Ejikele 16 - Bibilia Buk na Ŋun nagon koti luŋu a

Ŋutu ti Yerusalema a paju ŊUN gwoso ŋuto nagon a kawute

¹ A kulyaet lo MATAT köti poki köyö adi,

² Ŋuro lo ŋuto, kweki Yerusalema ŋo kanyit na mamana.

³ Taki lepeŋ adi, MATAT ŊUN lo jambu ko do Yerusalema adi, Do gwoso ŋuro ’diet, pirit inot ko yuŋwe inot köju gwon i jur lo ŋutu ti Kanana, munyi köju a ŋuto lo Amori a ŋuti gwe a ŋuto na Kiti.

⁴ A ko gwe gwoso i lor lo yuŋwe inot, kapulet inot köju a ko ’duŋö, a do gwe a ko tokue anyen do gwon a nake, a do gwe a ko wela ko welet I kode doko ko boŋgwat.

⁵ Ŋutu ’bayin nagon a won konyen ko do i konakiŋdya na do nene na kine ŋo kogwon nye delya do; ama do a paki i terere i lor lo yuŋwe ’i do lu kogwon do mamana.

⁶ A nagon nan MATAT lwö-ŋöddi konut nyona nu, a nan meddi do totogwo i mu ’dököt kata, a nan kulyani ko do i mu ’dököt kata adi, Rune ru.

⁷ A nan iŋge to ’dur do gwoso ŋo lo punun i melesen, a do iŋge ’duröddu ki a najo, a iŋge ’durökin i tukö ’di-sen; kinasi kulök aje suja, kupir kulök aje ’duŋö; ama do nyuŋ gwon ’busön ko a limu kana.

⁸ A na lwöŋöddi nan koti konut nyona nu, a nan meddi do, mete, a do gwe a nagon jujukin i yema, a nan panyakiŋdye kume lo boŋgo nio konut loki a muŋge to ’buson inot, iŋkoi, a nan iŋge milyekin do a teteŋdi tomoret ko do, a do iŋge wora a nio. ŋilo a kulyaet lio lo MATAT ŊUN.

⁹ A kirut nan tukwoji do, a nan iŋge lalaara rima kaŋo konut i mugun, a we ’yi do ko welet.

¹⁰ A nan koti iŋge tojup do ko boŋgo nagon a ripaki tokwelenyesi, a tojubbi do ko kamuka lo ’but logon a tetena ko gobero, a doggi do ko kamba nagon a tetena ko boŋgo na waratat naparere nagon gworo go, a tojubbi do ko top nagon a kariri.

¹¹ Nan a tokwelen do ko minyojin, a rusukiŋdyere konut ikonisi, a rusukiŋdye nyorite konut i murut.

¹² A nan sukiŋdye reyat konut i kume, a sukiŋdye re konut i swo, a torakiŋdye jibi lokwekwelen konut i kwe.

¹³ Nyena do a tokwelenyo ko dakap ko pödö, a boŋgwat kunök gwe a ti waratat naparere na gwörö go, ko a kaririat, ko a boŋgo na ripaki tokwelenyesi, a do nyesi ’bolot na jio a nalilinok, ko siwatat se ko welet. A do iŋge ’duŋo a nakwe-kwelen parik, a iŋge wora a mor.

¹⁴ A minyojin logon nan a to kweleŋdi do kulo iŋge tin do i gwon a nakwe-kwelen parik, a kwelen inot iŋge kuörö i juron liŋ. Ŋilo a kulyaet lio lo MATAT ŋun.

¹⁵ A kölumbö do yinikiŋdye kwelen inot, a biryeri mugun a kawute kogwon kono inot, a wukiŋdye mugun abur i ŋutu lo Iwolwoŋoddu.

¹⁶ A do tetena-kiŋdye mugun piriton na ’du nagon do kwakwaddi nyomuejin logon a ŋunyen, a do ’dumuŋdye kunie boŋgwat kunok a tokweleŋdi se, a do biryeri mugun a kawute i loki na se. Ŋo gwoso kine kodyo mo ti pukun, a se kodyo mo tine gwon sona asut.

¹⁷ A do koti ’dumuŋdye minyojin kunok nake ti dakap nio se ko ti podo nio nagon nan a tikin do kune, a tetenakiŋdye mugun a nyomue-jin ti ŋutu lyan, a biryeri mugun ko lepeŋat a kawute.

¹⁸ A do ’dumuŋdye boŋgwat kunok nagon a ripaki tokwelenyesi kune a muŋge lepeŋat, a wukiŋdye se welet nagon kodyo wuki nan na, se ko bökur logon kodyo wuki nan lo.

¹⁹ A do koti ’dumuŋdye kinyo logon nan a tikin do anyen wowoji do lo, kweja adi ’bolot na jio a nalilipök. ko welet, se ko siwatat, a wukiŋdye lepeŋat a ŋo na mon paleleŋ. Ŋilo a kulyaet lio lo MATAT ŊUN.

²⁰ a do ’dumuŋdye ŋwajik kulok lulyan ko nawate, logon do a yuŋwekin nan kulo, a wukiŋdye kilo nyomuejin a kinyo lose. Do yeyeju adi ŋina ŋo a na ’dit Iwolwoŋ wuton inot le?

²¹ Iŋkoi, do aje ’duŋgo ŋwajik kwe a wukiŋdye nyomuejin kulok a rubaŋgajin lo ’yu ’yura.

²² A na koŋdi do kine ŋo liŋ na mamana se ko toluŋ inot nu, a do gwe a ko yeyeju perok ti yuŋwe inot na gwolorgi do ’buson ko a limu kana ko totogwo i mu ’dokot kata nu.

²³ Nan MATAT Ŋun lo lulujo i mukok na ŋo narok liŋ nagon do a kon kune adi, Woidio, Woidio!

²⁴ Ŋo a ’du ’duluki-ŋdya mugun piriton najo ki, a do tetenakiŋdye mugun piriton na ’du i piriton liŋ nagon a terereki;

²⁵ a do ’du’dulukiŋdye mugun piriton na ’du i kere-si ti kikolin liŋ, a do koŋi kwelen inot, a pakiŋdye mokosi kulok i ŋutu liŋ lo Iwolwoŋoddu, a do ’yaladdi wuton inot ŋerot.

²⁶ A do kbti biryeri mugun a kawute ko ŋutu ti Ejipeto logon a lobot i mugunya kulo, logon si ’da konut nyona, a do ’yaladdi wuton inot ŋerot i tiŋdu na nan i woran.

²⁷ Nyenagon meddi, nan a rioro ko-nin lio kaŋo i riŋga na do, a nan iŋge ’duŋoro kinyo ilot kak logon a tiki do lo, a ŋutukiŋdye do i pusok na ŋutu wa-te ti Pelesete nagon maman do kune, kusik kase koti a yu kogwon gwiliŋit ilot lo towuton.

²⁸ Do koti a birye wuton ko ŋutu ti Asura kogwon do nyuŋ gwon ko magor lo wutön; iŋkoi, do a birye wutön ko lepeŋat ama a do gwe a ko yimönö asut.

²⁹ Do köti a ’yaladdu wutön inot ŋerot ko ŋutu ti Kaledea logon a katujarak, ama a do gwe a ko nyuŋ yimönö wutön ma ’di ko kilo ŋutu.

³⁰ Nan MATAT ŊUN lo kulya adi, Töili ilot pa ’de ’de, do gwon gwoso kawute nagon kwe ti yu i koŋdya na ŋo gwoso kine.

³¹ Do ’du ’dulukiŋdya mugun piritön na ’du i keresi ti kikolin liŋ, a do ’du ’dulukiŋdye mugun piriton nagon a na ’du i piritön liŋ nagon a terereki. Ama do ’bayin gwoso kawute kogwon do ti ’bon ropaki.

³² Do a nakwan kalupe nagon wuju ŋutu logon a lepelok ti gwon a lalet ilot!

³³ Ŋutu lyan ’do ’dogga kawutejin liŋ, kölumbö a do ’doggi ŋutu kulok lo nyanyara anyen gwöruŋdyö lepeŋat i swöton liŋ anyen po i wuton ko do.

³⁴ Nyena wuton inot gwon ka ’de i kunie wate, ŋutu ’bayin logon ’de ’dekan do; ŋutu ’bayin logon tiŋdu do ’dokesi ama do na gwöruŋdyö lepeŋat; nyenagon do gwon ka ’de.

ŋun ’du ’duŋokin Yerusalema putet

³⁵ Nyena do kawute, yiŋge kulyaet lio lo MATAT.

³⁶ Nan MATAT ŊUN lo kulya adi, Kogwon do aje panyakiŋdya mugun köke a tiŋdi mugun i meta ’busön i towuton ko kanyarak kulök, köti kogwon nyömuejin kulök liŋ lo mamana logon a ŋunyen kilo, köti kogwon do a wukiŋdya lepeŋat ŋwajik kulök a rubaŋgajin,

³⁷ nyenagon mete, nan mo tutun kanyarak kulök liŋ logon ta tulyoŋgu ’börik i pirit na geleŋ kilo, kweja adi se liŋ logon do nyanyar kilo se ko logon do maman kilo. A nan mo tutunuŋdye se liŋ i swötön liŋ i moro ko do, a nan mo panyakiŋdye lepeŋat to ’busön inot, anyen se meddya do i gwon a limu kana.

³⁸ A nan mo ’duŋö-kiŋdye do gwoso i putet lo ŋutu wate nagon a diniki toluŋ ko i ’buköddu na rima, a nan mo ropakiŋdye do i yinö nio ko woran.

³⁹ Nan mo puŋutukin do i könisi ti kanyarak kulök, a se mo duka-kiŋdye pirit inot kak na ’du ’duluru do ki a najo ŋina, a tuŋe piritön kunök na ’du kak, a se mo rusuŋdye boŋgwat kaŋo konut i mugun, a se mo ’dumaddi minyo-jin kunök nakwekwelen, a kölökiŋdye do ’busön ko a limu kana.

⁴⁰ A se mo joŋdi lodir lo ŋutu i mörö ko do, a se mo gugumbe do ko ŋurupö, a totoggi do a na ’di ’dik na ’di ’dik ko baŋdujin kase.

⁴¹ A se mo ’yuŋe kadijik kunök, a se mo ’duŋökiŋdye do putesi a ŋutu wate memeddya. A nan mo to ’duddye towutön inot, a do mo köti tine gwöruŋdyö kanyarak kulök kwöŋ.

⁴² A kirut nan mo tutupökiŋdye woran nio konut loki, a yinö nio mo kölökiŋdye do, a nan mo gwe taliŋ a mo tine woran köti.

⁴³ Do a ko yeyeju perok ti tolupu-dien inot a kölumbö towoŋi nan ko konesi kunök liŋ; nyenagon mete, nan mo roropakin konesi kunök liŋ konut i kwe. Ŋilo a kulyaet lio lo MATAT ŊUN. Ti gwon sona adi do a koŋdya towutön wat po kunök liŋ na mamana le?

ŋuro a kelaji ko Ŋote

⁴⁴ Mete, a ŋutu liŋ logon jambu tolupe-si kulo mo jambi lele tolupet i kulya kunök adi, Ŋuro nakwan a kelaji ko ŋote.

⁴⁵ Do a ŋuro nagon kelaji ko ŋuti. Ŋuti a maŋdu lalet lonyit se ko ŋwajik kanyit. Do a kelaji ko kiösurök nagon a maŋdu lyan kase se ko ŋwajik kase kune. Ŋuti a ŋuto na Kiti a munyi gwe a ŋuto lo Amori.

⁴⁶ A kiösur duma gwe a Samaria nagon si ’da i swöt lo lobot se ko ŋwajik kanyit; a kiaser inot na ’dit gwe a Sodoma nagon si ’da i swöt lo loki se ko ŋwajik kanyit.

⁴⁷ Do a ko mirakiŋdya gwiliŋisi kase ka ’de i koŋdya na po na mamana, ama i diŋit a na ’dit a do iŋge lwöŋ se i konesi kase liŋ narok.

⁴⁸ Nan MATAT ŊUN lo kulya adi, ’Diri ’diri, gwoso na gwoŋdi nan na, kiaser inot nagon a Sodoma se ko ŋwajik kanyit nawate a ko koŋdya gwoso na koŋdi do se ko ŋwajik kunök na.

⁴⁹ Toron na kiaser inot nagon a Sodoma mana; kweja adi, lepeŋ se ko ŋwajik kanyit a kabulak ti kusik, a gwe ko kinyo a duma parik, a gwe ko gwiliŋit lo ’but a tine yöŋö nene po, ama a se tine parakiŋdya lomerika se ko ŋutu logon ko yöpö na po kulo.

⁵⁰ Lepepat a ka ’du ’dupak, a iŋge koŋdya po nagon mamana köyö i komor; nyena a na meddi nan kine po nu, a nan iŋge seyara lepeŋat kapo.

⁵¹ Samaria köju a ko toroŋdya parik gwoso do, ama do a koŋdya po jore na mamana lwölwöŋ kiösurök. A kiösurök kölumbö purune gwoso se a nake i po na mamana lip nagon do aje kon kune.

⁵² Do ködyö poŋga lawe inot, kogwon do köju a lilija adi kiösurök a narok, kölumbö do aje koŋdya po na mamana lwölwöŋ lepeŋat, nyena ti do gwe ko kwe na yu ko poŋgi lawe inot, kogwon do a koŋdya kiösurök ŋuru gwoso se a nake.

⁵³ A nan mo nyökuŋdye Sodoma ko ŋwajik kanyit nawate, ko Samaria se ko ŋwajik kanyit nawate anyen se gwon ko komor na ’but, a i mukök a nan mo nyökuŋdye do ko se i pirit na geleŋ anyen do gwon ko komor na ’but.

⁵⁴ Ama do ködyö poŋoŋ lawe inot ko yu na kwe i po liŋ nagon do a kon kune, a kine kulya mo tulyöŋgi lepepat.

⁵⁵ Nyena a kiösur nagon a Sodoma ko ŋwajik kanyit nawate mo yitöni i gwiliŋit lose lo ’beron, a Samaria ko ŋwajik kanyit nawate mo yitöni i gwiliŋit lose lo ’beron, a do se ko ŋwajik kunök nawate mo yitöni i gwiliŋit losu lo ’beron.

⁵⁶ Do ŋona köju a ko jam kiaser inot Sodoma a giriset le i perok logon do bu ’ye kwe kulu,

⁵⁷ kweja adi i ŋerot nagon toron inot a ko nyuŋ kweki köke nu? Soŋinana do aje wora a yuyuket na ŋwajik wate ti Suria se ko ŋutu na si ’da kanyit nyona, ko a yuyuket na ŋwajik wate ti Pelesete; kine a se nagon lorga do ko a lauŋdya do kune.

⁵⁸ Do ködyö ŋoŋga riŋet na towutön inot se ko ŋo kunök na mamana kune. Lo a kulyaet lio lo MATAT.

ŊUN teteŋdya tomoret na yeŋ nyin

⁵⁹ Nan MATAT ŊUN lo kulya adi, Iŋkoi, nan mo kokonakin do gwoso na koŋdi do na, kogwon do a lauŋdya milye a ’beleŋgi tomoret.

⁶⁰ Ama kölumbö nan mo yeye tomoret na teten nan ko do i diŋit nagon do köju nyuŋ a na ’dit nu, a nan ko do mo togwi ’dikiŋdye go tomoret na yeŋ nyin.

⁶¹ A kirut do mo yeyene yeye kikolin kulök a iŋge yu kwe, na wuji do kiasirik kunök duma ko na ’dit nu. A nan mo tiŋdi do se a ŋwajik kunök, ama se ’bayin i kulya ti tomoret nio ko do.

⁶² A nan mo togwi ’dikiŋdye go tomoret nio ko do, a do mo dene den adi nan logon a MATAT.

⁶³ A i diŋit nagon nan mo pitökiŋdye do i ŋo liŋ na kon do kune nu, a do mo yeyene yeye a yune yu kwe, a do mo köti tine ŋaju kutuk kwöŋ kogwon yu na kwe. Ŋilo a kulyaet lio lo MATAT ŊUN.