Ejikele 23 - Bibilia Buk na Ŋun nagon koti luŋu a

Kiasirik murek

¹ A kulyaet lo MATAT poki köyö adi,

² Ŋuro lo ŋuto, ŋutu wate köju kata murek nagon a ŋwajik ti ŋote.

³ A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

⁴ Karin kase a ko Ola nagon a kayu, ko Oliba kiaser nanyit loponi. A lepeŋat iŋge wora a wate kwe, a iŋge yupuŋdyö ŋwajik lulyan ko nawate. Karin kase kweja adi Ola a Samaria, a Oliba gwe a Yerusalema.

⁵ A Ola iŋge biryeri mugun a kawute na gwoŋdi nye a narakwan nio nu; a lepeŋ gwe ko pusök i nyaŋu na kanyarak kanyit logon a ŋutu ti Asura.

⁶ Kilo ŋutu a ŋutu walan lo jupu boŋgwat na ’bule, se a mödirön ko yumiat kase, kilo ŋutu liŋ a teton logon ŋwajik wate nyanyar, ko a ŋutu logon wörö ko kusanjin.

⁷ A Ola iŋge biryeri mugun a kawute ko ŋutu liŋ ti Asura logon a togeleŋ i kwelen, a lepeŋ iŋge toluddya mugun ko nyomuejin liŋ logon a ŋunyen ti kilu ŋutu liŋ logon nye nyanyar ko pusök kulo.

⁸ A lepeŋ gwe a ko kölökin wutön nagon nye köju a kon ’beron i perok lo gwoŋdi nye Ejipeto yu kulu; kogwon ŋutu lyan a dotori lepeŋ i tukö ’disen nanyit, a iŋge mumusuk kido nanyit nagon nye nyuŋ gwon a kö ’disityo nu, a tulyöŋgi lepeŋ ko towutön nase.

⁹ Nyenagon nan aje wukin lepeŋ i könisi ti kanyarak kanyit logon a ŋutu ti Asura, logon nye nyanyar ko pusök kulo.

¹⁰ A lepeŋat iŋge kwekin to ’busön nanyit köke, a momokaddi ŋwajik kanyit lulyan ko nawate, a tatuje lepeŋ ko baŋdu. A nagon lepeŋ aje ’duŋöki putet nu, a ŋutu wate jamaddi karin kanyit a ligirit.

¹¹ A Oliba kiaser nanyit iŋge met kine kulya, kölumbö a lepeŋ worani a naron parik lwölwöŋ kiaser, i nyaŋu ko i biryeri na mugun a kawute.

¹² A lepeŋ gwe ko pusök i nyaŋu na ŋutu ti Asura, logon a mödirön ko yumiat kase, ko a ŋutu walan logon a jupu tito möriesi, ko ŋutu lo wörö ko kusanjin, kilo ŋutu liŋ a teton logon ŋwajik wate nyanyar.

¹³ A nan iŋge met adi lepeŋ aje toluddya mugun; kine ŋutu murek a ’dumuŋdya kiko lo geleŋ.

¹⁴ Kölumbö a Oliba ’ya ’yi towutön nanyit, kogwon nye a meddya ŋöjinö ti ŋutu lyan a gigiriki i gorom, kweja adi kine a ŋöjinö ti ŋutu ti Kaledea a buyala ko buya lotor.

¹⁵ Lepeŋat liŋ gwon ko goman kase i mukökö, a dukukiŋdye emalan kwe-kwelen kase i kusik nagon ’dutesi kase leleju a najo, lepeŋat liŋ ŋuru gwoso temejik ti kamörök, a metani gwoso ŋutu ti Babela logon jur lose a Kaledea.

¹⁶ A na meddi ŋina ŋuto kine ŋöjinö nu, a nye nyaŋi se ko pusök, a sonyoddi ŋutu kanyit i jur lose Kaledea yu.

¹⁷ A ŋutu ti Babela poŋdi kanyit ni i dotoet nanyit nagon a yoyoet, a se toluddye lepeŋ ko towutön nase; a i mukök nagon se aje toluddya lepeŋ nu, a nye löpukuŋdye kaŋo kase a dara tine ’bön se.

¹⁸ A na kwekiŋdye nye towutön nanyit köke, a panyakiŋdye to ’busön nanyit köke nu, a kirut nan löpukuŋdye kaŋo kanyit a dara tine ’bön lepeŋ, gwoso na kölökiŋdye nan kiaser nu.

¹⁹ Kölumbö a nye ’ya ’yi towutön nanyit, yeyeju perok kanyit ti tukö ’disen kulu na biryeri nye mugun a kawute i jur lo Ejipeto nu.

²⁰ A lepeŋ gwe ko pusök i nyaŋu na ŋutu lyan logon a kawutejin nyu, logon swötön ti mugunya kase gwoso ti kaineki, logon kula kase jore gwoso ti kusanjin.

²¹ Nyena lepeŋ ga ’yu wutön na tukö ’disen nanyit, na mumusuŋge ŋutu ti Ejipeto kido nanyit, a nonotoji kinasi kanyit logon nyuŋ susuja köju nu.

²² Nyenagon do Oliba, mete, nan MATAT ŊUN lo kulya adi, Nan mo totoŋiun kanyarak kulök i mörö ko do. Kilo a kanyarak logon do köju a löpukuŋdyö kaŋo kase ko dara ti ’bön se kulu, a nan mo joŋdi se i swötön liŋ konut ni i mörö ko do;

²³ kweja adi, kilo a ŋutu ti Babela, ko ŋutu liŋ ti Kaledea, ko ti Pekoda, ko ti Soa, ko ti Koa, mora ko ŋutu liŋ ti Asura, kweja adi, kilo a teton logon ŋwajik wate nyanyar, ko mödirön ko yumiat kase liŋ, ko temejik ti kamörök se ko ŋutu walan, se liŋ wörö ko kusanjin.

²⁴ A se mo poŋdi konut ni ko kusanjin möriesi, ko arabiajin möriesi, ko arabiajin lo jijikö, se ko yodom na ŋutu ti jurön i mörö ko do, a lepeŋat mo tumbe do i swötön liŋ, lepeŋat morga ’bukwö dumalak ko na ’di ’dik ko a jupu terebukan logon a witiöt, a nan mo tiŋdi se kido ’duŋet na putet a se mo ’duŋökiŋdye do putet gwoso i ’duŋet nase.

²⁵ Nan mo yiyinöri do arabat, anyen se ködyö kitari do ko woran na pape. Lepeŋat mo ’du ’duŋun kumesikö se ko swö ti ŋutu kulök kaŋo, a ŋutu kulök lo pituŋdyö kulo mo tatuani ko baŋdujin. A lepeŋat mo momokaddi ŋwajik kulök lulyan ko nawate, a ŋutu kulök lo pituŋdyö mo totumöni ko kimaŋ.

²⁶ A lepeŋat mo köti rusuŋdye boŋgwat kaŋo konut i mugun, a ’dumaddi minyojin kunok nagon a ŋurupö nakwekwelen kine kaŋo.

²⁷ A nan mo to ’duddye wutön se ko toluŋ inot na jon do i jur lo Ejipeto ŋina; a konyen kulök mo tine pilakin i ŋutu ti Ejipeto, a mo tine yeye lepeŋat köti kwöŋ.

²⁸ Kogwon nan MATAT ŊUN lo kulya adi, Mete, nan mo puŋutukin do i könisi ti ŋutu logon do maman, logon do a löpukuŋdyö kaŋo kase ko dara tine ’bön se kilo;

²⁹ a se mo kitari do ko maŋdu, a joŋgi ŋo kunök liŋ na kitaun do kine, a kölökiŋdye do kana a gwe ’busön, a to ’busön na towutön inot mo metani köke. Towutön se ko toluŋ inot

³⁰ na joŋdya kine ŋo konut loki, kogwon do a biryeri mugun a kawute ko ŋutu ti jurön, a toluddye mugun ko nyömuejin logon a ŋunyen kase.

³¹ Do aje kebbu kiko lo kiösur; nyena nan mo titikin kopo lo riŋet lo möji nye lo konut i könin.

³² Nan MATAT ŊUN lo kulya adi, Do mo möju ko kopo lo kiösur logon a logulu ko a luŋa laŋ; a do mo kweniarikin kweniarikin a ’dö ’döyöni ’dö ’döyö, kogwon ŋilo kopo a jore parik;

³³ a do mo yimönöni yimönö ko meran se ko delya. Ŋo na gwon i kopo lo kiösur Samaria kune a ŋo nagon totoku joŋdu ko tutukaŋu;

³⁴ a do mo möji ko ŋilo kopo, a titiyaddi nyot kanyit, a nyaka ’yi ŋilo kopo a na ’di ’dik na ’di ’dik, a ’du ’dupuje kinasi kulök. Kogwon kine a po nagon nan MATAT Ŋun aje jambu.

³⁵ Nyenagon nan MATAT ŊUN lo kulya adi, Kogwon do aje böpöri nan a gubaddi nan konut i ki ’diŋ na, nyena ti do poŋgi riŋet na riparikin towutön se ko toluŋ inot.

³⁶ A MATAT kulyani ko nan adi, ŋuro lo ŋuto, do ŋona gwon ajo i ’dupökiŋdyö na Ola se ko Oliba putet le? A na ’but, kwekiŋdye se konesi kase na mamana kine.

³⁷ Kogwon se aje biryeri ’börik a kalupejin, a könisi kase iŋge ’buköddu rima, iŋkoi, se aje koŋdya toluŋ ko nyömuejin logon a punyen kase, a wukiŋdye se ma ’di ŋwajik logon se a yuŋwekin nan kulo. Kilo ŋwajik tiki se a kinyo lose.

³⁸ A se köti iŋge konakin nan ŋina ŋo: kweja adi se aje köŋu pirit nio nake na rurwan i lor lo geleŋ lu a köŋi sabatajin kwe.

³⁹ A nagon se aje ’duŋökiŋdyö nyömuejin logon a ŋunyen kase kulo ŋwajik kase a rubaŋgajin nu, a se iti i koŋu na pirit nio nake na rurwan i lor lo geleŋ lu; kine a po nagon se a kon köyo kadi.

⁴⁰ A se lupundye ŋutu lo po pajo, logon se a soŋdi ŋuto kata i dogga na lepeŋat kulu, a se iŋge po. A kine ŋutu kwöni kwö kogwon kulya ti kilo ŋutu, a tokweleŋdi konyen kase ko buya, a tokweleŋdi ’börik ko minyojin;

⁴¹ a se si ’dani i dotoesi nakwekwelen, a iŋge petakin misajin kase i komor nagon se tiŋdi bökur lio se ko welet nio.

⁴² A woŋon na yodom kalyöpök gwe kata; iŋkoi, kilo a ŋutu logon ’bak löti mora ko kamerak logon jwe i yöbu na sese; a se rusukiŋdye re ko ŋutu wate i könisi, a se sukiŋdye lŋguyajin lokwekwelen kase i kusik.

⁴³ A nan yeyeji adi, Kine ŋutu doŋa-kiŋdya i kita nase na toluŋ! Kilo ŋutu mo totoluŋ ko ŋutu nagon gwakine!

⁴⁴ Kogwon se a tu ko lepeŋat yu, gwoso na tiri ŋutu lyan ko ŋutu nagon a kawutejin yu na. Nyena a se iti ko kunu kawutejin yu nagon a ko Ola se ko Oliba.

⁴⁵ A ŋutu lo rigwo mo ’duŋökiŋdye lepeŋat putet logon a putet lo ’dupöki ŋutu wate nagon a kalupejin, se ko putet lo ’dupöki ŋutu wate nagon a katatuak, kogwon se a wate nagon a kalupejin, a könisi kase ’buköddi rima.

⁴⁶ Nan MATAT Ŋun lo kulya adi, Jo yodom na ŋutu i mörö ko lepeŋat, anyen koŋdya se a po tokujönöet ko a po na ryaryaka.

⁴⁷ a yodom na ŋutu mo gugubuje se ko ŋurupö, a tatuje se ko baŋdujin; a se mo tatuje ŋwajik kase lulyan ko nawate, a ’yuŋe kadijik kase.

⁴⁸ A nan mo to ’duddye towutön i jur, anyen ŋutu wate liŋ ködyö kukujönö koŋdya towutön gwoso na koŋdi se na.

⁴⁹ a ta mo ropakine towutön nasu, a ta mo poŋgi riŋet na toron na twöju nasu na nyömuejin logon a ŋunyen kasu; a ta mo dene den adi nan logon a MATAT Ŋun.