Jakaria 1 - Bibilia Buk na Ŋun nagon koti luŋu a

Ŋutu a luŋu i yitwe ko MATAT ni

¹ A i kiŋa tomurek lo Dario i yapa tobudök, a kulyaet lo MATAT poki ko nebi Takaria ŋuro lo Berekia, logon a nuro lo Ido, adi,

² Nan MATAT aje woran parik ko merenyejin kasu.

³ Nye-nagon kulyani ko se adi, MATAT lo kurumi lo kulya sona adi, Lopukuŋdye ta koyo ni, nan MATAT lo kurumi lo kulya, a nan mo lopukoni kasu, kilo a kulyaesi kwe ti MATAT.

⁴ An ta ko gwon ta gwoso merenyejin kasu. Lepe-ŋat a yiŋ nebijin ti koju kulu i jamakin-dya na lepeŋat adi, MATAT lo kurumi lo kulya adi, Lopukuŋdye ta kaŋo i kiko-liŋ kasu lorok ko i konesi kasu narok. Ama a se gwe a ko tiŋdu swo i yiŋga na nan, nan MATAT lo kulya.

⁵ Kuliya kilo merenyejin kasu? Kilo nebijin kilo yeyeŋon ŋupi le?

⁶ Ama a kulyaesi kwe se ko saresi kwe lo wuro, logon nan a saŋu koliponok kwe logon a nebijin kilo, se a ko ryo merenyejin kasu le? A se iŋge löpuggö, a kulyani adi, MATAT lo kurumi aje konakin yi arabat kogwon kikolin kaŋ se ko konesi kaŋ, gwoso na yeyeji lepeŋ na.

Nebi a meddya kulya ti kusanjin

⁷ A i kiŋa tomurek lo Dario, i perok merya murek wot iŋwan ti yapa topuök wot geleŋ logon a yapa Sebat, a kulyaet lo MATAT poki ko nebi Takaria ŋuro lo Berekia, logon a ŋuro lo Ido; a nan Takaria kulyani adi,

⁸ Nan a meddya kulya koyo i toili i tukwaje, mete, a lele ŋuto gwe i tu i kusan nator ki! A nye gwo ’de i kiden na kaden saru lo gwon i loro kata; a kusanjin nator, ko nanyete, ko nakwe gwe kanyit i mukok.

⁹ A nan pipije adi, Kine a nyo pon matat? A malaikatat logon gwon i jambu ko nan lo waddi adi, Nan de kwekwekin do ko se a nyo.

¹⁰ Nyena a ŋuto logon gwo ’dan i kiden na kaden saru lu waddi adi, Kine a se nagon MATAT a sunyun i woŋu na kak.

¹¹ A se tukokiŋdye malaikatat lo MATAT logon gwo ’dan i kiden na kaden saru lo adi, Yi aje wor kak, nyena mete, kak liŋ gwon i yukan a gwe taliŋ.

¹² A malaikatat lo MATAT pipije adi, Pon MATAT lo kurumi, diŋit ŋornan nagon do tine won konyen ko Yerusa-lema se ko köjino ti Yuda, kogwon do aje woran ko se kilo kiŋajin merya buryo?

¹³ A MATAT ruŋge lu malaikatat logon jambu ko nan lo ko kulyaesi lo’but togolesi.

¹⁴ A malaikatat logon jambu ko nan lo kulyani ko nan adi, Laije adi, MATAT lo kurumi lo kulya sona adi, Toili lio mimien parik kogwon Yerusalema se ko Siona.

¹⁵ A nan iŋge woran parik ko gweyajin ti ŋutu logon si ’da taliŋ; kogwon ma ’di nagon nan a woran madaŋ a kulo ŋutu ’yaladdi yoyoŋesi ŋerot.

¹⁶ Nyenagon nan MATAT lo kulya adi, Nan aje lopukoddu i Yerusalema kowon na konyen; a kadi nio mo nyokokine i pirit, a temet mo rikine i Yerusalema loki.

¹⁷ Laije koti adi, MATAT lo kurumi lo kulya adi, Kojino kwe koti mo babara-ŋdu kogwon kulya na ’but, a nan MATAT koti mo togo ’yi Siona, a mo koti wuluŋdye Yerusalema.

Nebi a meddya kulya ti oŋgwora ko bodwat

¹⁸ A nan ko ’bi ’yi konyen kwe ki, a nan meddi oŋgwora iŋwan!

¹⁹ A nan pipije malaikatat logon jambu ko nan lo adi, Kilo a nyo? A nye waddi nan adi, Kilo a oŋgwora logon aje torekiŋdya ŋutu ti Yuda ko ti Yisaraele se ko ti Yerusalema.

²⁰ a kirut MATAT kwekin-dye nan bodwat iŋwan.

²¹ A nan pipije adi, Kilo po i koŋdya na nyo? A nye waddi adi, Kilo oŋgwora aje torekiŋdya ŋutu ti Yuda an lele ŋuto ko ’bi ’yu kwe nanyit ki, nyena kilo bodwat a po i tokujoŋdu na se, ko i gumba na oŋgwora ti kulu gweyajin ti ŋutu kak logon aje ’bilikiŋdya oŋgwora kase ki i jur lo Yuda i torekiŋdya na ŋutu kanyit.