Ebere 12 - Bibilia Buk na Ŋun nagon koti luŋu a

Yesu a kasuluwanit lo yupet nikaŋ

¹ Nyenagon kulya kaŋ gwon ada? Yi aje loraki kiden ko ’diko duma parik na ŋutu logon a kwekiŋdya yupet kulo, ti yi rösöddi ta kaŋo ŋo liŋ na pömöni, se ko toron nagon a ’depakiŋdya kayaŋ i mugunya go na, ti yi möröddi ta wökön nikao na opere ’bak dara.

² Ti yi metaddi ta ŋerot ko Yesu yu, kogwon lepeŋ a kasuluwanit lo yupet nikaŋ, a lepeŋ mo lo tojukiŋdye ŋina yupet ’bura. Lepeŋ a ko yeye toyuŋ nanyit na kwe i ŋoŋga na twan nanyit i kodini na görö, kogwon lyöŋön na gwon kanyit ŋerot nu. Soŋinana lepeŋ aje si ’daki i könin lutaten lo si ’daet na Ŋun.

Ŋun tojumbu yi gwoso monye ko Ŋuro

³ Yeyeji ta ŋoŋga nanyit na rerenyesi ti katorönyak logon a rerenya ko lepeŋ kulo, anyen ta böŋö gwon ti dara a tine gwon ko töilyet lomunyak.

⁴ Ta a ko nyuŋ mörö parik ko toron tojo ta a tatua.

⁵ Ta aje böŋö kalet logon Ŋun a kukuji ta gwoso ŋwajik kanyit lo le? Adi, ŋuro liŋ, an do ko yeyeju adi tojumisi ti Matat a ŋo na pa ’de ’de, ti töili ilot gwe ti doddya ko lepeŋ kukuju do.

⁶ Kogwon Matat tojumbu nuto logon nye nyanyar lo, a nye ’biddye ŋwajik liŋ logon nye a ruk a ŋwajik kanyit kulo.

⁷ ŋoŋga nasu a tojumu nasu. Ŋun konakiŋdya ta gwoso ŋwajik kanyit. Ŋuro a na logon monye ti tojum?

⁸ Ko ta a ko tojumu gwoso ŋwajik liŋ ti mede gelen, kweja adi ta ’bayin a ŋwajik ti ninu mede ta a yuŋwe kaŋo.

⁹ Komonye kan ti na kak köju a tojumbu yi a yi inge twö lepeŋat, ködyö bia parik yi twötwö Monye lo ködudwölön kan anyen yi gwon jörun, ti gwon sona le?

¹⁰ Komonye kaŋ ti na kak tojumbu yi ko diŋit a na ’dit gwoso nagon lepeŋat met adi a na ’but na; ama Ŋun Monye tojumbu yi anyen yi ryeju ’bulit i naruŋdya na kelan nanyit.

¹¹ I diŋit nagon nuro totojumu nu mimien parik, lyöŋön ’bayin kwön, ama i mukök a kine tojumisi rade a ludweki ti taliŋ ko ti löti lo ’but i töilyet ti nutu logon a tojumu kulo.

Jujuwesi ko kukuesi

¹² Nyenagon ’biliki ta könisi kasu lokolokak kilo i kita ko togole ta togo kuŋwat kasu lukadapak,

¹³ tetene ta kikolin lo rigwo anyen ta wörö kata, anyen moköt lo nuto node gwon ti puleddya, ama kölumbö a tokelani tokela.

¹⁴ Ti töilyet kasu juŋe gwon taliŋ ko nutu liŋ, ko ti juŋe gwölön ko gwiliŋit Iŋke, kogwon ko gwilinit loke ’bayin nuto ’bayin lo meddya Matat kwöŋ.

¹⁵ Kunyar ta, ti lele ŋuto gwe ti karakin bot an lepeŋ yanan i wuju na ’busan na Ŋun, a lo ’burtölön ŋunu kanyit i töili a todelyaji todelyaju, a köŋi nutu jore.

¹⁶ Kunyar ta, ti lele nuto gwe ti gwon a kaluŋönit kode i gwon ko gwilinit lonyit lo ’beron logon nye ti yeye Ŋun lo, gwoso Esau logon a tugwöŋu tukayu nanyit ko saani gelen na ’dilon.

¹⁷ Ta deden adi, i mukök lepeŋ yono wuju ’boriet nagon a na kayu ama a nye inge renyarikin, ma ’di lepeŋ a mamaŋdu parik ko ŋolitan, ama lepeŋ ti ryö kiko logon nye löpuŋge no nagon nye a kon kune.

¹⁸ Ta a ko ’dur i Mere Sinai logon bubulö tanya ko könisi, logon köju tule a kimaŋ, ko a mudwe logon adi ’dii, ko a köbunöt wome,

¹⁹ ko kuta na tore, se ko kuun na gworo. A na yinge nutu nilo gworo i jambu nu, a se mo ’yi adi ti se gwe ti jamaki kulye kulyaesi.

²⁰ Kogwon se ti bulö nonga saret logon adi ma ’di turu ’buti ko a ’bo ’yu mere, lepeŋ agu gugubatu ko ŋurupö tojo ko a twan.

²¹ Inkoi, a no na met se kune torigwöggi torigwöggu a tusöŋi tusöŋu, ma ’di a Mose kulyani adi, Nan bö-böŋdu parik ko kujönö.

²² Kölumbö ta a ’dur i mere Siona, i köji na Ŋun lo gwon jörun, kweja adi nagon a Yerusalema na ki. Ta a ’dur ko alipan ti alipan ti malaikajin i komor. Ta aje ’dur i pepenet lyöŋit

²³ na ŋwajik kayujin ti Ŋun lo momora, logon karin kase a wuröki ki yu kulo. Ta kilo aje ’dur ko Ŋun i komor logon a Ka ’dunönit lo putesi ti ŋutu liŋ, ko i komor na ködudwölön ti ŋutu logon a lo rigwo logon a tojuki a lo ’but kulo.

²⁴ Ta aje ’dur ko Yesu i komor logon a katomoranit lo tomoret ludukötyo. Rima kanyit na ’bukwe kune tukökin-dyö yi no na ’but parik lwölwön no na tuk rima ti Ebele kune.

²⁵ Kunyar ta, an ta ko renya ta nye lo jajambu lo. Ŋutu logon a renya yinga nye lo kukuju se köju i kak ni kulo, lepeŋat a ko rwöddu i twan, a bia parik yi mo rwöddi ada koyi a löpu-köddu kano i yinga na nye lo kukuju yi ki yu lu.

²⁶ Gworo lonyit a böbön kak i ninu diŋit, ama soŋinana lepeŋ aje milyeju adi, Nan mo böbön dan geleŋ köti ti gwon a kak ka ’de ama ko ki köti.

²⁷ ŋilo kalet lo jambu adi, Daŋ geleŋ köti lo, kwekiŋdya adi, ŋo na gwegweya kune mo böbönö a wusani wusa, a ŋo nagon ti bulö böbönö na mo na pitökine.

²⁸ Nyenagon ti yi tiŋdi ta tinate kogon yi aje wuju tumatyan nagon ti bulö böbönö na. Ti yi kwakwaddi ta Ŋun i kiko logon tulyöŋgu lepeŋ i kugga ko i kujönö,

²⁹ kogwon Ŋun likaŋ ’diri a kimaŋ na tototumbö.