Epeso 3 - Bibilia Buk na Ŋun nagon koti luŋu a

Paulo kikita kogwon kulya ti ŋutu ti jurön

¹ Ŋina a kwe nagon nan Paulo akwakwaddu kogwon kulya kasu, nan a rereka kogwon Kristo Yesu i kulya kasu ta ŋutu ti jurön.

² Nan yeyeju adi ta a yio adi Ŋun a korakin nan ’busan nanyit na nyaŋu anyen nan kikitari i kulya kasu,

³ köti ta ŋona a yiŋ adi lepeŋ a kwekiŋdya nan ŋo nagon köju a lwön, gwoso na wurökiŋdye nan ta kine kulya ko kulyaesi ku ’dik nu.

⁴ Ko ta a ken kulyaesi kwe, ta bubulö deŋdya adi nan kukurun ŋina lwön na Kristo.

⁵ Ŋina lwön a ko kweki ŋutu ti ’beron kulu, ama soŋinana luyökie kanyit loke se ko nebijin aje kweki ŋina lwön i riŋit na Mulökötyo Loke.

⁶ Ŋina lwön gwon sona adi, ŋutu ti jurön bubulö parundya ko Yudayaki ŋo nagon Ŋun köju a milyekin se kune, a se liŋ gwe a swötön ti mugun geleŋ, a se liŋ köti iŋge ruköki i parundya na ŋo nagon Ŋun a milyekin ko Kristo Yesu i mugun i Loŋe Lo ’but kune.

⁷ Ŋun a tiŋdu nan i gwon a kakitanit lo ŋilo Loŋe Lo ’but kogwon ’busan na nyaŋu nanyit nagon nye a ’doggi nan kana na, kogwon riŋit nanyit nagon kikita koyo i mugun na.

⁸ Ŋina ’busan a tiki nan logon a lo ’dit Iwolwoŋ ŋutu liŋ lo ’di ’dik ti Ŋun, anyen nan tokukindyo ŋutu ti juron Loŋe Lo ’but lo tukworien na Kristo nagon gagalaji ’bak ’dutet na.

⁹ Kbti anyen nan tiŋdu ŋutu liŋ i kuruŋdyo na yeyeet na Ŋun nagon koju a lwön na ködyö kona ada. Ŋina yeyeet Ŋun logon a gweja ŋo liŋ lo a ’debba a lwön i diŋitan liŋ ti ’beron,

¹⁰ anyen soŋinana kasarak se ko riŋitön ti ki i kak nagon ti meta na boŋo deŋdya i kanisa koŋon na ŋun nagon ko kikoliŋ ka ’de ka ’de.

¹¹ Kine kulya kokona gwoso yeyeet nanyit na yeyeŋon nagon nye a kon ko Kristo Yesu Matat likaŋ i mugun na.

¹² Ko Kristo i mugun yi gwon ko topurwan kogwon yi a yubbö lepeŋ, a yi gwe a lui i tu ko Ŋun i komor.

¹³ Nyenagon nan mo ’yu ta, an ta ko rorogga ta i toilyet kogwon nan ŋoŋga ko kulya kasu. Kine ŋoŋesi a bulesi kasu.

Kuruŋdyo nikaŋ na nyaŋu na Kristo

¹⁴ Ko ŋina kwe nan a rugwuŋoki kak ko Monye mede i komŋo,

¹⁵ logon midijik liŋ li ki ko ti kak pipiluŋdya i karin kanyit lo.

¹⁶ Nan momo ’yu lepeŋ adi, ti nye böŋö togo ’yi ta ko riŋit nagon nye a ’dumun i gugu lo tukworien na minyo lonyit, ko ti nye tiki kasu i toilyet lukata ko riŋit na Mulökötyo lonyit,

¹⁷ anyen Kristo böŋö gwolor kasu i töilyet kogwon yubbö nasu. Nan momo ’yu lepeŋ adi, anyen kokori kasu böŋö ’bekoddu kak i nyaŋu, a ta gwe ko togwi ’diesi logon a ’bokaki go i ŋina nyaŋu,

¹⁸ anyen ta se ko ŋutu liŋ ti Ŋun böŋö gŋgolon i kuruŋdyö na nyaŋu na Kristo na yi, ko tugalaŋ nanyit gwanan, ko tojolan nanyit ŋornan, ko tojolan nanyit ki ŋornan, ko togulu nanyit ŋornan.

¹⁹ Nan momo ’yu lepeŋ adi anyen ta deŋdya ŋina nyaŋu na Kristo na yi nagon lwölwöŋ deŋdya na, anyen Ŋun logon a jore ko ŋo liŋ adi miliŋ lo böŋö tojoreju ta ko ru nanyit ’bukuluŋ.

²⁰ Ti Ŋun bulani bula. Lepeŋ bubulö koŋdya ’bak temet lwölwöŋ ŋo liŋ nagon yi a piyun ko a yeye kune, kogwon riŋit nanyit kikita kayaŋ i mugunya.

²¹ Ti nye bulani bula ko kanisa ko Kristo Yesu i mugun i nyakwariat liŋ ŋupi ŋupi. Amin.