Ejira 9 - Bibilia Buk na Ŋun nagon koti luŋu a

¹ A i mukök nagon kine kulya ajekona nu, a temejik ti ŋutu poŋdi köyö ni, a kulyani adi, ŋutu ti Yisaraele ko koanejin se ko Lewijin a ko nyuŋ koruŋdya ’börik kaŋo i konesi manat ti ŋutu ti Jurön ti Kanana, ko ti Kiti, ko ti Periji, ko ti Yebusi, ko ti Amon, ko ti Moaba, ko ti Ejipeto, se ko ti Amori.

² Kogwon lepeŋat ko ŋwajik kase a yemba kunie ŋwajik ti kilu Jurön a wate kase; nyena a kötumit na ŋutu loke iŋge polakiŋdya ’börik ko ŋutu ti kilu Jurön. A ŋutu kase temejik ko lokukwön gwe a kasuluwak ti kine kulya narok.

³ Nyena a na yiŋge nan kine kulya nu, a nan kereŋdi boŋgwat kwe se ko boŋgo muit, a nan iŋge ’dutun kupir köyo i kwe ko i nyekem, a nan si ’dakine kak ko delya duma parik.

⁴ A ŋutu liŋ lo kukujonö kulyaesi ti Ŋun lo Yisaraele kulo momoruŋdye i gömbu na nan kogwon konesi najok ti ŋutu lo yitwe i to ’dupien, a nan si ’dani ko delya tojo ko diŋit ’yuret na rubaŋga lo sömukö i ’doro na kolor.

⁵ A i nu diŋit na konari rubaŋga lo sömukö nu, a nan pine köyö i dujwe, ko boŋgwat kwe ko muit na kerenya kune, a nan ’dorone kak ko kupwat, a nan mamanyaddi ko könisi kwe ko MATAT Ŋun lio yu,

⁶ adi, Pon ŋun lio, nan gwon ko yu na kwe ko kujönö i ’bi ’yu na komor nio konut yu pon Ŋun lio, kogwon toronjin kaŋ aje ŋdi Jore a tu ki lwöŋgu kusik kaŋ, ko lyapesi kaŋ aje gwululuöddu ki.

⁷ Suluja i perok ti merenyejin kaŋ tojo ko lo lor yi gwon i koŋdya na lyapesi Jore; nyena kogwon toronjin kaŋ yi ko moran kaŋ, se ko koanejin kaŋ a paki i könisi ti moran ti Jurön anyen tatatua, anyen momoka a ’dupi, anyen toro ’bo kaŋ ryaryaka, anyen wuju yu na kwe gwoso i lo lor na.

⁸ Nyena soŋinana pon MATAT Ŋun likaŋ, do a kwekiŋdya yi ’busan diŋit a na ’dit i kölökiŋdyö na yi a pitönö ti ŋutu, ko a ’bikikiŋdyö yi kaluti a monowet nikaŋ i pirit nake na rurwan inot, anyen do pon Ŋun likaŋ, böŋö ŋaŋa konyen kaŋ a loke i torujö na yi madaŋ kayaŋ i to ’dupien.

⁹ Kogwon yi kulo a ’dupi; ama do Ŋun likaŋ a ko kölökin yi i to ’dupien nikaŋ, ama do a kwekiŋdya yi nyaŋu inot nagon ti ’duddyö na i komor na moran ti Parasa i torujö na yi, anyen yi ’duggö kadi inot pon Ŋun likaŋ, anyen nyöggu teteŋdya piritön na kököröju, a do gwe a mariŋ nikaŋ nago i Yuda ko i Yerusalema.

¹⁰ Nyenagon pon Ŋun likaŋ, yi bubulö Tambu ko do ada i mukök na kine kulya? Kogwon yi aje kölökiŋdyö saresi kulök

¹¹ logon do köju a sarakin ko nebijin köliŋönök kulök adi, Jur logon ta lupö lukata i morga lu ti gwon a loke, kogwon ŋutu ti kilu Jurön a toluddya lepeŋ, a konesi kase manat aje tojoreju lu Jur ko tolutesi kase, suluja i ’dutet nanyit tojo ko nene ’dutet.

¹² Nyenagon an ta ko tiŋdu ta ŋwajik kasu i yema ko ŋwajik kase, kode toyemakiŋdya ŋwajik kasu kö ’disi kase, a ta ködyo tine ga ’yu taliŋ nase kode ’busan nase ŋupi, anyen ta böŋö gwon a iŋgo i nyesu na kinyo lo ’but lo lu Jur, anyen ta kölökiŋdyö ŋilu Jur a lomore lo ŋwajik kasu ŋupi ŋupi.

¹³ Ma ’di do pon Ŋun likaŋ, a ko riŋga yi gwoso i temet na toronjin kaŋ, do köti a pitökiŋdyö yi a pitönö ti ŋutu gwoso kilo, nyena ma ’di nagon kine kulya liŋ a pokin kayaŋ kogwon konesi kaŋ narok ko lyapesi kaŋ temejik,

¹⁴ yi köti ködyö bubulö ’beleŋgu saresi kulök ada i toyemakin ko kulu ŋutu logon koŋdya manat gwoso kine? Do ködyö ti woran tojo do a tukaŋu yi, a yi tine pituŋdyö asut kode gwon Jörun le?

¹⁵ A, pon MATAT Ŋun lo Yisaraele, do logon a lo rigwo, kogwon yi kulo gwe a pitönö logon gwon Jörun gwoso i lo lor na. Mete, yi makulo katoronyak konut i komor. Lele ŋuto ’bayin logon bubulö gwo ’dan konut i komor kogwon kine kulya.