Ejira 5 - Bibilia Buk na Ŋun nagon koti luŋu a

Kadi na ŋun a nyökö ’dukö

¹ A Kagai ko Takaria ŋuro lo Ido, logon a nebijin kulo keŋ keju ko Yudayaki i komor lo gwon Yuda nyu ko Yerusalema. Lepeŋat keju i karin ti Ŋun lo Yisaraele.

² A kirut Jerubabela ŋuro lo Salatiele, ko Yesu a ŋuro lo Yosadak suluje nyoggu ’duggo kadi na Ŋun na gwon Yerusalema nu; a nebijin ti Ŋun gwe ko se i pirit na geleŋ i togo ’yu na lepeŋat.

³ A i nu diŋit a Tatena i modir duma lo modoria na gwon i nu pele na kare Perat, ko Setar-bojena i se ko laŋet nase poŋdi ko lepeŋat ni, a pipije se adi, Ŋa lo tiŋdu ta saret anyen ta nyoggu ’duggo ŋina kadi, koi peddya na kaden?

⁴ A se koti pipije lepeŋat adi, Karin ti kilo ŋutu a ko ŋa lo ’duggo ŋina kadi kulo?

⁵ Ama a Ŋun lose iŋge won konyen ko temejik ti Yudayaki, a ko Tatena i gwe a ko togwo ’ya lepeŋat tojo ko kine kulya a ’durökin ko Dario, anyen ruket nase kodyo nyokwe ko waraga.

⁶ A ŋina gwe a waraga nagon Tatena i modir duma lo modoria na gwon i nu pele na kare Perat, ko Setar-bojena i se ko laŋet nanyit na modirön ti nu modoria kulo a wurökin ko a sunyukin mor Dario na.

⁷ Se a sunyukiŋdyo lepeŋ lore gwoso na wurorikin na adi. Madaŋ pon duma likaŋ mor Dario.

⁸ Yi takiŋdya do anyen do kodyo böŋö deden pon mor, adi yi a tu i jur lo Yuda, i kadi na ŋun duma. ŋinu kadi nyuŋ gwon i ’duko ko ŋurupö lobot, ko kaden a peta i gorom. ŋinu kita a kitarikin ko tirikwet, ko kita na könisi kase pupuru ’bura.

⁹ Nyena a yi pipije temejik kase a jambi ko lepeŋat adi, ŋa lo tiŋdu ta saret anyen ’duggo ŋina kadi ko i peddaya na kaden?

¹⁰ A yi koti iŋge pija karin kase, anyen yi bubulö wuŋo karin ti ŋutu temejik anyen do kodyo bubulö deŋdya.

¹¹ A lepeŋat rukokiŋdyeyi adi, Yiakoli pönök ti ŋun lo ki ko kak. Yi kulo nyoggu ’duggo kadi na ’duko kiŋajin jore a laŋgu nagon mor duma lo Yisaraele köju a ’duggo ko a tutuŋgo lepeŋ nu.

¹² A merenyejin kaŋ köju iŋge towör ŋun lo ki, nyena a nye ŋutukiŋdye yi i könisi ti Nebukada­nesar mor lo Babela logon a lo Kaledea, logon a tupo na kadi kak a momorgi ŋutu kan a joŋgi se Babela.

¹³ Ama i kiŋa lo kokwe lo Korese mor lo Babela, a lepeŋ iŋge tiŋdu saret anyen ŋina kadi na ŋun nyönyökö ’duko.

¹⁴ A mor Korese iŋge ’dumun kaŋo i kadi na ŋunyen Babela yu toro ’bo ti kadi na ŋun nagon a tetena ko dakap ko podo, a wukiŋdye se ko lele ŋuto karin kanyit a Sesebasar, logon nye a wulun a modir lo. Kine toro ’bo köju Nebukadanesar aje joŋ kaŋo i kadi na ŋun na gwon Yerusalema ni a iŋge yekaddu tojo ko kadi na ŋunyen na gwon Babela nu.

¹⁵ A mor Korese iŋge jambu ko Sesebasar adi, Joŋe kine toro ’bo anyen tu tikin i kadi na ŋun na gwon Yerusalema nu, ko ti kadi na ŋun nyököni nyökö ’dukö kanyit i pirit.

¹⁶ Nyena a ŋilo Sesebasar poŋdi po a suluje pipi ’yu kadi na ŋun na gwon Yerusalema; suluja i ŋinu diŋit tojo ko soŋinana nyuŋ gwon i ’dukö ko a ko tutuŋöki.

¹⁷ Nyenagon pon mor, ko do ködyö nyanyar, a ti wuresi na ’dela ti miri lo Babela galani gala anyen dedena kode mor Korese ’diri a tiŋdu saret anyen kadi na ŋun nyönyökö ’dukö Yerusalema yu. Ko ti do sunyukiŋdye yi saresi kulök i kine kulya pon mor.