2 Samuele 7 - Bibilia Buk na Ŋun nagon koti luŋu a

Ŋun a teteŋdya tomoret ko Dawidi

¹ A ko gwe sona nagon mor si ’dani kanyit kadi, nagon MATAT aje tiŋdu lepeŋ i yukan i kulya ti merok kanyit liŋ logon diŋö ko nye kulu nu,

² a mor kulyani ko nebi Natana adi, Mete, nan lo soŋinana si ’dani i kadi na tetena ko kaden logon gwoso tika, ama saŋduk na Ŋun nu gwon i kemia.

³ A Natana kulyani ko mor adi, Iti, kokoŋdi ŋo liŋ nagon gwon konut i töili; kogwon MATAT gwon ko do.

⁴ A gwe sona i ŋilu tukwaje a kulyaet lo MATAT poki ko Natana adi,

⁵ Iti, ko taki köliŋönit liŋ Dawidi adi, MATAT lo kulya adi, Do ’dek ’dukökiŋdyö nan kadi le anyen gwon a pirit nio si ’daet?

⁶ Nan a ko si ’da kadi suluja i lor logon nan a toyuuŋdyö ŋutu ti Yisaraele kaŋo i Ejipeto tojo ko lo lor, ama nan gwon i tuwöröji i kemia a kadi nio.

⁷ A i piritön liŋ nagon nan a wöröri ko ŋutu ti Yisaraele liŋ i pirit na geleŋ kunu, nan ŋona a jamakiŋdya nene ŋo ko lele lo ka ’duŋök ti Yisaraele, logon nan a sarakin se i yuggu na ŋutu kwe Yisaraele kulo adi, Ko nyo ta a ko ’dukökiŋdyö nan kadi ko kaden logon gwoso tika?

⁸ Nyenagon a do de kulyani ko köliŋönit liŋ Dawidi adi, MATAT lo kurumi lo kulya sona adi, Nan a ’dumuŋdya do mu ’diŋ i yuggu na yidin, anyen do lo gwon a kasaranit lo ŋutu kwe Yisaraele;

⁹ nan a gwon ko do i piritön liŋ nagon do a tiri kunu, ko aje ’duŋörö merok kulök liŋ kaŋo konut; a nan mo tiŋdi karin kunök i kuön parik gwoso karin ti ŋutu temejik ti na kak.

¹⁰ A nan mo wulökiŋdye ŋutu kwe Yisaraele pirit, a nan mo ’yuddi se anyen se si ’da kase i pirit lomore, a mo tine yöyöŋö köti asut, a ŋutu katoronyak mo tine tomijö se köti gwoso na ’beron nu,

¹¹ suluja i diŋit na wuluŋdye nan ŋutu ka ’duŋök ti kulya ti ŋutu kwe Yisaraele; a nan mo tiŋdi ta i yukan i merok kasu liŋ. Köti nan tukö-kiŋdyö do adi nan MATAT de tetenakin do kötumit.

¹² A nagon perok kulök aje temakiŋdya nagon do mo nukaki ko merenyejin kulök i merete nu, a nan mo toŋiuŋdye ŋuro ilot konut i mukök, logon lupe kaŋo konut i mugun, a nan mo togwo ’yi tumatyan nanyit go.

¹³ A nye mo ’duŋge kadi kogwon karin kwe, a nan mo togwo ’yi si ’daet na tumatyan nanyit go ŋupi ŋupi.

¹⁴ A nan mo gwe a monye lonyit, a nye mo gwe a ŋuro liŋ. Ko lepeŋ a koŋdya toron, a nan mo gwuddye lepeŋ ko ture ko kurubasi gwutesi ti ŋutu;

¹⁵ ama nyaŋu nio nagon ti ’duddyö kwöŋ na mo tine wusaji kaŋo ko lepeŋ gwoso nagon nan a ’dumaddi ko Saula nu, logon nan a paju konut i komor lo.

¹⁶ A kotumit inot ko tumatyan inot mo yeŋe go ŋupi ŋupi koyo i komor; a si ’daet na tumatyan inot mo togwi ’dikine go ŋupi ŋupi.

¹⁷ A Natana nyönyökökiŋdye Dawidi kilo kulyaesi liŋ ko ŋo liŋ nagon a kweki lepeŋ kune.

¹⁸ A mor Dawidi luponi i kadi na Ŋun, a si ’dakine ko MATAT i komor, a kulyani adi, Pon MATAT Ŋun, nan nona a ŋa, ko kotumit nio a nyo nagon do aje nyomuŋdyo nan tojo ni na?

¹⁹ Ŋina ŋo kolumbo meta a ŋo na ’dit konut pon MATAT Ŋun; ama koti do a jambu kulya ti kotumit nio nan köli-ponit ilot i diŋitan najo ti molu kunu, a do aje kwekiŋdya nutu kine kulya pon MATAT Ŋun!

²⁰ A kunie kulya nyuŋ a ti nyo nagon nan Dawidi jamakin do? Kogwon do deden nan koliŋonit ilot pon MATAT Ŋun!

²¹ Do aje koŋdya kine ŋo temejik liŋ i kwekiŋdya na nan koliŋonit ilot i deŋdya na se, kogwon kulyaet ilot ko gwoso i töili ilot gwak.

²² Nyenagon do a duma pon MATAT Ŋun; kogwon lele ’bayin gwoso do, lele Ŋun ’bayin lwolwoŋ do, gwoso i ŋo liŋ nagon swo kaŋ a yiŋ kune.

²³ Nene kotumit ŋona kata kak ni nagon gwoso ŋutu kulok Yisaraele le? Kogwon do Ŋun a tu i lwökuŋdyö na se Ejipeto yu anyen gwon a ŋutu kulok. A do iŋge tiŋdu karin kunok i kono parik kogwon do a konakiŋdya ŋutu kulok ŋo temejik ko sörösi, i rikoddu na ŋutu liŋ ti ŋilu jur kaŋo kase i ko-mon mora ko nunyen kase.

²⁴ A do aje togwo ’ya nutu kulok Yisaraele anyen gwon a nutu kulok lomoriot nupi nupi, a do koti gwe a Ŋun lose pon MATAT.

²⁵ Nyenagon pon MATAT Ŋun, togo ’yi nilo kulyaet nupi nupi logon do aje kulyari i kulya ti nan köli-ponit ilot ko kotumit nio, ko koŋdi gwoso nagon do a kulyari na.

²⁶ Ko ti karin kunok todumalani nupi adi, MATAT lo kurumi a Ŋun lo Yisaraele; a kotumit nio nan koliŋonit ilot Dawidi mo togwi ’dikine go konut i komor.

²⁷ Kogwon do pon MATAT lo kurumi, Ŋun lo Yisaraele, do aje kwekiŋdya nan koliŋonit ilot adi do mo pipilikin-dya nan kotumit nio; nyenagon a nan koliŋonit ilot a ryo koyo i töili anyen nan momo ’yu do ko ŋilo kwaset a purutat.

²⁸ Nyena pon MATAT Ŋun, do ’diri a Ŋun, kulyaesi kulok a gwak, a do aje milyekin nan koliŋonit ilot ŋina ŋo na ’but;

²⁹ nyenagon ti do boŋo ’boroji kotumit nio nan koliŋonit ilot, anyen yeyeŋon ŋupi konut i komor; kogwon do pon MATAT Ŋun aje jambu kine kulya, a kotumit nio na koliŋonit ilot mo ’boriani ’boria ko ’boriet inot ŋupi ŋupi.