Ejira 4 - Bibilia Buk na Ŋun nagon koti luŋu a

Merok a teŋgu ’duko na kadi

¹ Nyena a merok ti kotumit na Yuda ko na Benyamina ko yiŋge adi ŋutu lo yitwe i to ’dupien kulo kulu ’dukokiŋdyo MATAT Ŋun lo Yisaraele kadi,

² a se poŋdi ko Jerubabela ni se ko ŋutu logon a kusik ti kotumiton ti merenyejin kulo, a kulyani ko lepeŋat adi, Ti yi ’duŋge ko ta i pirit na geleŋ; kogwon yi kwakwaddu Ŋun losu gwoso na koŋdi ta na, a yi iŋge ’duŋökiŋdyö lepeŋ rubaŋgajin suluja i diŋit na Esar-kadon mor lo Asura logon a Joŋdya yi ni lo.

³ Ama Jerubabela ko Yesu a se ko kulye kusik ti kotumiton ti merenyejin ti Yisaraele waddi se adi, ’Bayin a kulya kasu i ’dukokiŋdyo na Ŋun likaŋ kadi, ama yi ka ’de lo ’dukokiŋdyö MATAT Ŋun lo Yisaraele kadi, gwoso nagon Korese mor lo Parasa a sarakiŋdye yi nu.

⁴ A kirut kulye ŋutu logon si ’da kase i Jur kulo yoyoŋgi ŋutu ti Yuda, a tokujoŋdi lepeŋat i ’duggo,

⁵ a se ropakiŋdye kulye ŋutu temejik i kokoroju na kita nase, i perok liŋ ti Korese mor lo Parasa tojo i diŋit na gwoŋdi Dario a mor lo Parasa nu.

⁶ A i diŋit na suluje Akasuwero gwon a kasaranit nu, a se wuŋe kulya ŋoisi ti ŋutu lo si ’da Yuda ko Yerusa­lema.

⁷ A i perok ti Aretasaseta, a ko Bisilam ko Miteredata, ko Tabela se ko kulye ŋutu logon a mor Ta ko lepeŋat ku­lo wurokiŋdye Aretasaseta mor lo Para­sa waraga; ŋina waraga a wurö ko kutuk na Aram a iŋge nyonyoko.

⁸ A Rekum kasaranit ko Simesai kawurönit wurö­kiŋdye mor Aretasaseta waraga ŋoit a na Yerusalema ko kulyaesi gwoso kilo.

⁹ A kawurök ti ŋina waraga gwe a ko Rekum kasaranit, ko Simesai kawuronit, ko se liŋ logon a mor Ta ko lepeŋat kulu, kweja adi ka ’duŋok, ko modirön, ko temejik ti miri, ko ŋutu ti Parasa, ko ti Arekewa, ko ti Babela, ko ti Susa, kweta adi ŋutu ti Elam,

¹⁰ se ko ti kulye Juron logon Osenapar duma lo bubula lo a rikörö, a tosi ’daji se i köjino ti Samaria, ko i kulye swötön ti modoria lo gwon i nu pele na kare Perat.

¹¹ A ŋina gwe a waraga nagon lepeŋat a son na, a wurö adi, Madaŋ pon duma likaŋ mor Aretasaseta, yi köliŋönök kulok ŋutu ti modoria na gwon i nu pele na kare Perat a roman ko do.

¹² yi takiŋdya do anyen do ködyö boŋo deden pon mör, adi Yudayaki lo po konut yu kayaŋ ni kulo aje tu Yerusalema. Lepeŋat kulu nyoggu ’duggo nu köji na ŋutu lorok karerenyak; se koti kulu nyoggu ’duggo goroma nagon a mariŋ na köji a teteŋdi pipilesi kanyit.

¹³ Nyenagon ti do dene den pon moi, adi ko kulu ŋutu a nyoggu ’duggo ŋinu köji ko a tutuŋgo gorom nagon a mariŋ na köji, a se mo tine robba usur, kode ’buggo na murut, kode dakesi ti kak, a kirut gurut ti miri inot mo gwe ku ’dik.

¹⁴ Nyena kogwon yi a nyesu ’balaŋ konut kadi pon mor, a tine jukin koyi a meddya ŋutu i lauŋdya na do pon mor, nyenagon yi a soŋdu ŋina waraga anyen toyiyikiŋdyo do pon mor,

¹⁵ anyen do bubulö tiŋdu ŋutu i ga ’yu na buk na wurorikin konesi ti merenyejin kulok. A do mo ryeji kulya na wuröki i Ŋina buk lukata, a do mo denuŋdye adi na köji a köji na karere­nyak nagon yöyoŋgu moran se ko modoriajin, koti kilo ŋutu ’beron a kato ’dorok ti miri. Nyena ko na kwe a ŋina köji köju a körö.

¹⁶ Yi a kwekin kine kulya i dena ko do pon mor, adi ko lepeŋat a nyoggu ’duggo ŋina köji ko a tutuŋgo gorom nagon a mariŋ nanyit, a do mo gwe ’bak tumatyan i modoria na gwon i nu pele na kare Perat.

¹⁷ A kirut mor sunyukiŋdye ruket adi, Madaŋ ta, Rekum kasaranit, ko Simesai kawurönit, se ko kulye logon a ti laŋet nasu lo si ’da Samaria ko i kulye swötön ti modoria na gwon i nu pele na kare Perat kulu.

¹⁸ Waraga na sunyun ta kayaŋ ni na aje kena ko aje nyonyoko ’bura koyo i komor.

¹⁹ Nyena nan aje tiŋdu saret, a Ŋutu kwe iŋge galun ko aje ryoun kaŋo adi ŋutu ti ŋinu köji ’beron köju a ŋikin i moro ko moran, koti karerenyak ko kato ’dorok ti miri ryerye ŋupi i lukata nanyit.

²⁰ A moran logon ko riŋitön aje saŋu Yerusalema, logon a kasarak ti modoria ’bukuluŋ na gwon i nu pele na kare Perat, a kilo moran iŋge ropaki usur, ko ’buggo na murut, ko dakesi ti kak.

²¹ Nyenagon tiŋdi ta saret anyen tepori kulu ŋutu, adi ti na köji gwe ti nyoko ’duko tojo ko nan a teteŋdya saret.

²² Tini ta ti an ta ko jaran i koŋdya na kine kulya; ko kolokin ta kulya narok i Ŋöi an koŋu nan mor.

²³ Nyenagon a ko Rekum ko Simesai kawurönit se ko kulye logon a mora ko lepeŋat kulu iŋge kenaki waraga na sunyun mor Aretasaseta na, a lepeŋat rumara rumara ’de ’de ko Yudayaki yu Yerusalema, a se ri ’dikiŋdye se ko riŋit i ko ’yu na kita nase.

²⁴ Nyena a kita na kadi na ŋun na gwon Yerusalema nu iŋge togwo ’da; a nye gwe ’bayin i kitarikin tojo ko kiŋa tomurek na gwoŋdi mor Dariŋ a kasaranit lo Parasa nu.