Epeso 1 - Bibilia Buk na Ŋun nagon koti luŋu a

Romesi

¹ Nan Paulo a luyökie lo Kristo Yesu kogwon Ŋun ’de ’dekan sona. Nan a roman ko ŋutu ti Ŋun lo gwon Epeso, logon koti a kayupok lo gwon ko Kristo Yesu i mugun kulo, adi,

² Ti ’busan ko taliŋ na po ko Ŋun Baba likaŋ na po ko Matat Yesu Kristo na gwe ko ta.Ŋun a ’boroja yi ko Kristo i mugun

³ Ti Ŋun Monye Matat likaŋ Yesu Kristo purani pura! Lepeŋ aje ’boroja yi kayan i toilyet ko Kristo i mugun ko ’boriesi liŋ na po ki yu ko Mulokotyo Loke.

⁴ A kokwe nagon kak a ko nyuŋ gweya nu, lepeŋ a wuluŋdyo yi ko Kristo i mugun, anyen yi ködyo gwon a loke ’bak yuyuket kanyit i komor. Kogwon lepeŋ aje nyar yi,

⁵ lepeŋ ’beron aje gelun yi anyen yi wowoa a ŋwajik kanyit kogwon Yesu Kristo. Ŋina a yeyeet nagon lepeŋ ’de ’dekan koŋdya.

⁶ Lepeŋ a kondya sona anyen yi pupurja kwelen na ’busan nanyit nagon nye a ’doggi yi kana na ko Ŋuro lonyit lo nyanyara i mugun.

⁷ Rima ti Ŋuro lonyit a dakuŋdya yi, a yi inge pitöki i toronjin kaŋ. ’Busan nanyit na nyaŋu a duma parik ti bulo tema.

⁸ nagon lepeŋ a tikin yi abur na! Lepeŋ a tiŋdu yi konon liŋ se ko kuruŋdyo na kulya,

⁹ lepeŋ a kwekiŋdya yi no nagon nye ’de ’dekan nagon koju a lwon. Ŋina yeyeet lepeŋ a tetenakin ko Kristo i mugun

¹⁰ anyen kokona ko dinit na ’but a po, kweja adi, lepeŋ ’dek momora no liŋ ti ki ko ti kak anyen gwon a no gelen ko Kristo i mugun.

¹¹ Yi aje wulwe ko aje ’beron gelwe a nutu kanyit ko Kristo i mugun, kogwon ŋina a yeyeet nanyit na Ŋun logon tokitaju no liŋ gwoso na ’deggi nye na.

¹² Lepeŋ ’de ’dekan adi ti yi logon a ti kokwe i yeŋdu na Kristo i Iwoggu na yi kulo kodyo tiŋdu minyo lonyit i pupura.

¹³ Nyena kogwon Kristo, ta koti a yin kulyaet lo to ’diri se ko Loŋe Lo ’but adi ta mo Iwolwoko. A ta inge yubbo kogwon kulya kanyit, a ta inge wuju Mulokotyo Loke logon a milyeki ta lo.anyen gwuluarikin adi ta a kanyit.

¹⁴ Ŋilo Mulökötyo a tiki yi a waŋet lo lomore nagon yi a ko nyuŋ wu na, anyen kwekiŋdya adi yi mo wuwu i diŋit nagon Ŋun lwökuŋdyö yi anyen gwon a lui gwoso ŋwajik kanyit. A ti minyo lonyit pupurani pupura.

Paulo momo ’yu ŋon

¹⁵ Ko nina kwe, na yinge nan yubbo nasu na Matat Yesu se ko nyaiju nasu na nutu liŋ ti Ŋun nu,

¹⁶ nan a ko jaran tiŋdu Ŋun tinate kogwon kulya kasu, i ’diŋdya na ta koyo i kwasesi.

¹⁷ Nan mo ’yu Monye lo bubula logon a Ŋun lo Matat likaŋ Yesu Kristo, anyen nye bono tiŋdu ta konon na po ki nagon kwekiŋdya ta i deŋdya na lepeŋ.

¹⁸ Nan momo ’yu adi anyen toilyet kasu böŋö gwon ko parara, anyen ta böŋö deden ko lepeŋ lungu ta i yeŋdu na nyo, koti anyen ta böŋö deden ko tukworien na no na bubula nagon nye titin ta i naŋu se ko nutu kanyit kune a nyo.

¹⁹ A nyen ta bönö deden ko todumalan na riŋit nanyit gwanan nagon kikita kayan i mugunya, yi logon a yubbo kilo. Ŋina riŋit duma jojo ko riŋit nanyit duma parik

²⁰ nagon nye a toniji Kristo i twan na, a tosi ’dakiŋdye lepeŋ kanyit i konin lutaten ki yu i kak nagon ti meta,

²¹ anyen gwon a duma lo kasarak liŋ, ko lo kidoni liŋ, ko lo riŋiton liŋ, ko lo tumatyanjin liŋ, karin kanyit a temejik Iwolwon karin liŋ nagon a ’dinya, ti gwon i na diŋit ka ’de ama i diŋit na popo molu nu.

²² Ŋun a tiŋdu lepeŋ i ryokakiŋdyana no liŋ kak, a iŋge tin lepeŋ a kwe lo kanisa i no liŋ.

²³ Kanisa a mugun na Kristo nagon kwekiŋdya lepeŋ ’bukuluŋ, nye logon tojoreju no liŋ ti ki ko kak ko mugun nanyit adi miliŋ lo.