1 Timoteo 3 - Bibilia Buk na Ŋun nagon koti luŋu a

Kametak temejik ti ŋutu lo momora a kanisa

¹ Lo a kulyaet logon a gwak adi, Ŋuto logon ko pusok i gwon a kametanit duma lo nutu lo momora a kanisa, lepeŋ ’de ’dekan kita na ’but.

² Kametanit duma agu ködyö gwon a ŋuto logon toron ti rye ko lepeŋ, lepeŋ agu kodyo gwon ko nakwan geleŋ, a ti nye gwe a ŋuto logon ti woran ’de ’de, a ti nye gwe a kateponit lo mugun, a lo loti lo rigwo, ko a kawuyunit lo komu, ko a katodinonit lo ’but.

³ Lepeŋ agu ködyö ti gwon a kamere, kode a kagwutönit lo ŋutu, ama ti nye gwe a lokoyok, ko ti nye gwe ti gwon a kamöronit, ko ti nye gwe ti gwon a kanyaranit lo gurut.

⁴ Lepeŋ agu kodyö a ŋuto logon saŋu mede nanyit ’bura, a tiŋdi ŋwajik kanyit i twöju ko i kugga na lepeŋ i ŋo liŋ!

⁵ kogwon ko Ŋuto ti den saŋu mede nanyit, lepeŋ ŋona bubulö meddya kanisa na ŋun ada?

⁶ Lepeŋ agu kodyo ti gwon a ŋuto logon pete löpukuŋdyö i yubbö, an lepeŋ bu ’ya mugun a kulya kanyit ’duŋöki arabat gwoso na ’duŋoki ’e Ŋilo kaŋöönit na.

⁷ Lepeŋ ködyö gwon a ŋuto logon twötwöi ko ŋutu ti kaŋo, anyen kulya narok gwon ti rye ko lepeŋ, an nye ’doro i meyi na ŋilo kaŋoönit.

kaŋarak ti ŋutu lo momora a kanisa

⁸ Kaŋarak ti ŋutu lo momora a kanisa koti agu ködyo gwon a ŋutu lo kukuka, ti gwon a ŋutu logon gwon ko ŋedepa murek murek; lepeŋat agu kodyö ti möju yawa jore. Lepeŋat ködyo ti gwon a kagomak ti gurut.

⁹ Lepeŋat ködyö ’debba kulya ’diri nagululök ti yupet nikaŋ ko töilyet denesi lo ’but.

¹⁰ Lepeŋat kodyö tetema a kokwe; a ko se a rye ’bak kulya narok, a ti se ködyö kitani a kaparak.

¹¹ Köti ti ŋutu wate gwe a na kukuka, ko ti se gwe ti gwon a kayeyekak ti kulya ’burönö. Lepeŋat kodyö ti gwon a ŋutu nagon woran ’de ’de, ama ködyö yiyiniki i ŋo liŋ.

¹² Kaparanit ködyö gwon ko nakwan geleŋ ko bubulö saŋu ŋwajik kanyit se ko mede nanyit ’bura.

¹³ kaŋarak logon kikita ’bura kulo kukwon, a köti gwe ko topurwan i tokujö na kulya ti yupet na gwon ko Kristo Yesu i mugun na.

Keri likaŋ lo Ŋun a logulu parik

¹⁴ Nan yeŋdu adi nan ŋilo tutu konut Ŋina ’de ’de. Nan wurokiŋdyö do kine kulya,

¹⁵ anyen ko nan a karakin, a do mo dene den ko ŋutu ködyö gwon ada i mede na Ŋun nagon a kanisa na Ŋun lo gwon jörun, ko a togwi ’diet ko a tökit lo kulya ti to ’diri.

¹⁶ Kulya ti keri likaŋ lo Ŋun ’diri a nagululök parik adi, Lepeŋ a kweya a ŋuto, a Mulökötyo Loke iŋge kweja lepeŋ a lo rigwo, a malaikajin iŋge met lepeŋ, a kulya kanyit tokuöjine i juron kiden, iŋge yupo i kak ’bukuluŋ, a lepeŋ ’depajine ki i bula.