Ebere 9 - Bibilia Buk na Ŋun nagon koti luŋu a

Pirit nake na rurwan na na kak ko na ki

¹ Köti i tomoret na kokwe nu, saresi kata logon a ti kwakwaddu, a gwe ko pirit nake na rurwan nagon ŋutu lo teteŋdya.

² Kogwon kemia a tetena nagon lukata nanyit a kora murek, pirit togeleŋ luŋu a Pirit Nake na Rurwan, nagon gwon ko togwi ’diet na lombojin, ko misa nagon petarikin ambatajin ko Ŋun i komor,

³ a i ki ’diŋ na boŋgo koret tomurek gwe a pirit na luŋu a Nake na Rurwan na Totopuŋdya.

⁴ Lepeŋ gwon ko pirit ’yuret na bökur nagon tetena ko dakap, se ko saŋduk na tomoret a mulunyö liŋ ko dakap. A i lukata na ŋina saŋduk gwe a mu ’da logon a dakap logon gwon ko mana i lukata nanyit, köti i ŋina saŋduk a gwe a ture lo Arona logon aje wilan, se ko ŋurupö murek na ’dayatak nagon kulyaesi ti tomoret a wuröki nyin.

⁵ A kerubajin gwe i loki na ŋina saŋduk logon kweja minyo lo Gun, a köpukön kase muŋge muket nagon toronjin lala kata na. Na ’bayin a diŋit nyönyökit na kine kulya geleŋ geleŋ.

⁶ A nagon kine ŋo aje tetenaki sona nu, a koanejin yeŋe luŋö i koret togeleŋ na kemia i koŋdya na kitajin kase,

⁷ ama koane duma ka ’de lo luŋö i tomurek daŋ geleŋ i kiŋa. Lepeŋ ti tu nyin ko a ko baraddu rima nagon nye wukin i kulya kanyit se ko i lyaŋesi ti ŋutu.

⁸ I ŋina, a Mulökötyo Loke iŋge kwekin adi kiko lo luŋö i Pirit Nake na Rurwan na Totoŋuŋdya a ko nyuŋ ŋai nagon koret togeleŋ na kemia nyuŋ gwon kata.

⁹ ŋilo a lilim logon kweja kulya ti na diŋit. Kweja adi ’dokesi se ko rubaŋgajin lo wuwuki kulo ti bulö tiŋdu töilyet ti kakwakwasak i gwon a lo ’but jojo,

¹⁰ kogwon kine ŋo tuŋ gwon i kulya ti ŋo lo nyenyei ko ŋo na mamata, se ko i lalaesi ka ’de ka ’de. Kilo a saresi ti ŋo ti mugun na kaŋo logon saraki ŋutu tojo ko diŋit nagon ŋo mo löpukö a ludukö.

¹¹ Ama Kristo aje po a koane duma lo ŋo na ’but nagon gwe kata kune. Kemia nagon nye kita kata na a duma ko a na ’but bia parik, ’bayin a ŋuto lo teteŋdya, kweja adi ’bayin a ŋo na na kak na gwegweya na.

¹² Lepeŋ luŋö i Pirit Nake na Rurwan na Totoŋuŋdya daŋ geleŋ asut, ’bayin baraddu rima ti yidin ko ti kaja, ama joŋga rima kanyit, a iŋge dakuŋdya yi a ’dutet.

¹³ Rima ti yidin ko ti dwönin se ko kurök ti tagwok nagon aje ’yura bubulö gwagwataki i ŋutu logon a toluta ko lyaŋesi anyen toke ’ya se kase i mugunya.

¹⁴ Kristo a wukiŋdya mugun ko Ŋun i riŋit na Mulökötyo lo yeŋ nyin a rubaŋga gwoso kilolor logon ’bak yuyuket. Nyena bia parik rima kanyit totoke ’ya töilyet kaŋ logon deden adi yi a koŋdya ŋo nagon mo joŋga yi i twan, anyen yi böŋö kitakiŋdya Ŋun lo gwon jöruŋ.

¹⁵ Nyenagon ko ŋina kwe, lepeŋ a katomoranit lo tomoret ludukötyo, anyen se logon Ŋun a luŋ kulo böŋö wuju ŋo nagon a lomore nagon ti ’duddyö, nagon nye aje rukökin na. Kine kulya bubulö, tuŋ kogwon twan nanyit kata nagon dakuŋdya ŋutu i toronjin nagon lepeŋat a kon na gwoŋdi se i saret lo tomoret na kokwe nu.

¹⁶ Ko nuto sarakiŋdya ŋwajik kanyit i ruddya na ŋo kanyit, lepeŋat ti bulö ruddya tojo ko a dena ’bura adi lepeŋ ’diri aje twan.

¹⁷ Kogwon saresi kanyit ’bak ’bulit ko nye nyuŋ gwon jörun, kilo saresi tuŋ kona i mukök nagon nye aje twan.

¹⁸ Nyenagon ma ’di tomoret na kokwe nu a suluki ko rima.

¹⁹ Kogwon i mukök na laikiŋdye Mose ŋutu liŋ jujuwesi ti Saresi nu, a lepeŋ ’dumuŋdye rima ti kaja, ko pioŋ, ko kupir lotor se ko lomuryeje, a gwagwaddi buk na saresi se ko ŋutu liŋ,

²⁰ kulya adi, Kine a rima ti tomoret nagon Ŋun aje sarakin ta na.

²¹ Jojo köti a lepeŋ gwagwaddi kemia se ko tito liŋ nagon a kitarikin kata kune.

²² iŋkoi, Saresi tuggö adi ŋo na jore agu ködyö tokela ko rima, a ko ködyö rima a ko ’buköŋ a toronjin tine bulö pitöki.

Twan na Kristo a rubaŋga a joŋga toronjin kaŋo

²³ Nyena ŋo nagon mirakiŋdya ŋo ti ki kune agu kodyö tokela ko rubaŋgajin gwoso kilo, ama ŋo nagon a ti ki ’de ’dekan tokela ko rubaŋgajin logon a lo ’but bia parik lwölwoŋ se.

²⁴ Kogwon Kristo a ko luŋö i pirit nake na rurwan nagon ŋuto lo teteŋdya nagon mirakiŋdya ŋo nagon a gwak na, ama lepeŋ a luŋö ki yu gwak ko Ŋun i komor anyen gwo ’dan i kulya kaŋ.

²⁵ Lepeŋ ’bayin nyöggu luŋö nyu daŋin jore i wukiŋdya na mugun, gwoso na luŋöri koane duma i Pirit Nake na Rurwan temba i kiŋa joŋga rima nagon ’bayin a kanyit na;

²⁶ kogwon ko ködyö gwon sona, a lepeŋ ködyö aje nyöggu ŋoŋga daŋin jore suluja i gweya na kak. Ama lepeŋ soŋinana aje pukun daŋ geleŋ asut i diŋit na ’dutet anyen tiŋdu mugun nanyit a rubaŋga i tutuŋgö na toronjin liŋ.

²⁷ Ŋutu liŋ geleŋ geleŋ twatwa daŋ geleŋ a kirut putet lo gwe;

²⁸ jojo köti Kristo a wukiŋdya mugun dao geleŋ anyen ’doggu toronjin ti ŋutu jore. Lepeŋ mo pupukun daŋ tomurek, ti gwon i kulya ti toronjin, ama joŋdya lwökit i ŋutu lo mömöŋdu nye ko pusök kulo.