Ejikele 32 - Bibilia Buk na Ŋun nagon koti luŋu a

Köli delyaet i kulya ti Paro

¹ A i lor geleŋ lo yapa topuök wot murek, i kiŋa topuök wot murek, a kulyaet lo MATAT poki köyö adi,

² ŋuro lo ŋuto, yo ’yi köli delyaet i kulya ti Paro mor lo Ejipeto, yuluki lepeŋ adi, Wöidiö do kömiru titinti i kiden na jurön! Do gwe gwoso kinyoŋ lo gwon i Supiri, a do buŋe pioŋ ko kume ilot, a do köbuŋe pioŋ ko mokosi kulök, a kököröji pioŋ ti kinasi ti Supiri.

³ Nan MATAT ŊUN lo kulya adi, Na momori ŋutu jore ti jurön nu, a nan mo gubakiŋdye birya nio konut loki, a lepeŋat mo pikuŋdye do kaŋo.

⁴ A nan mo gubakiŋdye do i kujöŋ, iŋkoi, nan mo gugubara do i yöbu nagon a ’dar kana, a nan mo tiŋdi kwen liŋ i so ’do konut loki, a nan mo tiŋdi kijakwa ti kak ’bukuluŋ i nyesu na lokore inot tojo lepeŋat a yimönö parik.

⁵ A nan mo ratakiŋdye pitönö na lokore inot i merya loki, a nan mo töjoreji piritön na ’dir ko kuru logon nyesu nye.

⁶ A naŋ mo popoggi kak ko rima kunök na ’do ’dokon ma ’di tojo ko merya, a luruki mo jorene jore ko öpu inot.

⁷ I diŋit na tatuje nan do gwoso kimaŋ nu, a nan mo muŋge ki, a nan mo tomuseji kaser, a nan mo muŋge kolor ko ’dikolo, a yapa mo tine pararaju.

⁸ A nan mo tomuseji po liŋ lo kokobbu ki yu konut loki a nan mo tiŋdi mudwe konut i jur. Kilo a kulyaesi kwe ti MATAT ŊUN.

⁹ A nan mo yoyoŋgi töilyet ti gweyajin jore ti ŋutu i diŋit na joŋgi nan ta logon aje tela kilo i kiden na juron nu, kilo a jurön logon ta a ko den kulo.

¹⁰ A nan mo tiŋdi gweyajin jore ti ŋutu i lwö ’yu kase i toilyet ko do, a moran kase mo kujönöni kujonö kogwon do i diŋit nagon nan ’di ’diŋge baŋdu lio kase i komor nu; iŋkoi, a lepeŋat mo kikirani kikira diŋitan liŋ, a i lor lo ’doro ’yi do lu a ŋutu liŋ kujono ni kujö-ŋo, ŋuto geleŋ kujöno ru nanyit an tukara.

¹¹ Kogwon nan MATAT ŊUN lo kulya adi, Baŋdu lo mor lo Babela mo ’du ’dukin kasu loki.

¹² A nan mo tiŋdi ŋutu kulök logon jore parik kilo i totoko kak ko baŋdujin ti ŋutu walan logon a kaŋajin logon morö ’bak pitönö lwö-lwöŋ ŋutu ti kulye jurön liŋ kulo. A lepeŋat mo koŋi kwelen na Ejipeto, a ŋutu kanyit liŋ logon jore parik kulo mo tukarani tukara.

¹³ A nan mo tatuje toro ’bo kanyit liŋ logon gwon nyona ko kijiton ti karya jore kulo, a mokosi ti ŋutu, ko ti toro ’bo mo köti tine koko-buŋö se.

¹⁴ A kirut nan mo tiŋdi pioŋ kase i gwon a nasulyöŋok, a nan mo tiŋdi pioŋ ti karya kase i ’dokon a nake gwoso welet. Kilo a kulyaesi kwe ti MATAT Ŋun.

¹⁵ I Diŋit nagon nan koŋdi jur lo Ejipeto a murwo, ko i diŋit nagon ŋo liŋ ti jur a ryakaji, ko i diŋit nagon nan tatuje ŋo liŋ logon si ’da i lukata nanyit kulo nu, a kirut lepeŋat mo deŋdi adi nan logon a MATAT.

¹⁶ Ŋilo a köli delyaet logon ŋutu wate ti jurön mo yoyo. Lepeŋat mo yo ’yu ŋilo köli delyaet i kulya ti Ejipeto se ko ŋutu kanyit logon jore parik kulo. Kilo a kulyaesi kwe ti MATAT ŊUN.

¹⁷ A i perok puök wot mukanat ti yapa togeleŋ, i kiŋa topuök wot murek, a kulyaet lo MATAT poki köyö adi,

¹⁸ Ŋuro lo ŋuto, luluje lulujö i kulya ti ŋutu ti Ejipeto logon jore parik kulo, gubara lepeŋat kak tojo i jur logon i lukak na kak, iŋkoi, gubara Ejipeto se ko ŋutu ti jurön lokukwön anyen moraddu ko ŋutu logon tu kak i dili nagon ’bak ’dutet kulo.

¹⁹ Do Paro ŋona lwölwöŋ ŋa i kwelen? iti kak ko pirikine i pirit na geleŋ ko ŋutu logon a lawe a ko tawero kulo.

²⁰ Baŋdu gwe ajo i tatuarikin. Ŋutu logon parakiŋdya Ejipeto se ko ŋutu kanyit logon jore parik kulo mo ’do ’do kak i kiden na ŋutu logon tatua ko baŋdujin.

²¹ a i pirit na mulökö a kimak ti riŋiton lo gwon nyu kulu mo kulyani ko Paro se ko ŋutu lo parakiŋdya lepeŋ kulo adi, Ŋutu logon a lawe a ko tawero logon aje tatua ko baŋdujin kulo aje moruŋdya kak kayaŋ ni, lepeŋat dotoni taliŋ.

²² Asura se ko yodom nanyit na ŋutu gwon nyu, lepeŋat liŋ a tatua a totoko ko baŋdujin, a lepeŋat nukani lolorga nye Asura.

²³ Gulomö kase a tetenaki i piritön nagululok ti dili nagon ’bak ’dutet, ŋutu ti Asura a nukaki lolorga gulöm nanyit, lepeŋat liŋ a tatua a totoko ko baŋdujin. Kilo a ŋutu logon köju a tokujöŋdu ŋutu lo gwon jorun i kak kulo.

²⁴ Elam se ko ŋutu kanyit jore gwon nyu a nukaki lolorga lepeŋ. Lepeŋat liŋ a tatua a totoko ko baŋdujin. Lepeŋat aje tu kak i pirit na gwon i lukak na kak a lawe a ko tawero. Kilo a ŋutu logon koju a tokujoŋdu ŋutu lo gwon jorun i kak, a lepeŋat paruŋdye yu na kwe ko ŋutu logon aje tu kak i dili nagon ’bak ’dutet kulo.

²⁵ Elam a tetenaki gulom i kiden na ŋutu kanyit jore lo tatua kilo, a gulömö kase lolorgi lepeŋ. Lepeŋat liŋ a lawe a ko tawero, a tatua ko baŋdujin. Kogwon kilo a se logon koju a tokujöŋdu ŋutu lo gwon jörun i kak, a lepeŋat paruŋdye yu na kwe ko ŋutu logon aje tu kak i dili nagon ’bak ’dutet kulo; kilo ŋutu a nukaki i kiden na ŋutu lo tatua.

²⁶ Meseke, ko Tubala, se ko ŋutu kase liŋ jore gwon nyu, a nukaki lolorga se. Lepeŋat liŋ a lawe a ko tawero, a tatua ko baŋdujin. Kogwon kilo a se logon koju a tokujoŋdu ŋutu lo gwon jorun i kak.

²⁷ Opuo kase a topiriki i pirit na geleŋ ko ŋutu walan logon koju a tatua, logon a lawe a ko tawero, logon aje tu kak i pirit na mulöko ko tito kase möriesi kulo. ’Bayin sona le? Kusik kase a topero i loki na baŋdujin kase, a ’bukwö kase temejik muŋge kuyu kase. Kilo a ŋutu logon köju a tokujöŋdu ŋutu lo gwon jörun i kak.

²⁸ Nyena do Paro mo tetela a topirikine i kiden na ŋutu logon a lawe a ko tawero kulo. Do Paro ŋona lwölwöŋ ŋa i kwelen? iti kak ko pirikine i pirit na geleŋ logon a tatua ko baŋdujin.

²⁹ Edom ko moran kanyit se ko ŋutu kanyit liŋ logon a kasarak kulo gwon nyu. Ma ’di nagon se a ti riŋitön se a topiriki i pirit na geleŋ ko ŋutu logon a tatua ko baŋdujin kulo; iŋkoi, lepeŋat a topiriki i kiden na ŋutu logon a lawe a ko tawero, logon aje tu kak i dili nagon ’bak ’dutet kulo.

³⁰ Kasarak ti swöt lo lobot se ko ŋutu ti Sidona liŋ gwon nyu. Lepeŋat a tu kak ko yu na kusik i pirit na geleŋ ko ŋutu logon aje tatua, ma ’di nagon se a ŋutu ti riŋitön logon köju a tokujöŋdu ŋutu parik. Lepeŋat aje topiriki kak a lawe a ko tawero ko ŋutu lo tatua ko baŋdujin i pirit na geleŋ, a paŋi yu na kwe ko ŋutu logon aje tu kak i dili nagon ’bak ’dutet kulo.

³¹ A MATAT ŊUN kulyani adi, Paro mo meddi lepeŋat a mo suŋge mugun i kulya ti ŋutu kanyit jore parik—iŋkoi, ŋilo a Paro se ko kamörök kanyit liŋ logon a tatua ko baŋdujin kulo.

³² Kogwon lepeŋ a tokujöŋdu ŋutu lo gwon jörun i kak; nyenagon lepeŋ mo lo topiriki i kiden na ŋutu logon a lawe a ko tawero, logon a tatua ko baŋdujin kulo, iŋkoi, ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.