Abakuk 3 - Bibilia Buk na Ŋun nagon koti luŋu a

Abakuk a kwakwaddu

¹ Kwaset lo nebi Abakuk adi,

² Pon MATAT, nan a yiŋ lore ilot, pon MATAT, kita inot a tiŋdu nan i kujono. Nyoggi kita inot i kiden na kiŋajin, tiki nye i dena i kiden na kiŋajin; ko do a woran, yeyeji won konyen ko ŋutu.

³ ŋun po Teman yu, ŋilu Loke po i mere Parana yu, minyo lonyit a muk ’dikolo a kak iŋge jore ko pupura nanyit.

⁴ A tomilyaŋ nanyit kobbi gwoso parara, a parara puruŋdye kanyit i konisi, a riŋit nanyit iŋge muko i lukata nanyit.

⁵ A twana iŋgo iti kanyit ŋerot, iŋkoi, twana lorok parik kipuŋdyo lepeŋ.

⁶ Lepeŋ gwogwo ’dan a tembi kak; a meddi meddya, a boboŋdi juron; a merya lo si ’da ŋupi kikilije kikilija, a lurwat lo yeŋon ŋupi ’diroro kak. A wörö nanyit gwe gwoso na köju nu.

⁷ Nan a meddya ŋutu logon si ’da i kemialan Kusana yu i sasanya, a boŋgwat na leleyo i kemialan ti jur lo Midiyan kune boböŋdi böboŋdu.

⁸ Pon MATAT, do woran ko karya le? Do tukaŋan ko tör? Na woggiri do ko arabiajin kulok lo jikö ko kusanjin do wöro a katelanit.

⁹ Do a ’dutuŋdyö daŋ inot kaŋo i ’delet nanyit nu, a sukiŋdye lowe i ŋutut. Do a kikilija kak ko karya.

¹⁰ Merya meddya do a kujönöni kujönö, a piŋo ’doke ko riŋit, a togulu na tör duma na ’balaŋ rumöne parik a yalajin kanyit ya ’yi ki.

¹¹ Kolor ko yapa gwo ’dan taliŋ i piritön kase lukata, na meme ’dekti loya kulök i poŋu nase, na mimilyaŋgi gor inot na kokobbu adi pök na.

¹² Do a tiri i kiden na kak ko tuka-ŋan, a do iŋge ryokakin jurön kak ko woran inot.

¹³ Do aje tu i lwöggu na ŋutu kulok, i lwöggu na ŋutu lo welaki kölipö-nök kulök; a do iŋge ŋan kwe na kadi na ŋuto loron a iŋge lalaara gorom kak tojo i pi-pilesi logon a ŋurupö.

¹⁴ Do a poŋu duma lo kamörök kanyit ko loya kulök, kilo ŋutu a po gwoso libibiu i toreja na yi, lyölyöŋi gwoso nagon se ’dek nyesu lomerika i piriton nagon ti meta.

¹⁵ Do se ko kusanjin kulök a ryo-gga tör duma na ’balaŋ nagon ya ’yu ki parik ko riŋit.

¹⁶ A na yiŋge nan kine ŋo liŋ nu, a mugun nio boŋdi böŋdu, a lo ’biyulan kwe böböŋdi böboŋdu i yiŋga na woŋon nanyit; a kuyu kwe gwe a lokolokak, a mokosi kwe ka ’yi ka ’yu. A nan mo mordi taliŋ lor delyaet logon mo pokin i ŋutu logon po i moro koyi.

¹⁷ Ma ’di ködini lo ki ’bi mo ti turo koturön, a kaden ti binyo mo tine radan, ma ’di ludweki ti jeitun mo ’bayin, a meleseno mo tine toran kinyo, ma ’di köbilu a ’duddyo i gorwat. a kisuk gwe ’bayin i köjino,

¹⁸ ma ’di kine kulya gwon sona, kolumbo a nan mo lyoni lyoŋon ko MATAT, iŋkoi, a nan mo nyolani nyola ko ŋun Kalwökönit lio.

¹⁹ ŊUN MATAT a riŋit nio; a nye tiŋdi mokosi kwe a lowulekak gwoso ti kilep, a nye tiŋdi nan i woro i piriton nagon a ko ’dulan.