Ejira 3 - Bibilia Buk na Ŋun nagon koti luŋu a

Ŋutu a nyoggu kwakwaddu ŋun tiŋdu rubaŋgajin

¹ A ko yapa toburyo aje po, nagon ŋutu ti Yisaraele gwe kase i köjino nu, a ŋutu momori momor Ta Yerusalema a teŋ geleŋ.

² A kirut Yesu a ŋuro lo Yosadak ko luŋasirik kanyit koanejin, ko Jerubabela ŋuro lo Salatiele se ko luŋasirik kanyit ŋine ki a ’duŋge pirit ’yuret na rubaŋgajin ti ŋun lo Yisaraele anyen ’yuraki ’e lepeŋ rubaŋgajin ’buluŋ, gwoso nagon a wurö i saret lo Mose ŋuto lo ŋun.

³ A tenakiŋdye pirit yuret na rubaŋgajin kanyit i pirit kogwon se kukujono gweyajin ti ŋutu ti lu Jur. A se wukiŋdye MATAT rubaŋgajin lo ’yu ’yura ’buluŋ i loki nanyit temba i ko ’bure ko i sömukö i ’doro na kolor.

⁴ A se koŋdi rorwe lo murugujin gwoso na wurorikin nu, a wukiŋdye rubaŋgajin lo ’yu ’yura ’buluŋ temba i lor gwoso i kenet na saraki ’e se a ti lu lor nu.

⁵ A i mukök na kine a se wukiŋdye rubaŋgajin lo ’yu ’yura ti perok liŋ, ko ti wilun na yapala, ko i roriot liŋ lo wulwe a ti MATAT, se ko ’dokesi ti ŋutu liŋ lo ’dogga MATAT ko toilyet lo lilik.

⁶ Suluja i lor geleŋ lo yapa toburyo a se suluje ’yurakiŋdya MATAT rubaŋgajin ’buluŋ, ama a kadi na MATAT gwe a ko nyuŋ sulua nyoko ’duko.

⁷ A se ropakiŋdye ka ’bokak ti ŋurupö ko kakepak ti kaden gurut, a tiŋdi ŋutu ti Sidona se ko ti Turo kinyo, ko po na mamata ko welet, anyen Joŋdya kaden logon gwoso tika suluja Libanon tojo ko tor tojo Yaŋo, gwoso nagon Korese mor lo Parasa a rukökiŋdye se i koŋdya nu.

ŋutu a suluja nyoggu ’duggo kadi na ŋun

⁸ A Jerubabela ŋuro lo Salatiele, ko Yesu a ŋuro lo Yosadak suluje kita i yapa tomurek lo kiŋa tomurek i mukök na pöri se tojo ko kadi na Ŋun na gwon Yerusalema nu. A kulye luŋasirik kase koanejin ko Lewijin se ko kulye liŋ logon a po kapo i to ’dupien tojo Yerusalema kulo parakiŋdye se koti. A se wuluŋdye Lewijin logon ko kiŋajin Iwolwoŋ merya murek anyen tiju kita na kadi na MATAT.

⁹ A Yesu a ko ŋwajik kanyit ko karu kanyit, ko Kadamiele ko ŋwajik kanyit, logon a nyakwariat ti Yuda kulo gwe i pirit na geleŋ i tiju na kakitak ti kadi na Ŋun, mor Ta ko Kenadada ko Lewijin logon a ŋwajik kase ko karu kase.

¹⁰ A nagon ka ’dukok nyuŋ gwon i pipi ’yu na kadi na MATAT nu, a koane­jin poŋdi ko toriot a Jupu ko boŋgwat kase, se ko Lewijin ti kotumit na Asap ko re gwoesi, i pupurja na MATAT, gwoso na saŋi Dawidi mor lo Yisaraele köju nu.

¹¹ A se yo ’yi pupuresi a tiŋdi MATAT tinate, i ’do ’yu ko i ruggö adi, Kogwon nye a lo ’but, kogwon nyaŋu nanyit ti ’duddyo kwop i Yisaraele. A ŋutu liŋ woŋoro ki parik i diŋit nagon se pupurje MATAT, kogwon kadi na MATAT aje piŋilu.

¹² A Jore ti koanejin ko ti Lewijin, ko kusik ti kotumiton ti merenyejin luluje lulujö parik na meddi se piŋilu na ŋinu kadi. Kilo a ŋutu mudupin logon köju a met kadi na ’beron nu. Ama kulye Jore woŋoro ki ko lyoŋon.

¹³ Nyena a ŋutu tine kurun wopesi ti lyoŋon kode luluesi, kogwon wopon na kulu ŋutu gwe a duma parik, a yiŋani yiŋa pajo.