Ejikele 21 - Bibilia Buk na Ŋun nagon koti luŋu a

MATAT a jujo baŋdu

¹ A kulyaet lo MATAT poki koyo k adi,

² Ŋuro lo ŋuto, löpuköddi komor inot komorga Yerusalema, jambi kulya ti piritön nake na rurwan adi se a narok, ko keŋ kulya narok i kulya ti jur lo Yisaraele.

³ Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

⁴ Nyena kogwon nan mo ’du ’dupöro kaŋo konut ŋutu liŋ lo ’but ko lorok, nyenagon nan mo ’du’dutun baŋdu lio kaŋo i soko ’bo anyen möro ko ŋutu liŋ suluja i swöt lo loki tojo i swöt lo lobot;

⁵ a ŋutu liŋ mo dene den adi nan MATAT lo ’dutuŋdyö baŋdu lio kaŋo i soko ’bo, a nan mo köti tine sŋoddu lepeŋ kanyit i soko ’bo.

⁶ Nyenagon ŋuro lo ŋuto, delyani ko ’du ’duatu; ’duani ’dua kogwon töili a ’beleŋo ko kulya, ’duani kogwon delya na pötwör a lepeŋat memeddya.

⁷ A ko lepeŋat a pija do adi, Ko nyo do dede-lya? a do mo waddi lepeŋat adi, Nan delya kogwon nan a yiŋga liŋio ti kulya narok. A na ’durökiŋdye se nu, a töilyet ti ŋutu liŋ mo lwö ’yi lwö ’yu, a könisi kase liŋ mo worani a lokolokak, iŋkoi ködu dwölön kase liŋ mo ’doŋga mu ’diŋ, a kuŋwat kase liŋ worani pötö gwoso pioŋ. Mete, kine kulya popo, iŋkoi, aje ’durökin. Ŋilo a kulyaet lio lo MATAT ŊUN.

⁸ A kulyaet lo MATAT poki köyö adi,

⁹ Ŋuro lo ŋuto, keŋ keju, kulyani adi, MATAT lo kulya adi, Baŋdu aje juwö a lopi, baŋdu aje poto a lokwe,

¹⁰ lepeŋ aje juwö a tatuet, lepeŋ aje poto anyen me ’yu gwoso meme ’dekta na ki! (Kine kulya ŋona a kweniesi le? Ŋuro lio, do aje lauŋdya ture se ko kaden liŋ.)

¹¹ Baŋdu aje tiki anyen popoto anyen kodyö gwon ajo i moka; iŋkoi, lepeŋ aje juwö a lopi ko aje poto anyen tiki ko katatuanit i könin.

¹² Ŋuro lo ŋuto, gwine gwien ko luluje lulujö, kogwon ŋilo baŋdu mörörikin ŋutu kwe; ŋilo baŋdu mororikin ŋutu temejik liŋ ti Yisaraele; lepeŋat se ko ŋutu kwe liŋ aje wuki i baŋdu. Nyenagon naŋgi puŋdiat kulök ko delya.

¹³ Kogwon ŋina ’bayin a möriet, a kodyo gwe ada ko do a lauŋdya ŋilo ture? Ŋilo a kulyaet lio lo MATAT ŊUN.

¹⁴ Nyenagon ŋuro lo ŋuto, keŋ keju, naŋgi konisi kulok; wiŋörö baŋdu kak daŋin murek, iŋkoi, wiŋöro daŋin musala, ŋilo a baŋdu tatuet lo ŋutu jore parik, ŋilo a baŋdu logon wiŋö i swötön kase liŋ.

¹⁵ Nan aje tiŋdu baŋdu lo kokobbu i kötumitön liŋ ti köji anyen töilyet ti ŋutu lwölwö ’yu, a lojore kase köpuköni köpukö a ’dorone ’doro, iŋkoi, ŋilo baŋdu me ’yu gwoso meme ’dekta na ki, lepeŋ aje poto a tatuet.

¹⁶ Ti lepeŋ tokoddi ko topilan i swöt lo lutaten ko i swöt lo kadoŋe, ko i swötön liŋ logon lepeŋ tu kata kulu.

¹⁷ A nan mo köti naŋgi könisi kwe, a nan mo toliŋge woran nio ŋilo a kulyaet lio lo MATAT.

¹⁸ A kulyaet lo MATAT köti poki köyö adi,

¹⁹ Ŋuro lo ŋuto, gerakiŋdye kikolin murek a ti mor lo Babela anyen popori ko baŋdu. Kilo kikolin murek mo suluuŋdya i jur geleŋ. Tetenaki kweyet i keresi ti kikolin nagon yuddya kiko lo tu köji.

²⁰ Gerakiŋdye kiko lo ŋutu ti baŋdujin logon tu Raba nagon a köji na ŋutu ti Amon, köti gerakiŋdye kiko lo tu Yuda tojo Yerusalema nagon a köji nago na titiyu.

²¹ Kogwon mor lo Babela gwo ’dan i keresi ti kikolin i suluet na kilo kikolin murek, anyen wawaŋdu; a lepeŋ sogwoŋgi loya i gwolo kata adi kosok kosok, a pipije nyömuejin logon a ŋunyen ti mede, a lepeŋ ga ’yi lukata na munyet na kijakutat.

²² A i könin lonyit lutaten a lowe ’duki a gura na Yerusalema, a nye woŋoro ki, a sirani sira adi ti ŋutu kodyo togwi ’dikiŋdye tito lobot anyen jokarikin kötumitön ti köji, ko ti ’du ’yi ’domio ti liŋo anyen mörörikin köji, ko ti teteŋdi takajin najo ki a tumesi kanyit.

²³ Ama kine kulya meta ko ŋutu ti köji gwoso waŋdu na ’burönö; ma ’di se köju a nyesu milyejin temejik, kölumbö a nye mo yeyeji toronjin kase anyen se kodyö momokaji.

²⁴ Nyenagon nan MATAT ŊUN lo kulya adi, Kogwon ta aje tiŋdu toronjin kasu i yeyeo, köti kogwon rerenyesi kasu gwe köke, a toronjin kasu metani i konesi kasu liŋ, nyena kogwon kulya kasu aje yeyeo, merok mo momokara ta.

²⁵ Ama do duma lo Yisaraele, do a loron, do ti twoju ŊUN, diŋit inot aje po nagon riparikin do a ’dutet.

²⁶ Nyena nan MATAT ŊUN lo kulya adi, ’Dumara ema kaŋo konut i kwe, ’dumara Iŋguya kaŋo. Ŋo liŋ soŋinana aje wora ka ’de; ’bilikiŋdye ŋutu lo gwon kak ki, ko nyökuŋdye ŋutu lo gwon ki kulo kak.

²⁷ Söpuket! Sopuket! Nan mo kökon söpuket a duma nagon köju a ko gwon sona, tojo kasaranit a po logon ŋo liŋ a kanyit lo, a nan mo tiŋdi lepeŋ kine ŋo liŋ.

Ŋutu ti Amon a ’duŋöki putet

²⁸ Ŋuro lo ŋuto, keŋ keju, kulyani adi, MATAT ŊUN lo kulya ko ŋutu ti Amon logon a kalaak kulo adi, Baŋdu aje ’dutwe kaŋo anyen tatatuarikin, baŋdu aje poto anyen kokobbu, ko anyen meme ’yu gwoso meme’dekta na ki!

²⁹ Ŋo na met ta kasu i töilyet kine a köŋurot kana, waŋdu nasu a ’burönö kana, nagon adi ti ta totoggi ŋutu i murutö ko baŋdujin, kilo ŋutu a lorok ti twöju ŊUN, diŋit nase aje po nagon riparikin se a ’dutet.

³⁰ Sijoro baŋdu bot kanyit i soko ’bo. Nan mo ’du ’dupökin ta putet i pirit nagon ta yuŋwe kata, iŋkoi, i jur logon ta pipiluŋdya kata lu.

³¹ Nan mo ’bu ’bukökin woran nio kasu loki, a nan mo kutakiŋdye woran nio na pape kasu loki, a nan mo ŋutukiŋdye ta i könisi ti ŋutu kipajin logon a diniki tukaŋu.

³² Ta mo nama gwoso kaden i kimaŋ kata, a rima kasu mo ’bukökine i kiden na jur, a ta mo tine yeyeo köti asut. Ŋilo a kulyaet lio lo MATAT.