Ebere 2 - Bibilia Buk na Ŋun nagon koti luŋu a

Lwökit duma parik

¹ Nyenagon yi agu kodyo titiriku ’debba go ŋo nagon yi aje yiŋ kune, anyen yi boŋo gwon ti yokoŋji kaŋo kata.

² Saresi ti Ŋun lo jama koju ko malaikajin kulo gwogwo ’dan go, ko ŋuto logon a laŋgu se kode a ko two se lo, lepeŋ riripa ko ripet nagon jujukin toron nanyit;

³ nyena koyi gwe ti yeyeju lwökit duma parik, a yi mo rwoddi riŋa ada? Matat ko mugun nanyit a kokwe a laŋa ŋina lwökit, a ŋutu lo yiŋga lepeŋ kulo iŋge tukokin yi adi a gwak.

⁴ Ŋun koti ko mugun nanyit a toggu ŋo na tokor se kune a tokoŋ adi a gwak, i tiŋdu na kweyesi, ko sorosi, ko kitajin temejik ka ’de ka ’de, ko i gwelakiŋdya na ’dokesi ti Mulokotyo Loke gwoso na ’deggi nye na.

Ka ’dolanit lo lwökit

⁵ Kogwon Ŋun a ko wulökin malaikajin i saŋu na kak nagon popo na, nagon yi kulo jambu kulya kanyit na.

⁶ Lele ŋuto a tökoŋu i nene pirit i kulyaesi ti Ŋun lo wurö kulo adi, Nyo do yeyeju ŋuto? Lepeŋ a nyo? Nyo do rurugga ŋuto kana ’bura? ’Bulit na lepeŋa nyo?

⁷ Do a to ’diddya lepeŋ lwölwoŋ malaikajin ko diŋit a na ’dit, a sukiŋdye Iŋguya logon a minyotat ko a bulet kanyit i kwe;a do iŋge tin lepeŋ i ryokakiŋdyana ŋo liŋ kak.

⁸ Na tokoŋ nye adi Ŋun a tiŋdu Ŋuto i ryokakiŋdya na ŋo lio kak na, kweja adi nye a ko kölörö nene ŋo kaŋo nagon a ko tiki ko Ŋuto i riŋit. Ama ’diri yi a ko nyuŋ met adi Ŋuto a ryokakiŋdya ŋo liŋ kak.

⁹ Ama ŋo nagon yi a met gwon sona adi, Yesu logon a to ’dita lwölwöŋ malaikajin ko diŋit a na ’dit lo, lepeŋ a suki Iŋguya logon a minyotat ko a bulet kanyit i kwe kogwon twan nagon nye a ŋoŋga na. Ŋun ko ’busan na nyaŋu nanyit a koŋdya sona anyen Yesu ködyö twakin kogwon Ŋutu luŋ.

¹⁰ Ŋun a kagweyanit lo ŋo luŋ, ŋo liŋ gwon jörun kogwon lepeŋ. Lepeŋ ’de ’dekan joŋdya ŋwajik kanyit jore i minyo lonyit, nyena a gwe a na ’but ko lepeŋ i tiŋdu na ka ’dolanit lo lwökö nase i gwon jojo gwak kogwon ŋoŋesi na ŋoŋgi nye kune.

¹¹ Kogwon nye lo toke ’ya toron lo ko se liŋ logon totokela kulo a ti Monye geleŋ. Nyena ko Ŋina kwe a Yesu tine yu kwe i luŋgu na se a luŋasirik kanyit.

¹² A nye kulyani adi, Nan mo tokukiŋdyö luŋasirik kwe karin kunök; nan mo yulukiŋdyö do puresi i kiden na ŋutu lo momora.

¹³ A nye köti kulyani adi, Nan mo yinikiŋdyö mugun ko Ŋun. A nye köti kulyani adi, Nan malo se ko ŋwajik logon Ŋun a tikin nan kulo.

¹⁴ Nyena gwoso nagon Ŋwajik ti mede geleŋ mugunya kase ko rima a ŋo na geleŋ na, nyena koti Yesu naruŋdya gweya nase sona. Lepeŋ a Ŋaruŋdya gweya nase anyen i twan nanyit nye böŋö tu ’baka ’yu riŋit na ŋilo kaŋöönit, logon riŋit na twan gwon kanyit i könin lo,

¹⁵ anyen nye Yesu böŋö kölöddu Ŋutu liŋ a lui, logon a joŋga gwiluŋisi kase liŋ to ’dupien kulo kogwon kujönö twan.

¹⁶ Kogwon ’diri lepeŋ ti Ŋarakiŋdya malaikajin, ama Ŋarakiŋdya nyakwariat ti Abarayama.

¹⁷ Nyena Ŋina a kwe nagon lepeŋ agu ködyö kona gwoso luŋasirik kanyit i ŋo luŋ, anyen nye böŋö gwon a koane duma lo won konyen ko a lo yiyiniki i kitakiŋdya na Ŋun, anyen nye böŋö lalaju toronjin ti Ŋutu.

¹⁸ Nyena kogwon lepeŋ ko mugun nanyit a tema ko ŋoŋesi, nye bubulö parakiŋdya Ŋutu logon a tema ko moriesi kilo.