Daniele 2 - Bibilia Buk na Ŋun nagon koti luŋu a

Daniele nyonyoggu rudweesi ti Nebukadanesar

¹ A i kiŋa tomurek lo gwoŋdi Nebukadanesar a mor lu, a Nebukadanesar iŋge rudwe rudweesi; a toili lonyit iŋge yo yoŋo, a doto gwe ’bayin kanyit i konyeŋ.

² A kirut mor tiŋdi saret adi ti nye lupukine ’bunuk, ko ŋutu lo jwojwoŋgu ko winiko, ko kawanak, se ko ŋutu lokoŋ ti Kaledea anyen ko nyonyokokiŋdyo lepeŋ rudweesi kanyit. Nyena a lepeŋat poŋdi po a gwo ’de gwo ’dan ko mor i komor.

³ A mor takiŋdye lepeŋat adi, Nan a rudwe, a toili lio iŋge yöyöŋö i ga ’yu na tokoret na ŋina rudweet nio.

⁴ A kirut ŋuto ti Kaledea nyobbi lepeŋ adi, Ti do si ’dani ŋupi pon mor! Takiŋdye koliŋonok kulok rudweet inot a yi de nyonyo ko kiŋdye do tokoret nanyit.

⁵ a mor iŋge ruggo ŋuto ti Kaledea adi, Kulyaet lio lo a gwak ko ti bulo löpukö. Ko ta a ko nyönyökökin nan ŋina rudweet nio ko tokoret nanyit a ta mo tutupöni tutupö, a kadijik kasu mo kölökine a murwöki.

⁶ Ama ko ta a nyönyökökin nan na rudweet ko tokoret nanyit, a nan mo tiŋdi ta ’dokesi ko ropesi se ko bulet a duma parik. Nyenagon nyönyökokiŋdye ta nan na rudweet ko tokoret nanyit.

⁷ A lepeŋat ruŋge daŋ tomurek adi, Ti do mor takiŋdye yi köliŋönok kulok rudweet inot, a yi de nyönyökökiŋdye do tokoret nanyit.

⁸ A mor waddi adi, Nan deden ’bura adi ta ’dek kaka ’yu diŋit, kogwon ta a met adi kulyaet lio a gwak ti bulo löpukö,

⁹ ko ta a ko nyönyökökin nan ŋina rudweet, nyena saret geleŋ kata a losu. Ta a yeyeju a kokwe i jambu na kulya ’burönö ko nakwölöŋök köyö i komor tojo ko diŋit a ’baka. Nyena nyönyökökiŋdye ta nan na rudweet nio a nan de dene den adi ta bubulö tokuru-kiŋdyö nan tokoret nanyit.

¹⁰ A ŋuto ti Kaledea kulo ruŋge mor adi, Lele ŋuto ’bayin i kak ni logon bubulö titimba kulya ti mor, kogwon mor duma ko riŋit ’beron a ko pija ŋo gwoso ŋina kwöŋ ko lele ’bunit kode ŋuto lo jwöjwöŋgu ko winikö, kode ko ŋuto lo Kaledea.

¹¹ ŋo nagon mor a pi ŋina a nago parik, ama ŋuto ’bayin logon bubulö titimakiŋdya nye ko mor, ake ŋunyen logon ti gwolor ko ŋuto kiden.

¹² Nyena kogwon kune ŋo a mor wore woran a tömönik, a yökije adi ti ŋuto lokoŋ lio ti Babela tukarani tukara.

¹³ A saret lo torekine kaŋo anyen ŋuto lokoŋ tatatua, a Daniele se ko luŋasirik kanyit lo galani anyen tatatua köti.

¹⁴ A Ariok duma lo katiyuk ti mor iŋge tu kaŋo i tatuja na ŋuto lokoŋ ti Babela, a Daniele jambi ko lepeŋ ko koŋon ko tirikwet,

¹⁵ a pipije ŋilo duma lo katiyuk ti mor adi, Ko nyo nagon mor rurumakiŋdya ŋilo saret ’de ’de sona? A Ariok jamakiŋdye Daniele kine kulya.

¹⁶ A Daniele lupöni lukata i mo ’yu na mor anyen wulökiŋdyö nye diŋit nagon nye ködyö tokurukiŋdye mor tokoret na rudweet nanyit.

¹⁷ A Daniele iti kanyit kadi a jamakiŋdye luoasirik kanyit logon a ko Kanania, ko Misaele, se ko Ajaria kine kulya.

¹⁸ A nye takiŋdye lepeŋat anyen mo ’yu ŋun lo ki i won konyen ko se kogwon na ŋo nagon a lwön na, anyen nye Daniele ko luŋasirik kanyit gwon ti tatua i pirit na geleŋ ko kulye ŋutu lokoŋ ti Babela.

¹⁹ A ŋina lwön iŋge kweki Daniele i kweyet na tukwaje. Nyena a kirut Daniele pupurje ŋun lo ki.

²⁰ A lepeŋ kulyani adi, Ti karin ti ŋun purani ŋura ŋupi ŋupi, kogwon koŋon ko riŋit gwon a kanyit.

²¹ Lepeŋ lölöpuggö diŋilan ka ’de ka ’de; lepeŋ wuwuddya moran a tiŋdi kulye; lepeŋ titiŋdu koŋon i ŋutu lokoŋ a tiŋdi deŋdya i ŋutu lo kukuruŋdyö kulya;

²² lepeŋ kwekiŋdya lwönö nagu-lulök; lepeŋ deden ŋo na gwon i mudwe a parara gwe ko lepeŋ.

²³ Pon ŋun lo merenyejin kwe, nan a tiŋdu do tinate ko a puŋa do, kogwon do aje tiŋdu nan koŋon ko riŋit. Do soŋinana aje kwekiŋdya nan na ŋo nagon yi a piyun konut na, kogwon do aje tiŋdu yi i deŋdya na kulya ti mor.

²⁴ Nyena a kirut Daniele lupöni ko Ariok yu. (ŋilo Ariok mor a wulun anyen tu tatuja ŋutu lokoŋ ti Babela.) A Daniele iti tu a kulyani ko nye adi, An do ko tatu ŋutu lokoŋ ti Babela kulo; nyömörö nan ko mor i komor, a nan de nyönyökökiŋdye lepeŋ tokoret na rudweet nanyit.

²⁵ A kirut Ariok nyömöddi Daniele ’de ’de ko mor i komor, a takiŋdye lepeŋ adi, Nan aje ryö ŋuto i kiden na ŋutu lo momokwe Yuda yu logon bubulö nyönyökökiŋdyö do mor tokoret na rudweet inot.

²⁶ A mor pipije Daniele logon karin kanyit a Beletesasar lo adi, Do ŋona bubulö tokurukiŋdyö nan rudweet nagon nan a met na ko tokoret nanyit?

²⁷ a Daniele nyobbi mor adi, Kulye ŋuto lokoŋ ’bayin, kode ŋutu lo jwojwoŋgu ko winiko, kode ’bunuk, kode katökorok ti kulya logon bubulo tokurukiŋdyo do mor Iwon nagon do a pi ŋina,

²⁸ ama ŋun kata ki yu logon a kakweyanit lo Iwono, a nye aje kwe-kiŋdya do pon mor Nebukadanesar ŋo nagon mo kokona i perok lo popo, Rudweet inot se ko ŋo nagon do a met konut i kwe na gwoŋdi do konut i dotoet nu sekune.

²⁹ pon mor, gwoso na gwoŋdi do konut i dotoet nu, do a yeyeju kulya nagon mo popo, a kakweyanit lo Iwono iŋge kwekin do ŋo nagon mo kokona.

³⁰ Ŋina Iwon a kweki nan, ’bayin adi kogwon nan a lokoŋ Iwolwon kulye liŋ lo gwon jorun, ama kegga anyen do mor ködyö tokuruki tokoret na rudweet inot, koti anyen do bono kukurun yeyeesi kunok ti toili.

³¹ Do pon mor a meddya nyomue duma parik. Ŋina nyomue ko riŋit ko a namilyan Iwolwoŋgu. Lepeŋ gwo ’dan konut i komor a metani totokujoŋdu.

³² ŋina nyomue kwe nanyit a dakap naliliŋ, a kido nanyit ko kidyo kanyit gwe a podo, a pele nanyit ko mukok gwe a molwo,

³³ a puŋdyat kanyit gwe a witi, a mokosi kanyit gwe a witi nagon a ŋo ’ya ko liŋo nagon a nama.

³⁴ A nagon do nyuŋ didiŋa nu, a ŋurupit gwalakuŋdye kaŋo ka ’de ’bayin ko könin lo ŋuto, a gumbe ŋina nyomue i mokosi kanyit logon a witi logon a ŋo ’ya ko liŋo kulo, a gwagwalaggi lepeŋat i tupesi;

³⁵ a kirut witi, ko liŋo, ko mölwö, ko podo se ko dakap liŋ ’bukuluŋ gwagwalakani gwagwalaka i tupesi a poŋdi gwoso pudi ti piriton gwutesi ti ’bolot i diŋit na ja ’be; a kobuŋot wukoddi lepeŋat mu ’diŋ, nyena a ma ’di pirit nase tine rye asut. Ama a ŋurupit lo gumba ŋinu nyomue lo kolumbo worani a mere duma parik a jorene i kak ’bukuluŋ.

³⁶ ŋina a rudweet; nyena a yi de kirut nyonyo ko kiŋdye do mor tokoret nanyit.

³⁷ Do pon mor, a mor lo moran, ŋun lo ki aje tiŋdu do tumatyan, ko riŋit, ko telet, ko minyo.

³⁸ Nye a tiŋdu konut i konisi ŋutu, ko kijakwa ti mu ’diŋ ko kwen ti ki, ko se si ’da ya, a tiŋdi do a kasaranit lose liŋ. Nyena do logon a kwe nagon a dakap.

³⁹ Nene tumatyan mo pupukun konut i mukok ama ’bayin a duma gwoso inot, koti nene tomusala nyuŋ kata nagon a mölwö a mo saŋi kak ’bukuluŋ.

⁴⁰ A tumatyan toiŋwan mo gwe a nago gwoso witi, kogwon witi gwagwalak ŋo liŋ i tupesi a meraji se. Nyena a ŋina tumatyan mo gwagwalaggi kunie tuma-tyanjin liŋ i tupesi a mumuyugge se gwoso witi mumuyuket.

⁴¹ Nyena gwoso na meddi do mokosi ko morin kanyit gwe a liŋo nagon gweyari mu ’da nagon a ŋo ’ya ko witi, ŋina tumatyan mo gwe a na gweyajin ti ŋutu ka ’de ka ’de, ama nene riŋit gwoso witi mo gwe kata gwoso na meddi do witi a ŋo ’ya ko liŋo na.

⁴² Nyena gwoso nagon morin ti mokosi a witi nagon a ŋo ’ya ko liŋo kweja adi tumatyan mo gwon lele swot ko riŋit ko lele a lomunyan.

⁴³ Koti gwoso nagon do a meddi witi a ŋo ’ya ko liŋo nu, sona se mo ŋoŋo ’ya ’borik i toyem, ama lepeŋat ti bulo ’debba ’börik i pirit na geleŋ, gwoso nagon witi ko liŋo ti bulo mora a ŋo geleŋ na.

⁴⁴ A i perok ti kilu moran a ŋun lo ki mo togwi ’dikiŋdye tumatyan nagon ti bulö tukara asut, a riŋit saret na ŋina tumatyan mo tine bulö tiki lele gweyari lo ŋuto. A lepeŋ mo gwagwalaggi kine tumatyanjin liŋ i tupesi a tukaŋi se adi sit, a nye mo na yeŋe ŋupi;

⁴⁵ gwoso na meddi do ŋurupit a gwalakuŋdya ka ’de i mere ’bayin ko könin lo ŋuto nu, a gwagwalaggi witi, ko molwo, ko liŋo, ko podo se ko dakap i tupesi, ŋun duma aje kwekiŋdya do mor ŋo nagon molu kokona i mukok, ŋina rudweet a ’diri, a tokoret nanyit gwe a gwak.

⁴⁶ A kirut mor Nebukadanesar ’dorone kakrupu a bu ’ye Daniele, a yokije adi ti ’doket ko bökur wukine lepeŋ.

⁴⁷ A mor kulyani ko Daniele adi, ’Diri gwak ŋun ilot a Ŋun lo ŋunyen ko a duma lo moran, ko a kakweyanit lo Iwono, kogwon do a den kweja na Iwono.

⁴⁸ A kirut mor toduma ’yi Daniele a tiŋdi lepeŋ ’dokesi temejik jore, a tiŋdi nye a kasaranit lo modoria na Babela ’bukuluŋ, ko a duma lo ŋuto lokoŋ lio ti Babela.

⁴⁹ a Daniele pipije mor anyen lepeŋ wuluŋdyo Sadaraka, ko Mesaka se ko Abede-nego a kame-metak ti kulya ti modoria na Babela, a nye iŋge koŋdya sona; ama a Daniele mordi ko mor i komor.