2 Petero 1 - Bibilia Buk na Ŋun nagon koti luŋu a

Romesi

¹ Nan Simona Petero koliponit ko a luyökie lo Yesu Kristo, roman ko ta logon ko yupet nagon a ’bulit gwoso nikap na. Ŋina yupet Ŋina likaŋ Kalwokonit Yesu Kristo lo tiŋdu yi liŋ kogwon lepeŋ a lo rigwo.

² Nan roman ko ta adi, Ti ’busan ko taliŋ gwe ko ta bia parik i deŋdya nasu na Ŋun ko na Yesu Matat likaŋ.

Luŋu nasu se ko wulwe nasu

³ Matat likaŋ ko riŋit nanyit na Ŋun na, aje tiŋdu yi po liŋ nagon ’de ’dekarikin i gwolor ko i kugga na Ŋun.

⁴ Yi a ryo kine po i deŋdya nikap na lepeŋ logon a lupuŋdya yi i paŋu na bulet nanyit ko gwon nanyit a lo ’but parik lo kwekwelen. Nyena kogwon kine ŋo nye aje milyekiŋdyo yi milyejin dumalak parik logon ko ’bulit, anyeni kine ŋo ta boŋö rwörwoddu i ŋo na ’bu ’buron ti na kak kine kogwon ’dekesi narok, ko anyen ta boŋo parundya gwon gwoso Ŋun.

⁵ Nyena kogwon ŋina kwe, tisakiŋdye ta ’böriki ’yalakiŋdya na kelan kasu i yupet, ko i ’yalakiŋdya na deŋdya kasu i kelan,

⁶ ko i ’yalakiŋdya na teŋgu na ’borik kasu i deŋdya, ko i ’yalakiŋdya na ŋoŋaddu tojo ko ’dutet kasu i teŋgu na ’borik, ko i ’yalakiŋdya na kugga na Ŋun kasu i ŋoŋaddu tojo ko ’dutet,

⁷ ko i ’yalakiŋdya na toluŋaseran kasu i kugga na Ŋun, ko i ’yalakiŋdya na nyaŋu kasu i toluŋaseran.

⁸ Kogwon ko ta gwon ko kine ŋo abur, a se tiŋdi ta adi ta ’bayin a yokia kode ’bak ludweki i deŋdya nasu na Matat likaŋ Yesu Kristo.

⁹ Ama ŋuto logon ’bak kine ŋo lo a mo ’doke a tine metaddu pajo. Lepeŋ a boŋo adi nye a lalai i toronjin kanyit ti ’beron.

¹⁰ Nyenagon luŋasirik kwe, tisakiŋdye ta ’borik anyen ta boŋo tiŋdu luŋu nasu ko wulwe nasu i dena gwak. Kogwon ko ta kökon kine ŋo a ta mo tine ’doro kwöŋ.

¹¹ A kirut ta mo rukokine i lupö a lui i tumatyan na yeŋ nyin na Matat likaŋ Kalwokonit Yesu Kristo.

¹² Ko na kwe nan ’de ’dekan toyiyikiŋdyo ta kine kulya i diŋitan liŋ, ma ’di kodyo ta a den se ko aje gwi ’dikin i to ’diri nagon ta gwon ko nye na.

¹³ Nan yeyeju adi, meta a na ’but köyo na gwoŋdi nan nyu ko na mugun nagon a morogo na, i toyiyikiŋdyö na ta kine kulya.

¹⁴ Kogwon nan deden adi ko diŋit a na ’dit nan mo kokolokin na morogo nio, gwoso na kwekiŋdye Matat likaŋ Yesu Kristo nan nu.

¹⁵ Nyena nan mo moru parik i teteŋdya adi ta mo yiyiuŋdyo kine kulya i diŋitan liŋ na ’deggi ta i mukok nagon nan aje wuddya i na kak na.

Yi a met todumalan na Kristo ko konyen kan

¹⁶ Kogwon na tukokiŋdye yi ta riŋit na Matat likaŋ Yesu Kristo se ko po nanyit nu, yi a ko mirakiŋdya likikirilon kana logon yolo ko koŋon na ŋutu, ama yi aje met lepeŋ ko konyen kaŋ i todumalan nanyit.

¹⁷ Ŋun Monye a bu ’ya a iŋge toduma ’yu lepeŋ, na poŋdi ŋilo gworo ki yu ko lepeŋ ni na i minyo lonyit duma bia parik kulya adi, Ŋilo a pilili lio lo Ŋuro lo nyanyara logon nan a lyöŋgi parik lo.

¹⁸ Yi ko ’borik aje yiŋ ŋilo gworo kuun ki yu, na gwoŋdi yi ko lepeŋ i pirit na geleŋ i mere loke lo rurwan nu.

¹⁹ Kine ŋo a tin yi i yubbo bia parik kulyaesi lo jam nebijin koju kulu. Ködyo a na ’but ko ta yiyiŋ kilo kulyaesi, kogwon se gwon gwoso lombo lo kobbu i pirit nagon a mudwe tojo ko baŋun na kak, a dabur puköki kasu i toilyet.

²⁰ Ama a kokwe dene ta den adi, lele ŋuto ’bayin logon bubulo tökoŋu kulya ti Ŋun na wuro nagon a keyo kune ko mugun nanyit,

²¹ kogwon ŋutu ’bayin logon a wakuŋdya keju, ama Mulokotyo Loke lo ri ’dikindya lepepat i jambu na kulyaesi lo po ko Ŋun.