a ko ŋina kadi aje tetena, a se mo tiŋdi lu boromile nyu kak kanyit pirit.