Ejikele 28 - Bibilia Buk na Ŋun nagon koti luŋu a

Nebi Ejikele a kikiŋdyö mor lo Turo kulya narok

¹ A kulyaet lo MATAT poki köyö adi,

² ŋuro lo ŋuto, taki kasa-ranit lo Turo adi, MATAT ŊUN lo kulya adi, Kogwon do a ka ’du ’dupanit konut i töili, do aje kulya adi do a ŋun, köti adi do si ’da i si ’daet na tumatyan na ŋun i kiden na tör duma na ’balaŋ, ama kölumbö do a ŋuto, do ’bayin a ŋun, ma ’di ködyö do a yeyeju mugun a lokoŋ gwoso pun.

³ Iŋkoi, do ’diri a lokoŋ lwölwöŋ Daniele; lwönö ti ’dela konut.

⁴ Do aje ryekiŋdyö mugun tukwörien, ko kopon inot se ko kuruŋdyö inot na kulya, a do iŋge pepenakiŋdya mugun dakap ko pödö i kadijik kunök ’delesi ti tukwörien;

⁵ köti do aje tuŋdijö tukwörien inot, kogwon do a lokoŋ i tugwöŋu, a do iŋge wora a ka ’du ’dupanit konut i töili kogwon tukwörien inot.

⁶ Nyenagon nan MATAT ŊUN lo kulya adi, Kogwon do yeyeju mugun adi do a lokoŋ gwoso ŋun,

⁷ nyena mete, nan mo jajakin do Lwaka i mörö ko do, kilo a ŋutu logon a kaŋajin mörö ’bak pitönö lwölwöŋ ŋutu ti jurön liŋ, a lepeŋat mo ’dutuŋdye baŋdujin kase i mörö ko koŋon inot nakwekwelen, a mo köŋi minyo ilot.

⁸ A lepeŋat mo rudaddi do kak i dili nagon ’bak ’dutet, a do mo tatuani i kiden na tör duma na ’balaŋ.

⁹ Ko kulu ŋutu a po i tatuja na do, do ’diri mo nyuŋ kukulya kase i komor adi do a ŋun le? Ama kölumbö do a ŋuto ’bayin a ŋun i könisi ti ŋutu lo tatuja do kulo.

¹⁰ A Lwaka mo tatuje do gwoso ŋuto logon ’bak ’bulit logon a ko tawero. kogwon nan aje jambu, ŋilo a nan MATAT ŊUN lo kulya.

Koli delyaet i kulya ti mor lo Turo

¹¹ Köti a kulyaet lo MATAT poki köyö adi,

¹² Ŋuro lo ŋuto, yo ’yi köli delyaet i kulya ti mor lo Turo, yuluki lepeŋ adi, MATAT ŊUN lo jambu adi, Do köju a lo ’but lo totopuŋdya i ŋo liŋ, do a jore ko koŋon, do a lokwekwelen bia parik.

¹³ Do köju si ’da Edene yu nagon a melesen na ŊUN; do jupu ŋurupö nakwekwelen liŋ na gwörö go, kweja adi, sardiö, ko topajo, ko yasipidi, ko krisölitö, ko berilo, ko onukion, ko sapira, ko antarak, se ko samaragado. Köti minyojin kulök logon a dakap lo tutulujö ko a gigiru a tetenaki do i lor lo yuŋwe ’i do lu.

¹⁴ Nan a tin do keruba logon a katiyunit anyen muggö do, a do köju gwe i mere loke lio lo ŊUN, a do wöröni i kiden na ŋurupö logon kobbu gwoso kimaŋ.

¹⁵ Do köju ’bak yuyuket i konesi kunök liŋ, suluja i lor lo yuŋwe ’i do lu tojo do a rye ko toron.

¹⁶ A nagon tujar inot aje ŋdi nu, a do worani a karudanit loron, a do iŋge toroŋdya, nyena a nan iŋge gubara do kak i mere lio lo ŊUN gwoso ŋo nagon ’bak ’bulit, a keruba logon a katiyunit iŋge rikorö do kaŋo i kiden na ŋurupö lo kobbu gwoso kimaŋ kulo.

¹⁷ Töili ilot a ka ’du ’duŋanit kogwon kwelen inot, a do iŋge kör koŋon inot kogwon kulya ti minyo ilot. Nan aje gubakin do i kujöŋ; nan aje kölökin do nyu a ŋo nagon moran memet.

¹⁸ Do aje köŋu piritön kunök nake na rurwan, kogwon toronjin kunök jore i tugwöŋu inot a naron. Nyena a nan iŋge jon kimaŋ konut kiden i ’yuŋa na do, a nan totumbe do a do worani a kurök i kak ni a ŋutu liŋ memed-dya.

¹⁹ Gweyajin liŋ ti ŋutu logon a den do kulo aje söŋu ko do, do aje wora a ŋo tokujönöet, do aje likin asut.

Nebi Ejikele a kikiŋdyö ŋutu ti Sidona kulya narok

²⁰ A kulyaet lo MATAT poki köyö adi,

²¹ Ŋuro lo ŋuto, komorgi Sidona ko keŋ kulya narok i kulya kanyit.

²² Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

²³ Kogwon nan mo susunyukin lepeŋ twanti iŋgo, a nan soŋdi katatuak i kikolin kanyit; iŋkoi, ŋutu logon ko baŋdujin mo mörö ko lepeŋ i swötön liŋ, a ŋutu kanyit lo tatua kilo mo ’do ’done kanyit kiden.

²⁴ A kikwa mo gwe ’bayin i söju na kötumit na Yisaraele, kode kalelerök i söggu na se, kweja adi kilo a maratejin kase lo ’dö ’döju se. A kirut lepeŋat mo dene den adi nan logon a MATAT ŊUN.

²⁵ Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

²⁶ A lepeŋat mo gwolore nyu ’bura ’bak kujönö, a mo ’duŋge kadijik, a mo ’yuddi lukö-biöt ti kaden ti binyo. A lepeŋat mo gwolore ’bura ’bak kujönö i diŋit na ’duŋökiŋdye nan maratejin kase putesi nu, kweja adi kilo a maratejin logon a ’do ’doju se. A kirut lepeŋat mo dene den adi nan a MATAT ŊUN lose.