Ebere 1 - Bibilia Buk na Ŋun nagon koti luŋu a

Ŋun a jambu koyi ko Ŋuro lonyit i mugun

¹ I diŋitan ti ’beron Ŋun koju a jambu ko merenyejin kaŋ ko nebijin i kutusen i kikolin jore ka ’de ka ’de, i Tamuŋdya na kulya kaŋo a swot a swot.

² Ama i kulo perok ti ’dutet nye aje Tambu koyi ko Ŋuro lonyit i mugun. Ŋun a gweja kak kogwon tomirian na ŋilo Ŋuro, a tiŋdi lepeŋ kak ’bukuluŋ a lomore nanyit.

³ Lepeŋ pararaju ko minyo lo Ŋun, ko a ŋo ji ŋoti gwak na Ŋun a kelajine ko lepeŋ. Ŋilo Ŋuro ’debba kak ’bukuluŋ ko kulyaet lonyit lo riŋit. A nagon nye aje lalaju toronjin ti ŋutu nu, a nye si ’dakine kak i konin lutaten lo Mor lo gwon ki lu.

Ŋuro lo Ŋun a kona a duma Iwolwoŋ malaikajin

⁴ A nye iŋge gwiki karin temejik Iwolwöŋ ti malaikajin, a konani a duma Iwolwoŋ se.

⁵ Kogwon Ŋun a ko kulya ko lele lo malaikajin adi, Do a Ŋuro lio; nan lo yupuŋdyo do i lo lor. Koti lepeŋa ko kulya i kulya ti lele malaikatat adi, Nan mo gwon a Monye lonyit, a nye mo gwe a Ŋuro lio.

⁶ Koti a na joŋdi Ŋun Ŋuro lonyit kayu lo i na kak nu, a nye kulyani adi, Ti malaikajin liŋ kwe ti Ŋun twoji lepeŋ.

⁷ A Ŋun jambi i kulya ti malaikajin adi, Nye a koŋdya malaikajin kanyit a köbuŋoton, a koŋdi kakitak kanyit gwoso poŋu na ŋedepa ti kimaŋ.

⁸ Ama na jambi Ŋun i kulya ti Ŋuro lonyit nu, a nye kulyani adi, Pon Ŋun, si ’daet inot na tumatyan yeyeŋon ŋupi. Ture ilot lo tumatyan a ture lo loti lo rigwo.

⁹ Do nyanyar loti lo rigwo a maŋdi kulya narok, nina a kwe nagon Ŋun logon a Ŋun ilot aje tiŋdu do i ŋerot na ber kulok, a iŋge welakin do a mor kel welet na lyoŋon.

¹⁰ A Ŋun köti kulyani adi, Pon Matat, i suluet do a togwo ’ya togwi ’diesi ti kak, a do gweji ki ko könisi kulok.

¹¹ Kine ŋo mo ’ba ’baka ama do yeyeŋon;se liŋ mo wowora a ŋoroko gwoso boŋgwat.

¹² A do mo ŋudu ’ye se gwoso boŋgo muit;a se mo leusani leusa gwoso boŋgwat, ama do yeŋon jojo, a kiŋajin kulok mo tine ’duddyo kwoŋ.

¹³ Ama Ŋun a ko kulya ko lele lo malaikajin kanyit adi, Si ’dakine koyo i konin lutaten, tojo ko nan a tin merok kulok a tokit inot na mokosi.

¹⁴ Nyena malaikajin a ko pa? Lepeŋat liŋ a mulökö lo kitakiŋdya Ŋun, logon nye a son i parakiŋdya na ŋutu logon wuju lwökt kulo.