Ejikele 30 - Bibilia Buk na Ŋun nagon koti luŋu a

Körö na Ejipeto

¹ A kulyaet lo MATAT poki köyo adi,

² Ŋuro lo ŋuto, keŋ keju adi, MATAT Ŋun lo kulya adi, Luluje adi, Woidio lor!

³ Kogwon ŋilu lor gwe nyona, iŋkoi, lor lio lo MATAT gwe nyona ko po, ŋilu lor mo gwon a ’dikolo, a mo gwe a lor tukaret lo juron.

⁴ A baŋdujin mo poki i Ejipeto, a ŋutu ti Etiopia mo poŋgi poŋga bia parik i diŋit nagon ŋutu lo tatua ’do ’do kak Ejipeto yu nu, a tukwörien nanyit na Ejipeto yeka-jine kaŋo, a pipilesi kanyit dukani kak.

⁵ A Etiopia, ko Put, ko Luda, ko ŋutu liŋ ti jur lo Arabi, ko ti Libya, se ko ŋutu ti kulye juron logon a julin kase, mo totokoni kak ko baŋdujin ko se i pirit na geleŋ.

⁶ Nan MATAT lo kulya adi, Ŋutu logon parakiŋdya Ejipeto kulo mo ’do ’doro, a riŋit na Ejipeto nagon nye bu ’ye mugun na mo rorokuŋdye kak; a ŋutu mo totokoni kak ko baŋdujin kanyit lukata, suluja Migedola tojo ko Sewene. Kilo a kulyaesi kwe ti MATAT Ŋun.

⁷ A lepeŋat mo gwe a murwöki i kiden na juron logon a murwoki; a köjinö kase mo gwe a rubajin i kiden na köjino nagon a rubajin.

⁸ 1 diŋit na ’yuŋe nan Ejipeto ko kimaŋ a kaparak kanyit liŋ iŋge ’be ’beleŋo nu, a lepeŋat mo deŋdi adi nan logon a MATAT.

⁹ A i ŋilu lor a ŋutu logon nan soson kulo mo iti kaŋo ’de ’de koyö i komor, i tokujoŋdu na ŋutu ti Etiopia logon a ko den adi kulya kine popo kulu; a lepeŋat mo poŋgi poŋga i lor lo tukarari Ejipeto lu. Ma ’di soŋinana ŋilu lor gwe i po.

¹⁰ Nan MATAT ŊUN lo kulya adi, Nan mo tiŋdu Nebukadaresar mor lo Babela i tu ’baka ’yu na ŋutu ti Ejipeto logon jore parik kulo.

¹¹ Nan mo jojoŋ lepeŋ nyu ko ŋutu kanyit i pirit na geleŋ i köŋu na jur. Lepeŋat a kaŋajin mörö ’bak pitono Iwolwoŋ ŋutu ti jurön liŋ, a mo ’dutuŋdye baŋdujin kase kaŋo i mörö ko ŋutu ti Ejipeto, a mo töjoreji jur ko öpuö ti ŋutu.

¹² A nan mo towere ’yi kinasi ti Supiri, a nan mo tugworokiŋdye jur i könisi ti ŋutu lorok, a nan mo tiŋdi ŋutu logon a lepelok i tomurwöju na jur se ko po liŋ na gwon i lukata nanyit kune. Kilo a kulyaesi kwe ti MATAT.

¹³ Nan MATAT ŊUN lo kulya adi, Nan mo tutukar nyömuejin logon a punyen, iŋkoi, a nan mo tu ’baka ’yi punyen kana i lukata na Mempisa; a kasaranit mo tine pukun köti asut i jur lo Ejipeto; a nan mo tokujoŋdi jur lo Ejipeto.

¹⁴ A nan mo koŋdi Patorosa a murwo, a mo ’yuŋe Soan ko kimaŋ, a nan mo ’duŋökiŋdye ŋutu ti Ŋo putet.

¹⁵ A nan mo ’bukökiŋdye woran nio i loki na Sin nagon a pirit nago tiyit na Ejipeto, a nan mo seyaddi kaŋo ŋutu ti Ŋo logon jore parik kulo.

¹⁶ A nan mo ’yuŋe Ejipeto, a ŋutu ti Sewene mo poŋgi poŋga bia parik; a bar mo tutuluje goroma nagon a maripan ti ŋo, a mo baranyaddi lukata.

¹⁷ A ŋutu teton ti Ono ko ti Pi-beset mo totokoni kak ko baŋdujin; a ŋutu ti kine köjinö mo jopani i to ’dupien.

¹⁸ A tuparan mo gwe a mudwe i Takapenesa, i diŋit na ’beleŋgi nan gwuluŋi saret lo Ejipeto nyu nu, a riŋit nanyit nagon nye bu ’ye mugun na mo ’bakani ’baka; a ’dikolo mo muŋge lepeŋ, a ŋwajik kanyit nawate mo joŋani i to ’dupien.

¹⁹ A nan mo ’duŋökiŋdye ŋutu ti Ejipeto putesi sona, a kirut lepeŋat mo deŋdi adi nan logon a MATAT.

²⁰ A i perok buryo ti yapa togeleŋ, i kiŋa topuök wot geleŋ, a kulyaet lo MATAT poki köyö adi,

²¹ Ŋuro lo ŋuto, nan aje ’beleŋgu könin lo Paro mor lo Ejipeto. Mete, a nye gwe a ko doko ko rubat anyen lilik, anyen ködyö po a iŋgo i morga na baŋdu anyen mömö-röri.

²² Nyenagon nan MATAT ŊUN lo kulya adi, Mete, nan a miriku lo Paro mor lo Ejipeto, a nan mo ’be ’beleŋgi könisi kanyit liŋ murek, kweja adi könin iŋgo se ko logon aje ’beleŋo lo, a nan tiŋdi baŋdu i ’doro kak kanyit i könin.

²³ A nan mo torekiŋdye ŋutu ti Ejipeto i gweyajin ti ŋutu, a nan mo gwögwölökiŋdye lepeŋat i kiden na jurön.

²⁴ A nan mo togo ’yi könisi ti mor lo Babela, a tiŋdi baŋdu lio kanyit i könin; ama a nan mo ’be ’beleŋgi könisi ti Paro, a nye mo ’duani ’dua kanyit i komor gwoso ŋuto logon a böŋöji parik gwe nyona ko twan.

²⁵ iŋkoi, a nan mo togo ’yi könisi ti mor lo Babela, ama a könisi ti Paro mo gwe a lokolo-kak. A ŋutu mo deŋdi adi nan logon a MATAT, i diŋit na tiŋdi nan baŋdu lio ko mor lo Babela i könin nu, a lepeŋ riöddi kaŋo i mörö ko jur lo Ejipeto.

²⁶ A nan mo torekiŋdye ŋutu ti Ejipeto i gweyajin ti ŋutu, a nan mo gwögwolo-kiŋdye lepeŋat i kiden na jurön. A kirut lepeŋat mo deŋdi adi nan logon a MATAT.