Daniele 8 - Bibilia Buk na Ŋun nagon koti luŋu a

Daniele a kweki kulya ti lopijot köbilityo ko ti lopijot meetyo

¹ A i kiŋa tomusala lo gwoŋdi Belesasar a mor lu, nan Daniele a meddya nene po a pukökin köyö, i mukök na kinu kulya na pukökin köyö a kokwe kunu.

² I ŋo na met nan kune meta gwoso nan gwon Susa na gwon i mariŋ nago lukata, na gwon i mödöria na Elam; a nan ko titimbe, a nan gwe nyona ko kare Ulai.

³ A nan ko ’bi ’yi konyen kwe ki, a nan meddi lopijot köbilityo gwogwo ’dan nyona ko kijit na kare. Lepeŋ gwon ko oŋgwora murek; a kilo oŋgwora liŋ murek gwe a lojo, ama a lele gwe a lojo parik lwölwöŋ lele lo, ama lojo parik lo ko ŋunu i mukök.

⁴ a nan meddi ŋilo köbilityo burakiŋdya i swöt lo tokotyaŋ, ko swöt lo lobot, se ko swöt lo loki; a lele kijakutat gwe ’bayin logon jujukin gwo ’dan ko lepeŋ i komor, a lele gwe ’bayin logon bubulö lwökuŋdyö mugun kaŋo kanyit i riŋit; a lepeŋ koŋdi gwoso nye ’de ’dekan a toduma ’yi mugun.

⁵ A nagon nan nyuŋ titimba nu, mete, a lopijot meetyo lo poŋdi i swöt lo tokotyaŋ a laŋaddi kak ’bukuluŋ, ama a gwe a ko ’bo ’yu kujöŋ; ŋilo meetyo gwon ko uŋguri lobot i kwake na konyen kanyit.

⁶ A lepeŋ poŋdi ko lore lopijot köbilityo, logon ko oŋgwora murek, logon nan a met gwogwo ’dan nyona ko kijit na kare lu, a buraddi ko lepeŋ yu ko woran a duma.

⁷ A nan meddi lepeŋ i ’durökin ko lore köbilityo yu, a iŋge woran ko lepeŋ a tömönik, a jokaddi lore köbilityo kak a ’be ’beleŋgi oŋgwora kanyit murek kulo; a lore kobilityo gwe ’bak riŋit gwo ’diet ko lepeŋ i komor, ama a ŋilu meetyo iŋge gubakin lepeŋ kak, a ryoryöggi lepeŋ; a lele gwe ’bayin logon bubulo lwo-kuŋdyö ŋilu kobilityo kanyit i riŋit.

⁸ A ŋilo meetyo iŋge toduma ’yu mugun parik; a nagon nye gwe a iŋgo nu, a uŋguri duma lonyit lo iŋge ’beleŋo, a oŋgwora iŋwan lobot kulo lo ruddye pirit nanyit. Kilo pogwora diraddu i swöton iŋwan lo wukuŋdye kobuŋoton ti kak.

⁹ A lele uŋguri lo ’dit lo punun i lele lo kilu oŋgwora, a ’duroddi a duma parik tojo ko swot lo loki, ko swöt lo ’yure, se ko i swöt lo jur lokwekwelen.

¹⁰ Lepeŋ a ’duroddu a duma ma ’di tojo ko kurumi na ki, a lepeŋ iŋge gum kak kulye ti kurumi na kaser, a ryoryöggi se ko mokosi kanyit.

¹¹ A lepeŋ iŋge toduma ’yu mugun ma ’di tojo ko Mor lo kurumi, a nye iŋge ’dumara kaŋo rubaŋgajin lo ’yu ’yura ’buluŋ ti diŋitan liŋ, a lepeŋ koŋi pirit nake na rurwan na ŋilu Mor se ko kurumi nanyit.

¹² a nye iŋge tulyaŋ rubaŋgajin lo ’yu ’yura ’buluŋ ti diŋitan liŋ kogwon toron, a lepeŋ iŋge gubakin keri lo to ’diri kak. A ŋilu uŋguri mori moru parik a te ’yi te ’ya.

¹³ Nyena a nan yiŋge lele loke jajambu, a lele loke lo pipije ŋilu lo jambu a kokwe lu adi, Kine ŋo nagon a meta a kwe na kulya ti rubaŋgajin lo ’yu ’yura ’buluŋ ti diŋitan lio se ko ŋina toron korit, ko tiki na pirit nake na rurwan se ko kurumi anyen ryoryoka ko mokosi, kine ŋo ŋona jojoŋga diŋit ŋornan?

¹⁴ A nye ruŋge lepeŋ adi, Kine ŋo mo jojoŋga diŋitan ti koriri ko ti ko ’bure aliŋan murek ko miajin musala, a molu kirut pirit nake na rurwan tokelani tokela.

¹⁵ A gwe sona nagon nan Daniele aje meddya ŋina ŋo nu, a nan ga ’yi kuruŋdyo lepeŋ; mete, lele gwogwo ’dan nyu köyo i komor logon komor nanyit gwoso na ŋuto.

¹⁶ A nan yiŋge gworo lo ŋuto luluŋgu i kiden na kijiton ti kare Ulai adi, Gabariele, nyönyököki ŋilo ŋuto tokoret na ŋo nagon nye a met kanyit i yeyeesi ŋina.

¹⁷ Nyena a lepeŋ poŋdi i ŋinu pirit na gwo ’di ’e nan nu; a nagon nye aje ’durökin nu, a nan iŋge kujono a ’dorone kak rupu. Ama a lepeŋ kulyani ko nan adi, Dene den pon ŋuro lo ŋuto. adi kine kulya kweja diŋit na ’dutet.

¹⁸ A nagon nye nyuŋ jajambu ko nan nu, a nan iŋge doto parik rupu; ama a lepeŋ ’bo ’yi nan a togwo ’yi nan.

¹⁹ A lepeŋ kulyani adi, Mete, nan de totoku-rukin do ŋo nagon mo pupukun tojo ko ŋina woran aje ’baka; kogwon kine kulya a ti diŋit na wulwe i ’dutet.

²⁰ ŋilu kobilityo logon do a met ko pogwora murek lu, kilu pogwora a moran ti Madai se ko Parasa.

²¹ A ŋilu meetyo logon ko kupir jore lu gwe a mor lo Giriki; a uŋguri duma lo gwon i kwake na konyen kanyit lu gwe a mor lo kokwe.

²² Ŋilu uŋguri lo ’beleŋo a kulye iŋwan lo ŋunu kanyit i pirit kulu, kweja adi tumatyanjin iŋwan mo pupukun kanyit i jur, ama ’bayin ko riŋit nanyit.

²³ A i ’dutet na saŋu nase nagon toronjin kase aje temaki nu, mor mo pupukun logon a kabulanit lo kwe ko a luwat.

²⁴ A riŋit nanyit mo gwe a duma, ama nagon ’bayin a nanyit, a lepeŋ mo tukaŋi tukaŋu parik, a mo te ’yi te ’ya i ŋo nagon nye kökon kune; a mo kbti tukaŋi ŋuto walan se ko ŋuto loke.

²⁵ A mumulukesi kanyit mo te ’yi te ’ya, a lepeŋ mo toduma ’yi mugun kanyit i yeyeesi kogwon koŋon nanyit. A nye mo tatuje ŋuto jore ’bak lore; a ma ’di lepeŋ mo pipikin i moro ko Mor lo moran, a lepeŋ mo ’beleŋoni ’beleŋo ama ’bayin ko könin lo ŋuto.

²⁶ Nyena ŋo na meta a ti diŋitan ti koriri ko ti ko ’bure nagon a tuko kune a gwak; ama do ködyö kikin kine ŋo ko nya ’doddi se, kogwon se a ti perok jore lo popo ŋerot.

²⁷ Nan Daniele, toili lio a Iwo ’yu a nan iŋge ŋilo ko kulye perok; a kirut nan ŋine ŋien a iti i kita na mor. A nan iŋge soŋu ko ŋo nagon nan a met na, ama a nan gwe a ko kurun lepeŋ kwoŋ.