Abakuk 2 - Bibilia Buk na Ŋun nagon koti luŋu a

MATAT waddu Abakuk

¹ Nan mo gwogwo ’dan i tiju, a gwo ’de i taka loki, a diŋe ŋerot i meddya ko nye de jamakin nan nyo, koti ko nan waddu lepeŋ ada i kulya ti wiwinyesi kwe.

² A MATAT waddi nan adi, Wure wur po nagon do a met, wuroki se i go ’boro ko wuresi nagon polilyo i kena anyen ŋutu jojo keŋdya wulek.

³ Kogwon ŋo na memeja nyuŋ mordu diŋit nanyit na wulwe, a rurumuŋdye ’de ’de i kona, a tine gwon a mumuluket. Ko ŋina ŋo meta a karakin moni mon nye; kogwon nye ’diri mo popo a tine Taran.

⁴ Mete, ŋuto logon toili lonyit a lomunyan ti bulo gwo ’dan go, ama ŋuto lo loti lo rigwo mo gwon jörun kogwon yupet nanyit nago.

ŋuto loron mo ririŋa

⁵ Iŋkoi, binyo a kadumak, ŋuto ka ’du ’duŋanit woro ki. Lepeŋ tugalaŋgu kata nanyit gwoso pirit na muloko, a nye gwe gwoso twan nagon ti bulo yimönö. Lepeŋ tutunakin mugun juron liŋ, a pepenakiŋdye mugun gweyajin liŋ ti ŋutu.

⁶ Kilo liŋ mo jambu lilim i kulya ti lepeŋ. a ’do ’doji lepeŋ ko tolupet adi, Woidio ŋuto logon ’du ’du ’yu ŋo nagon ’bayin a kanyit, a sobbi mugun ko ŋo nagon a togwoesi! Kine ŋo mo gwon a kunok ko diŋit ŋornan?

⁷ Kakurok ti ŋo kulok mo ŋien ki ’de ’de, a mo purwene purwe a tiŋdi do i böŋdu, a kirut do mo gwe a ryakat kase; ti gwon sona le?

⁸ Do a ryaggu juron jore, nyena a kulye gweyajin ti ŋutu liŋ mo ryaggi do, kogwon do a ’bukuŋdyo rima ti ŋutu ko a koŋdya ŋonyan i kak, ko i köjino ko i ŋutu lio logon si ’da kata kulo.

⁹ Wodio i ŋuto lo koŋdya ŋonyan anyen galakiŋdya mede nanyit bulii, a ’dukokiŋdye mugun kadi ki gwoso na kwenti. anyen Iwoggu mugun an ŋutu lorok ko mok nye.

¹⁰ Do a jakiŋdya mede ino i yu na kwe, kogwon do a tukaŋu gweyajin ti ŋutu jore; do a koŋu ru inot.

¹¹ Kogwon ŋurupo ti gorom na kadi mo gwigwiun kaŋo, a rikoni mo na ruŋge i kaden kata.

¹² Woidio i ŋuto logon ’duggo köji ko rima, a pipiluŋdye köji duma ko toronjin!

¹³ Kine kulya ŋona ’bayin po ko MATAT lo kurumi yu anyen gweyajin ti ŋutu kita ŋo nagon a ti kimaŋ ka ’de, a juron tudaraji ’borik ko ŋo kana le?

¹⁴ Kogwon kak mo lotojore ko deŋdya na minyo lo MATAT gwoso nagon tor duma na ’balaŋ a tojore ko piŋo nu.

¹⁵ Woidio i ŋuto logon tiŋdu mara-tejin kanyit i möju i dikori na woran nanyit, a tomeŋi lepeŋat anyen meddya mugunya kase na gwon a limuŋ kana!

¹⁶ Do a yimönö ko lawe ti gwon a bulet. luŋa moji koti ko luŋte luŋto! Dikori na gwon ko MATAT i könin lutaten na mo titiki do. a bula inot mo worani a lawe.

¹⁷ Kogwon kulya naŋon nagon konaki Libanon kune mo mumu-lu do, a tukara na kijakwa mo tokujoŋdi do, kogwon do a ’bukuŋdyo rima ti ŋutu, ko a koŋdya ŋonyan i kak, ko i köjinö, ko i ŋutu liŋ logon si ’da kata kulo.

¹⁸ ’Bulit na nyomue nagon a ŋun kana ŋona a nyo ko kakepanit lonyit a kebba lepeŋ? Nye a nyomue na tetena ko witi na ninito a gwe a kajamanit na ’burönö. ’Bulit a nyo i ŋuto lo tiŋdu yupet nanyit i ŋo nagon nye a teten na? Lepeŋ a gweja nyomuejin nagon a ŋunyen kana nagon ti bulo jambu.

¹⁹ Woidio i ŋuto logon takiŋdya ŋo na tetena ko kaden na adi, Purwene purwe; a takiŋdye ŋurupit logon ti bulo jambu lo adi, ŋine ki! Kine ŋo bubulo jambu kulya le? Mete, se a mulua ko dakap ko podo, a se tine bulo yukan.

²⁰ Ama MATAT gwon i kadi nanyit nake na rurwan; ti kak ’bukuluŋ yiŋani taliŋ kanyit i komor.