Ebere 3 - Bibilia Buk na Ŋun nagon koti luŋu a

Yesu a lwöŋ Mose

¹ Nyenagon ta luŋasirik kwe logon Ŋun a gelun ko a luŋi parundya na kulya ti ki kulo, yeyene ta yeye Yesu. Lepeŋ a Luyökie ko a Koane duma i keri likaŋ lo yupet.

² Lepeŋa kitakiŋdya Ŋun lo wuluŋdyö lepeŋ lo ko töili lo to ’diri, gwoso na kitakiŋdye Mose lepeŋ köju i kita nanyit i mede na Ŋun liŋ nu.

³ Ama Yesu jojo bula lwölwöŋ Mose, gwoso nagon kapipilunit lo mede bubula lwölwöŋ mede nanyit na.

⁴ Midijik liŋ geleŋ geleŋ Ŋuto lo pipi ’yu, ama Ŋun a kapipilunit lo ŋo luŋ.

⁵ Nyena Mose köju a kita a kölipönit i mede na Ŋun ’bukuluŋ ko töili lo to ’diri, i tökoŋu na kulya nagon Ŋun mo jajam i mukök kune;

⁶ ama Kristo logon a Ŋuro lo mede lo a meddya mede na Ŋun ko töili lo to ’diri. Nyena yi kulo a mede na Ŋun ake koyi gwon a purwat ko a kalyöŋök i yeŋdu na kine kulya.

Pirit yukaet na ŋutu ti ŋun

⁷ Nyena gwoso na kulyari Mulökotyo Loke nu adi, I lo lor ko ta yiyiŋgworo lo Ŋun

⁸ ko togo ’yu ta töilyet kasu, gwoso na rerenyari ta ko nye köju i lor lo tembi ta nye i yöbu lu.

⁹ Merenyejin kasu a temba nan nyu, ma ’di ködyö se aje met ŋo na kon nan kune ko kiŋajin merya iŋwan.

¹⁰ Nyenagon a nan iŋge woran ko ŋutu ti ŋinu toberon, a nan iŋge kulya adi, Lepeŋat Ŋupi lyalyaŋi kase i töilyet, a se tine den kikolin kwe.

¹¹ Nyena a nan milyeji i woran nio adi, Lepeŋat kwöŋ ti luŋo köyö i pirit yukaet.

¹² Kunyar ta pon luŋasirik kwe, an lele losu böŋo gwon ko töili loron lo ’bak yupet i kö ’yu na Ŋun lo gwon jörun.

¹³ Ama kukuji ta ’borik temba i lor nagon nye nyuŋ luŋu adi i lo lor na, an lele losu mumuluka ko toron a togo ’yi töili arabat.

¹⁴ Kogwon yi ŋaŋu ko Kristo i pirit na geleŋ tuŋ koyi a ’depakiŋdya go tojo ko ’dutet, i yeŋdu na lepeŋ gwoso i suluet na.

¹⁵ Nyena gwoso na wuröri nu adi, I lo lor ko ta yiyiŋ gworo lo Ŋun, ko togo ’yu ta töilyet kasu gwoso na rerenyari ta ko nye köju nu.

¹⁶ Nyena nan pija ta adi, Ko pa logon a yiŋga gworo lo Ŋun a iŋge rerenya? Kweja adi kilo a ŋutu liŋ logon Mose a jon kaŋo Ejipeto yu kulu.

¹⁷ Ŋun a woran ko ko pa kiŋajin merya iŋwan? Lepeŋ a woran ko ŋutu logon a torondya a iŋge twatwa i yöbu yu kulu.

¹⁸ Lepeŋ milyeju ko ko ŋa adi se kwöŋ ti luŋö kanyit i pirit yukaet? Kweja adi lepeŋ milyeju ko ŋutu logon ti yiŋ lepeŋ kulo.

¹⁹ Nyena a yi kuruŋdye adi lepeŋat ti bulö luŋö kanyit i pirit yukaet kogwon se ti yubbö.