Eyobo 11 - Bibilia Buk na Ŋun nagon koti luŋu a

Sopar a pökiŋdyö Eyobo adi lepeŋ a katoronyanit

¹ A kirut Sopar lo po Nama loruddye pija adi,

² Do yeyeju adi, Yi ti bulö nyobba kilo kulyaesi lo rurutuŋdya sona kilo le?

³ Kulyaesi mukilo ti ŋuto kajamanit ŋona kweja adi lepeŋ ’bak kulya le? Kulyaesi kulök lo rurutuŋdya kilo ŋona bubulö toyiŋaju ŋutu taliŋ le? A ko do ’dö ’döju ti lele ŋuto gwe ti riŋga do le?

⁴ Kogwon do jambu adi todinesi kunök a nake;a do kulyani ko Ŋun adi do a loke kanyit i komor.

⁵ Ko ködyö Ŋun lo ŋaju kutuk nanyit i jambu ko do.

⁶ anyen kwekiŋdya do lwönö ti koŋon nanyit, nagon kita a ŋo sörit! (Nyena dene den adi Ŋun a yatakin do madaŋ i riŋga na toronjin kunök.)

⁷ Do ŋona bubulö galuŋdya kaŋo kulya nagululök ti Ŋun le? Do ŋona bubulö galuŋdya kaŋo kulya ti Kabulönit lo ŋo liŋ nagon gwon gwogwo le?

⁸ Se gwon ki lwöŋun ’diko kak, nyenagon a do koŋdi nyo? Se totoŋun pirit na mulökö kak yu, nyenagon a do deŋdi nyo?

⁹ Tojolan nase lwölwöŋ tojolan na kak ko a nagalaŋak lwölwöŋ tör duma!

¹⁰ Ko Ŋun ködyö lwölwöŋöddu, nye a luitöt kode i ’danaji a lwön kode i kwekiŋdya adi nye lwölwöŋ-ŋöddu, ŋa logon bubulö göja lepeŋ?

¹¹ Kogwon lepeŋ deden ŋutu logon a kamu mulu kak; a ko nye a meddya toron nye ŋona ti timuŋdya le?

¹² ŋuto lu ’böŋ ŋona bubulö wora a lokoŋ? Kaine na mu ’diŋ ŋona bubulö yupuŋdyö tore a ŋuto le?

¹³ Ko do ködyö a togwi ’dikiŋdya töili ilot rigwo i ga ’yu na Ŋun, a mamanyaddi ko könisi kulök ko lepeŋ yu!

¹⁴ Ko ködyö toron gwon konut i könin, gubara lepeŋ pajo, ti ŋonyesi gwe ti si ’da konut midi.

¹⁵ Nyena a do mo bulöni bulö ’bi ’yu komor inot ki ’bak yuyu-ket, a do mo gwe a iŋgo ’bak kujönö.

¹⁶ A do mo böŋöni böŋö delyaesi kunök; a do mo yiyiuŋdye se ka ’de gwoso pioŋ na ’dokon kaŋo;

¹⁷ a si ’da inot mo kobbi kobbu lwölwöŋ tuparan kiden; a mudwe mo gwe gwoso ko ’bure.

¹⁸ A do mo gwolore ko taliŋ kogwon do ko yenet; a ŋun mo gaji do, a do mo yuke yukan ko taliŋ.

¹⁹ A do mo pirikine kak a lele ŋuto mo gwe ’bayin lo tokujöŋdu do; a nutu jore mo mo ’yi ’busan konut.

²⁰ Ama a konyen ti ŋutu lorok mo musöni muso; a kikolin liŋ logon se wowöggiri kulo iŋge ’diya, a yenet nase yeŋdi adi ti se duwundye duwuŋdya asut.