Ejikele 40 - Bibilia Buk na Ŋun nagon koti luŋu a

Nebi Ejikele a meddya kadi na ŊUN i ŋo gwoso rudwe

¹ A i mukök na kiŋajin puök wot iŋwan gwak nagon köji aje körö, a yi iŋge si ’da i to ’dupien ko kiŋajin merya murek wot mukanat nu, a riŋit na MATAT poki köyö i mugun i suluet na kiŋa i perok puök ti yapa.

² A nan meddi kulya ti ŊUN koyö i töili adi nye lo joŋdya nan i jur lo Yisaraele, a tosi ’dakiŋdye nan kak i loki na mere lojo parik, a nan iŋge met kadijik nagon meta gwoso köji diruŋdya köyö ni.

³ A lepeŋ nyömöddi nan kata, a nan meddi ŋuto logon meta nanyit gwoso mölwö. Ŋilo ŋuto gwon ko pata na waratat na luŋu a pisite se ko pa ’duŋi temet kanyit i könin; a lepeŋ gwo ’de i kötumit.

⁴ A ŋilo ŋuto kulyani ko nan adi, Ŋuro lo ŋuto, mete met ’bura ko yiŋe yiŋ ’bura, ko togwi ’dikiŋdye töili ilot i ŋo liŋ nagon nan de kwekwekin do kune, kogwon do a jwe ni anyen nan böŋö kwekiŋdya do se. Nyönyököki kötumit na Yisaraele ŋo liŋ nagon do de memet kune.

Kötumit na diraddu i swöt lo ’yure

⁵ A nan meddi kadi na ŊUN a loraki kiden ko gorom nagon a mariŋ. A pa ’duŋi temet nagon ŋilo ŋuto momok na gwe a lokiliŋan buker logon a lojo, kweja adi temet na lokiliŋ geleŋ lojo gwon a lokiliŋ geleŋ logon a ’yalaki ’dapanit na könin kata. A lepeŋ tembi tu ’bökik na gorom a pa ’duŋi geleŋ; a nye tembi tojolan nanyit ki a pa ’duŋi geleŋ.

⁶ a lepeŋ iti i kadi najo nagon suluja lupörikin i kötumit na kaŋo tojo i tulöddu i lukata na mariŋ ŋina kötumit diraddu i swöt lo ’yure. A nye kiyaddi i kiyesi kanyit a tembi tu ’bökik na lupet na kötumit, a gwe a pa ’duŋi geleŋ.

⁷ A nye tembi kadijik na ’di ’dik na lolokoto i swötön liŋ murek ti ŋina kadi najo i lukata nanyit, a tojolan nase liŋ geleŋ geleŋ gwe a pa ’duŋi geleŋ, a tugalap nase gwe a pa ’dupi geleŋ köti. A kwakiat na gwon i kiden na kine kadijik kune gwe a lokiliŋan mukanat mukanat, a temet na tu ’bökik na lupet nagon ŋuto lupöri i baraŋöa a tulöddi lukata na gwe a pa ’dupi geleŋ.

⁸ A lepeŋ tembi baraŋöa na kadi najo na gwon i kötumit na, a tugalap nanyit gwe a lokiliŋan budök.

⁹ A nye tembi tu ’bökik na togwi ’diesi logon tomoraki i ’dutesi ti goroma i lukata na lupet na kötumit a gwe a lokiliŋan murek murek. A ŋina baraŋöa na kadi najo na gwon i kötumit na gwe i ’dutet ko ŋutu tulöddu i lukata na mariŋ.

¹⁰ A ŋina kadi najo na gwon i kötumit nagon diraddu i swöt lo ’yure na gwe ko kadijik na ’di ’dik musala i lukata nanyit i swötön liŋ murek. Kine kadijik musala musala temet nase gwon jojo. A togwi ’diesi logon a tomoraki i ’dutesi ti goroma i swötön liŋ murek kulo temet nase köti gwe jojo.

¹¹ A kirut nye tembi tugalap na lupet na kötumit a gwe a lokiliŋan puök; a nye tembi tugalaŋ na pirit nagon ŋuto tulöddi lukata i ŋina kadi najo na gwon i kötumit na, a gwe a lokiliŋan puök wot musala.

¹² A i komor na kine kadijik na gwon i swötön murek kune gwe a goroma na ’di ’dik nagon temet nase a lokiliŋan geleŋ geleŋ i koŋa na se ko pirit wöriet. A temet na kine kadijik na gwon i swötön murek kune gwe a lokiliŋan buker buker.

¹³ Kötumitön ti kine kadijik na ’di ’dik totodirakin, a kirut lepeŋ tembi tugalap na ŋina kadi najo na gwon i kötumit i lukata nanyit na, suluja i ki ’diŋ na kine kadijik na ’di ’dik na gwon i lele swöt tojo i ki ’diŋ na kadijik na ’di ’dik na gwon i lele swöt kune, a gwe a lokiliŋan merya murek wot mukanat.

¹⁴ a lepeŋ köti tembi tojolan na baraŋöa a gwe a lokiliŋan merya murek. A swötön ti baraŋöa na ŋina kadi najo na gwon i kötumit na tulöddi i ’baŋ.

¹⁵ a temet na kadi najo na gwon i kötumit, suluja i kötumit lupet tojo ko baraŋöa na gwon i ’dutet na ŋinu kadi nagon ŋuto tulöddi i ’baŋ kata na, gwe a lokiliŋan merya mukanat.

¹⁶ A kadijik na ’di ’dik nagon gwon i lukata na ŋina kadi najo i swötön kanyit murek kune gwe ko kwilisesi. A togwi ’diesi logon a tomoraki i ’dutesi ti goroma lo gwon i kiden na kine kadijik köti gwe ko kwilisesi. Kine kwi lisesi a nagalapak lukata a tulöddi kaŋo a nagusulak kogwon tu ’bökik na gorom. A baraŋöa köti gwe ko kwilisesi i swötön liŋ lukata, a pöjinö ti kaden ti tömur iŋge gigiruki i togwi ’diesi logon a tomoraki i ’dutesi ti goroma kulo.

’Baŋ lo gwon kaŋo

¹⁷ A kirut ŋilo ŋuto joŋgi nan lukata i ’baŋ lo gwon kaŋo na kadi na ŊUN, a nan meddi kadijik na ’di ’dik ko pirit na ’du nagon a linyö ko ŋurupö lolorga ’baŋ; a kadijik na ’di ’dik merya musala gwe i loki nanyit.

¹⁸ A tugalap na pirit na ’du na gwe jojo ko tojolan na kadijik najo na gwon i kötumitön lupesi kune. ŋina pirit na ’du gwon i kwakiat ti kine kötumitön liŋ, a luŋuni a pirit na ’du madaŋ.

¹⁹ A lepeŋ tembi tugalaŋ na ’baŋ suluja i komor na kadi najo na gwon i kötumit na gwon kak tojo ko kaŋo na kadi najo na gwon i kötumit nagon tulöddu i ’baŋ lo gwon lukata, a gwe a lokiliŋan mia geleŋ.

Kötumit na diraddu i swöt lo lobot

²⁰ A kirut lepeŋ nyömöddi nan i swöt lo lobot, a nan meddi kadi najo na gwon i kötumit nagon diraddu i swöt lo lobot, nagon lupörikin i ’baŋ lo gwon kaŋo na kadi na ŊUN na. A lepeŋ tembi tojolan nanyit se ko tugalap nanyit.

²¹ A kadijik na ’di ’dik musala na gwon i lukata na ŋina kadi najo i swötön kanyit murek kune, ko togwi ’diesi logon a tomoraki i ’dutesi ti goroma kulo, se ko baraŋöa nanyit, temesi kase gwe jojo ko temesi ti po ti kötumit na kokwe na. A tojolan na ŋinu kadi najo na gwon i kötumit na gwe a lokiliŋan merya mukanat, a tugalaŋ nanyit gwe a lokiliŋan merya murek wot mukanat.

²² A kwilisesi kanyit, ko baraŋöa nanyit, se ko pöjinö kanyit ti kaden ti tömur, temesi kase gwe jojo ko temesi ti po na gwon i kötumit na diraddu i swöt lo ’yure na; a kiyesi buryo kiyajie kata, a baraŋöa gwe kase ŋerot.

²³ A kötumit nagon lupörikin i ’baŋ lo lukata na komorgi kötumit na gwon i swöt lo lobot na, a gwe jojo ko na gwon i swöt lo ’yure na; a nye tembi kwake na kine kötumitön murek a gwe a lokiliŋan mia geleŋ.

Kötumit na diraddu i swöt lo loki

²⁴ A nye nyömöddi nan i swöt lo loki, a nan meddi kadi najo na gwon i kötumit na diraddu i swöt lo loki; a lepeŋ tembi togwi ’diesi logon tomoraki i ’dutesi ti goroma kulo se ko baraŋöa nanyit, a se gwe jojo ko kunie kune.

²⁵ A kwilisesi gwe kata i swötön kanyit ti ŋina kadi najo na gwon i kötumit na ko i baraŋöa nanyit gwoso kwilisesi ti kunie kune; a tojolan na ŋina kadi gwe a lokiliŋan merya mukanat, a tugalaŋ nanyit gwe a lokiliŋan merya murek wot mukanat.

²⁶ A kiyesi buryo kiyaji ’e kata, a baraŋöa gwe kase ŋerot; a togwi ’diesi lo tomoraki i ’dutesi ti goroma kanyit kulo iŋge gigiruki ŋöjinö ti kaden ti tömur, lele i lo swöt ko lele i lu swöt.

²⁷ A kötumit gwe kata i swöt lo loki nagon lupörikin i ’baŋ lo lukata, a lepeŋ tembi kwake na kine kötumitön murek na diraddu i swöt lo loki kune, a gwe a lokiliŋan mia geleŋ.

’Baŋ lo lukata se ko kötumit na gwon i swöt lo loki

²⁸ A kirut lepeŋ joŋgi nan i kadi najo na gwon i kötumit na gwon i swöt lo loki na, a yi tiri kata tojo i ’baŋ lo lukata, a lepeŋ tembi ŋina kadi najo, a temet nanyit gwe jojo ko na kunie kune.

²⁹ A kadijik na ’di ’dik na gwon i lukata na ŋina kadi najo i swötön liŋ murek kune, ko togwi ’diesi logon a tomoraki i ’dutesi ti goroma kulo, se ko baraŋöa nanyit, temesi kase gwe jojo ko ti kunie kune. A kwilisesi gwe kata i swötön kanyit ko i baraŋöa nanyit. A tojolan na ŋina kadi najo na gwon i kötumit na gwe a lokiliŋan merya mukanat, a tugalaŋ nanyit gwe a lokiliŋan merya murek wot mukanat.

³⁰ A barapöak i gwe i swötön liŋ, a tojolan nase gwe a lokiliŋan merya murek wot mukanat, a tugalaŋ nase gwe a lokiliŋan mukanat.

³¹ a baraŋöa na ŋina kadi najo diruŋdye i ’baŋ lo gwon kaŋo na kadi na ŊUN, a ŋöjinö ti kaden ti tömur iŋge gigiruki i togwi ’diesi logon tomoraki i ’dutesi ti goroma kulo; a lepeŋ gwe ko kiyesi budök.

’Baŋ lo lukata se ko kötumit na gwon i swöt lo ’yure

³² A kirut ŋilo ŋuto joŋgi nan i ’baŋ lo lukata i swöt lo ’yure, a lepeŋ tembi kadi najo na gwon i kötumit na, a temesi kanyit gwe jojo ko ti kunie kune.

³³ A kadijik na ’di ’dik na gwon i lukata na ŋina kadi najo i swötön liŋ murek kune, ko togwi ’diesi logon a tomoraki i ’dutesi ti goroma kulo, se ko baraŋöa nanyit, temesi kase gwe jojo ko ti kunie kune. A kwilisesi gwe kata i swötön kanyit ko i baraŋöa nanyit. A tojolan na ŋina kadi najo na gwon i kötumit na gwe a lokiliŋan merya mukanat, a tugalaŋ nanyit gwe a lokili­ŋan merya murek wot mukanat.

³⁴ a baraŋöa nanyit diruŋdye i ’baŋ lo gwon kaŋo na kadi na ŊUN, a togwi ’diesi lo tomoraki i ’dutesi ti goroma kanyit kulo iŋge gigiruki ŋöjinö ti kaden ti tömur, lele i lo swöt ko lele i lu swöt; a lepeŋ gwe ko kiyesi budök.

’Baŋ lo lukata se ko kötumit na gwon i swöt lo lobot

³⁵ A kirut ŋilo ŋuto joŋgi nan i kadi najo na gwon i kötumit na gwon i swöt lo lobot na, a tembi lepeŋ, a temesi kanyit gwe jojo ko ti kunie kune.

³⁶ A kadijik na ’di ’dik na gwon i lukata na ŋina kadi najo i swötön liŋ murek kune, ko togwi ’diesi logon a tomoraki i goroma kulo, se ko baraŋöa nanyit, temesi kase gwe jojo ko ti kunie kune. A kwilisesi gwe kata i swötön kanyit. A tojolan na ŋina kadi najo na gwon i kötumit na gwe a lokiliŋan merya mukanat, a tugalaŋ nanyit gwe a lokiliŋan merya murek wot mukanat.

³⁷ A baraŋöa nanyit diruŋdye i ’baŋ lo gwon kaŋo na kadi na ŊUN, a togwi ’diesi lo tomoraki i ’dutesi ti goroma kanyit kulo iŋge gigiruki ŋöjinö ti kaden ti tömur, lele i lo swöt ko lele i lu swöt; a lepeŋ gwe ko kiyesi budok.

³⁸ A nene kadi na ’dit gwe kata nagon kötumit nanyit auŋdya i baraŋöa na gwon i kadi najo na gwon i kötumit na. ŋina kadi lokore na rubaŋga lo ’yu ’yura ’buluŋ lalai kata.

³⁹ a misajin iŋwan gwe kata i lukata na baraŋöa na kadi najo na gwon i kötumit na, murek i lele swöt ko murek i lele swöt. Kine misajin ’duŋörikin toro ’bo nagon wuki a rubaŋgajin lo ’yu ’yura ’buluŋ, ko rubaŋgajin ti toron se ko rubaŋgajin ti lyaŋan.

⁴⁰ a misajin murek gwe kaŋo i goŋet lo baraŋöa na ŋina kadi najo na gwon i kötumit ko ŋuto tu i lupet na kötumit na diraddu i swöt lo lobot na; a kunie misajin murek gwe kaŋo i lele swöt lo baraŋöa na kadi najo na gwon i kötumit na.

⁴¹ Iŋkoi, misajin iŋwan gwon i lele swöt ko kunie iŋwan i lele swöt nyona ko lupet na kötumit na kadi najo; kweja adi lepeŋat liŋ a misajin budök nagon ’duŋörikin toro ’bo nagon wuki a rubaŋgajin.

⁴² Köti a misajin iŋwan gwe kata nagon a ŋurupö lo tuturu a ti rubaŋgajin lo ’yu ’yura ’buluŋ, a tojolan nase gwe a lokiliŋ geleŋ ko swöt, a tugalaŋ nase gwe a lokiliŋ geleŋ ko swöt, a tojolan nase ki gwe a lokiliŋ geleŋ. Kine misajin petarikin tito ’duŋesi ti rubaŋgajin lo ’yu ’yura ’buluŋ se ko tito ’duŋesi ti toro ’bo ti kulye rubaŋgajin.

⁴³ A witiöt logon a dulö gwoso jabadalan logon tojolan nase a ’dapanit geleŋ na könin kulo iŋge leleyo i mara kase liŋ. A lokorio ti rubaŋgajin petani i misajin loki.

⁴⁴ A kirut ŋilo ŋuto joŋgi nan i ’baŋ lo gwon lukata, a nan meddi kadijik na ’di ’dik murek i lukata na ’baŋ. Nene kadi geleŋ gwon i merete lo kadi najo na gwon i kötumit na gwon i swöt lo lobot na, ŋina kadi diraddu i swöt lo loki; a nene na gwe i merete lo kadi najo na gwon i kötumit na gwon i swöt lo loki, ŋina kadi diraddu i swot lo lobot.

⁴⁵ A lepeŋ takiŋdye nan adi, Na kadi nagon diraddu i swöt lo loki na a na koanejin logon meddya kita na kadi na ŊUN.

⁴⁶ A nene kadi nagon diraddu i swot lo lobot na gwe a na koanejin logon meddya kita i pirit ’yuret na rubaŋgajin; kilo koanejin a nyakwariat ti Sadok. 1 kiden na kötumit na Lewi nyakwariat ti Sadok ka ’de logon a ’buruki i mijörö nyona ko MATAT i kitakiŋdya na lepeŋ.

’Baŋ lo lukata se ko kadi na ŊUN

⁴⁷ A lepeŋ tembi ’baŋ, a tojolan nanyit gwe a lokiliŋan mia geleŋ, a tugalaŋ nanyit gwe a mia geleŋ, kweja adi a regorego; a pirit ’yuret na rubaŋ­gajin gwe i komor na kadi na ŊUN.

⁴⁸ A kirut lepeŋ joŋgi nan i baraŋöa na kadi na ŊUN, a tembi togwi ’diesi logon a tomoraki i ’dutesi ti goroma ti baraŋöa kulo, a gwe a lokiliŋan mukanat i lele swöt, ko lele swöt sona. A tugalaŋ na lupet na kötumit gwe a lokiliŋan puök wot iŋwan; a goroma na gwon i swöton murek ti lupet na kötumit kune gwe a lokiliŋan musala musala.

⁴⁹ a tojolan na baraŋöa gwe a lokiliŋan merya murek, a tugalaŋ nanyit gwe a lokiliŋan puök wot murek, a kiyesi puök kiyaji ’e kata; a togwi ’diesi gwe i nyona na to gwi ’diesi logon a tomoraki i ’dutesi ti goroma i swötön murek kulo.