Ejira 1 - Bibilia Buk na Ŋun nagon koti luŋu a

Korese laikiŋdya tumatyanjin kulya

¹ A i kiŋa lo kokwe lo Korese moriŋ Parasa, a MATAT tonije yeyeesi ti Korese anyen kulyaet lonyit lo MATAT böŋö kökona gwoso na jambi Yeremia nu, anyen Korese mor lo Parasa tiŋdu lalyet i tumatyan nanyit liŋ. A kine kulya köti iŋge wuröki kak:

² adi, Korese mor lo Parasa kulya adi, MATAT ŋun lo ki aje tiŋdu nan tumatyanjin liŋ ti kak, a lepeŋ iŋge yokijo nan anyen ’dukokiŋdyo lepeŋ kadi Yerusalema yu i jur lo Yuda.

³ Ko ŋutu katwoyok ti ŋilu ŋun kata kasu kiden a ti Ŋun lose gwe ko lepeŋat, ko ti se iti tojo Yerusalema i jur lo Yuda, anyen tu nyoggu ’duggo kadi na MATAT Ŋun lo Yisaraele, lepeŋ a ŋun logon Yerusalema a köji nanyit.

⁴ Ko ti pitönö ti ŋutu liŋ ti Yisaraele logon kata i piriton ka ’de ka ’de na gwoŋdi se kunu, ti ŋutu ti ŋinu pirit paraki parakin lepeŋat ko podo, ko dakap, ko toro ’bo, ko kisuk, ko yidin, koko ’dokesi nagon a ti tupalikan na töili a ti kadi na Ŋun na gwon Yerusalema yu.

ŋutu logon a joŋa a ’dupi kulo a yifo Yerusalema

⁵ A kirut kusik ti kotumiton ti merenyejin logon a ti Yuda ko ti Benyamina, ko koanejin se ko Lewijin poki i teteŋdya na ’borik, kilo a ŋutu logon ŋun a toŋiju yeyeesi kase anyen tu nyoggu ’duggo kadi na MATAT na gwon Yerusalema yu.

⁶ A ŋutu liŋ logon nyona ko lepeŋat kulo parakiŋdye se ko toro ’bo logon a podo, ko dakap, ko tito, ko kisuk, ko yidin, ko tito na gworo go, koko kunie ’dokesi liŋ ti tupalikan na töili.

⁷ A mor Korese koti iŋge yekuŋdya kapo toro ’bo ti kadi na MATAT nagon Nebukadanesar köju a yekara kaŋo Yerusalema, a tiŋdi se i kadi na ŋunyen kanyit kunu.

⁸ A Korese mor lo Parasa yokije Miteredata ka ’delanit lo tukworien i yekuŋdya na kine ŋo anyen kenakin Sese-basar duma lo Yuda.

⁹ A kenet nase gwe sona adi, kalabajin merya musala nagon a dakap, ko kalabajin aliŋ geleŋ nagon a podo, ko walya merya murek wot buŋwan,

¹⁰ ko kunie kalabajin merya musala nagon a dakap, ko kunie kala­bajin nagon a podo miajin iŋwan ko puök se ko kunie toro ’bo aliŋ geleŋ.

¹¹ A toro ’bo nagon a dakap ko a pödö liŋ momori a aliŋan mukanat ko miajin iŋwan. A Sese-basar iŋge yekara kine ŋo liŋ i diŋit na yitöri ŋutu kaŋo i to ’dupien i jur lo Babela anyen tu tojo Yerusalema.