Daniele 4 - Bibilia Buk na Ŋun nagon koti luŋu a

¹ Nan mor Nebukadanesar a roman ko ta ŋutu ti gweyajin liŋ, ko ta jurön, ko ta ŋutu lo jambu kutusen ka ’de ka ’de lo gwolor i kak ni ’bukuluŋ kulo adi, Ti taliŋ ŋdine ŋdi kasu!

² Meta a na ’but köyö i kweja na kune kweyesi ko sörösi nagon Ŋun Katoŋanit lo ki liŋ a konakin nan kune.

³ Kweyesi kanyit a temejik, sörösi kanyit a ti riŋitön! Tumatyan nanyit a tumatyan na ti ’duddyö, a tomoran nanyit yepe i nyakwariat liŋ.

⁴ Nan Nebukadanesar gwon i yukan köyö kadi ko si ’da na ’but köyö i mede na mor.

⁵ Nan kata ko rudweet nagon a tokujöŋdu nan parik; na gwoŋdi nan köyö i dotoet nu, a töili lio iŋge lwö ’yu i yeyeju na po na met nan köyö i kwe kune.

⁶ Nyenagon a nan tiŋdi saret anyen luŋuri ŋutu lokoŋ liŋ ti Babela köyö i komor anyen lepeŋat ködyö nyönyökökiŋdyö nan tokoret na ŋina rudweet.

⁷ A kirut ’bunuk, ko ŋutu lo jwöjwöŋgu ko winikö, ko ŋutu lokoŋ ti Kaledea, ko katökorok ti kulya poŋdi köyö ni; a nan takiŋdye se ŋina rudweet; ama a lepeŋat tine den nyönyökökiŋdyö nan tokoret nanyit.

⁸ A i mukok na kilo ŋutu a Daniele kirut lo poŋdi köyö i komor, —logon a gwiyö ko karin ti ŋun lio a Beletesasar, lepeŋ ko mulökötyo lo ŋun loke kanyit i mugun, —a kirut nan takiŋdye lepeŋ ŋina rudweet adi,

⁹ Pon Beletesasar duma lo ’bunuk, nan a den adi mulö-kotyo lo Ŋun loke kata konut i mugun, kogwon nene Iwon ’bayin nagon a nago konut. Maŋina rudweet nagon nan a met na; taki nan tokoret nanyit.

¹⁰ Makune ŋo na met nan köyö i kwe kune i diŋit na gwoŋdi nan koyo i dotoet nu; mete, nan a meddya ködini i kiden na kak, a gwe a lojo parik.

¹¹ ŋilo ködini a ’duŋö, a iŋge wora a iŋgo, ko kwe nanyit ’bo ’yu ’diko, a metani meta i ’dutesi ti kak ’bukuluŋ.

¹² Koropo kanyit kwekwelen, ko lu-dweki kanyit jore, a po liŋ ryeji kinyo i lukata nanyit. Kijakwa ti mu ’diŋ saka i tölimöt nanyit, a kwen ti ki sakani i kenia kanyit, a po liŋ lo gwon jörun kulo nyesi kata.

¹³ Nan koti a meddya kweyesi köyö i kwe i diŋit na gwoŋdi nan köyö i dotoet nu. Mete, kamemetanit loke a po kak ni i ’diko yu.

¹⁴ A lepeŋ maraŋgi adi, Tukuki ŋilo ködini kak, totoke totok kenia kanyit, ko rote koropo kanyit kaŋo, ko rate ludweki kanyit mu ’diŋ. Ti kijakwa reki rekin i mukok nanyit se ko kwen i kenia kanyit.

¹⁵ Ama nagon koloki kumut ko kokori kanyit i kujoŋ i doru lomunyan lo mu ’diŋ, ko ti lepeŋ dokoni ko witi ko mölwö. Ti mugun nanyit gwe a puŋutut, ko ti lepeŋ nyesi doru se ko kijakwa i pirit na geleŋ.

¹⁶ Ti yeyeesi kanyit ti ŋuto lopukoni lopuko, ko ti yeyeesi ti kijakutat tikine lepeŋ; ko ti diŋitan buryo Iwoŋgi lwoŋgu.

¹⁷ ŋina ’duŋet a saraki ko kamemetak, a iŋge lilia ko kilu loke kulu, anyen ŋo lo gwon jorun kulo boŋo deden adi Katoŋanit lo ki liŋ logon a kasaranit lo tumatyan na ŋuto, a tiŋdi tumatyan i ŋuto logon nye ’de ’dekan, a tiŋdi ŋuto kana a temejik ti tumatyan.

¹⁸ Na a rudweet nagon nan mor Nebukadanesar a met. Nyena do pon Beletesasar, tuke tokoret nanyit, kogwon ŋuto lokoŋ liŋ ti tumatyan nio ti bulo kwekiŋdya nan tokoret nanyit, ama do logon bubulo, kogwon mulo-kotyo lo ŋun loke kata konut i mugun.

¹⁹ Nyena a Daniele logon a gwiyo a Beletesasar lo iŋge wanya diŋit a na ’dit, a yeyeesi kanyit iŋge tokujoŋdu lepeŋ. A mor kulyani ko lepeŋ adi, Beletesasar, ti rudweet ko tokoret nanyit gwe ti tokujoŋdu do. A Beletesasar ruŋge adi, Pon duma lio, ti ŋina rudweet ködyö gwe a na kamanak kulok, ko ti tokoret nanyit gwe a na merok kulok!

²⁰ ŋilo ködini lo met do a ’duŋo a iŋgo, ko kwe nanyit ’bo ’yu ’diko, ko memeta i ’dutesi ti kak ’bukuluŋ;

²¹ ŋilo ködini koropo kanyit kwekwelen ko ludweki kanyit jore, ko ŋo lio ryeju kinyo i lukata nanyit; logon kijakwa ti mu ’dio saka i tolimot nanyit se ko kwen ti ki saka i kenia kanyit lu,

²² ŋilo ködini a do pon mor, do lo ’duŋo a gwe a iŋgo. Todumalan inot aje ’duŋo ko a ’bo ’yu ’diko, a tumatyan inot iŋge yeŋga tojo ko ’dutesi ti kak.

²³ a gwoso na meddi do mor kamemetanit loke lo poŋdya kak ni i ’diko yu, a kulyani adi, Tukuki ŋilo ködini kak ko kokorone lepeŋ asut, ama nagon koloki kumut ko kokori kanyit i kujoŋ i doru lomunyan lo mu ’dio; ti lepeŋ dokoni ko witi ko molwo; ti mugun nanyit gwe a puŋutut; ko ti lepeŋ gwe ko kijakwa ti mu ’dio i pirit na geleŋ tojo ko diŋitan buryo a Iwoŋgu.

²⁴ Tokoret nanyit mana pon mor; ŋilo a saret lo Katoŋanit lo ki lio logon a pokin ko mor duma lio loki,

²⁵ adi do mo ririköji kaŋo i kiden na ŋuto, a do mo si ’dani ko kijakwa ti mu ’diŋ i ŋirit na geleŋ; a do mo nyesi doru gwoso duot, a mugun inot mo gwe a puŋutut, a diŋitan buryo mo Iwoŋgi Iwoŋgu, tojo do molu a den adi Katoŋanit lo ki lio logon a kasaranit lo tumatyan na ŋuto, a tiŋdi tumatyan i ŋuto logon nye ’de ’dekan.

²⁶ A gwoso na saraki ’e adi ti kumut ko kokori ti ŋilo ködini kölökine koloki, kweja adi tumatyan mo gwon a inot gwak suluja i diŋit nagon do aje den adi Ki tutu-matyan nu.

²⁷ Nyenagon pon mor, ti do boŋo yiŋe yio jujuwesi kwe; böŋö kblbki toronjin kunok, a do koŋdi kulya na rigwo, paji konesi narok, a do won konyen ko ŋuto lo ruda, kode anyen do ŋona si ’da ko taliŋ diŋit a najo.

²⁸ Kine ŋo liŋ a pokin ko mor Nebukadanesar.

²⁹ A i mukok na yapala puök wot murek, a lepeŋ woroni i lo ’dek lu ’dayat loki lo kadi na mor na gwon Babela yu,

³⁰ a mor kulyani adi, Na ŋona ’bayin a Babela duma le nagon nan a ’duk ko riŋit nio duma anyen gwon a pirit si ’daet nio na mor ko a minyo lo tomoran nio?

³¹ A nagon kulya a ko nyuŋ ’baka ko mor i kutuk nu, a gworo lo kuu i ’diko adi, Do mor Nebukadanesar, a tuköki do adi: Tumatyan aje wusaji kaŋo konut,

³² a do mo riköjine kaŋo i kiden na ŋutu, a do mo si ’dani ko kijakwa ti mu ’diŋ i pirit na geleŋ; a do mo ri ’dikine i nyesu na doru gwoso duot; a diŋitan buryo mo Iwoŋgi Iwoŋgu tojo ko do molu a den adi Katoŋanit lo ki lio logon a kasaranit lo tumatyan na ŋuto, a tiŋdi tumatyan i ŋuto logon nye ’de ’dekan.

³³ I ŋinu saa gwak a kulyaet aje tojuki Nebukadanesar, a lepeŋ riköjine kaŋo i kiden na ŋuto, a nyesi doru gwoso duot, a mugun nanyit gwe a puŋutut tojo kupir kanyit a ’duŋo a lojo gwoso kupir ti yuku, a mijin kanyit gwe a lokolodok gwoso mijin ti kwen.

³⁴ A ko diŋit aje temakiŋdya, a nan Nebukadanesar ’bi ’ye konyen kwe ki, a yeyeesi kwe iŋge yitwe a na ’but, a nan bu ’ye Katoŋanit lo ki lio, a pupurje a twoji lepeŋ lo yeyeŋon ŋupi ŋupi lo adi, Tomoran nanyit a tomoran na gwogwolor ŋupi. tumatyan nanyit yeŋon i nyakwa-riat liŋ;

³⁵ a ŋutu liŋ ti kak kenani a ŋo kana; a lepeŋ koŋdi gwoso nagon toili lonyit a ’deggi i kurumi na ki se ko i kiden na ŋutu ti kak; lele ŋuto ’bayin logon bubulo teŋgu könin lonyit kode pija lepeŋ adi, Do koŋdya nyo?

³⁶ Nyena i nu diŋit a yeyeesi kwe iŋge yitwe a na ’but; a temejikan ko kwelen nio nyokokine nan kogwon minyo lo tumatyan nio. A kajujuwak kwe ko kimak kwe ga ’yi nan, a nan nyokokine köyö i tumatyan, a todumalan ’yalakine nan köti.

³⁷ Nyena nan Nebukadanesar a puŋa ko a yuöggu ko a bu ’ya Mor lo ki, kogwon konesi kanyit liŋ gwon rigwo, kikolin kanyit a gwak; a lepeŋ gwe ko riŋit i tokoyogga na ka ’du ’du-ŋak.