1 Samuele 10 - Bibilia Buk na Ŋun nagon koti luŋu a

¹ A Samuele ’dumuŋdye lulur lo welet a ’bukokiŋdye ko Saula i kwe, a ’biuŋdye lepeŋ, a kulyani adi, MATAT a welakin do i gwon a kanyomo-nit lo ŋutu kanyit Yisaraele. A do mo tumatyane ko ŋutu ti MATAT, a mo lwokuŋdye se i könisi ti merok kase lo dioŋ ko se kulo. A ŋina mo gwe a kweyet konut adi MATAT aje welakiŋdya do a mor lo ŋutu kanyit lomoriot.

² Adi ko do aje ŋiörö kaŋo köyö i lo lor, a do mo rume ko ŋutu murek nyona ko gulöm na Raele, i koret na Benyamina Selesak yu, a se de takiŋdye do adi, Kaineki nagon do a tu i galaddu kune aje rye; mete, munyi aje kö ’yu wiwinya i kulya ti kaineki a yeyeji do, adi nan de koŋdya nyo ko ŋuro liŋ?

³ A kirut do de lwöŋoddi ŋerot a ’dure Tabor i ködini logon a ri; a ŋutu musala de rume ko do logon tu Betele ko Ŋun i komor, lele ’doggu yisi musala, ko lele ’doggu amba-tajin musala, ko lele ’doggu jurak gober lo binyo.

⁴ A se de rome roman ko do, a tiŋdi do ambatajin murek, a do de wuji se kase i könisi.

⁵ I mukök na Ŋina, a do de ’dure Gibeat-eloyim nagon nene mera na ŋutu ti Pelesete gwon kata nu; a na tiri do köji kata nu, a do de rume ko teŋ na nebijin lulurun kak i pirit kwakwaset na gwon i ko ’du na mere na, logon nyömöji ko kajulök ti rababajin ko ti tiŋgiliet ko kakutak ti kili ’bajin se ko kajulök ti tomon, lepeŋat kilu gwon i kekejutu.

⁶ A kirut Mulökötyo lo MATAT de ’duki konut ko riŋit a duma, a do de morakiŋdye i keju ko se, a de worani ka ’de.

⁷ A gwe sona nagon kine kweyesi aje rumökin ko do nu, a ti do koŋdi ŋo nagon do a ryö, kogwon ŋun gwon ko do.

⁸ A do mo iti Giligala yu köyö ŋerot; mete, a nan mo iti konut yu i wukiŋdya na rubaŋgajin lo ’yu ’yura ’buluŋ, ko i ’duŋgö na rubaŋgajin ti taliŋ. Do mo mömöŋdu perok buryo, tojo nan mo a ’durökin konut yu i kwekiŋdya na do ŋo nagon do mo kökon kune.

⁹ A ko gwe sona nagon Samuele koruŋdye mugun kaŋo i nyömöddu na Saula nu, a Ŋun tiŋdi yeyeesi ti töili lo Saula i gwon a ludukö; a kine kweyesi liŋ kweyani kweya i ŋilu lor.

¹⁰ A se ko ’dure Gibea, mete, a teŋ na nebijin rume ko nye; a Mulökötyo lo Ŋun ’duki ko lepeŋ loki ko riŋit a duma, a nye keŋ keju kase kiden.

¹¹ A gwe sona, a ŋutu liŋ logon deden lepeŋ ’beron kulo ko meddi nye i keju ko nebijin i pirit na geleŋ, a se totopine ko ’börik adi, Ŋo a nyo nagon a pokin ko ŋuro lo Kisi? Saula köti a lele lo nebijin le?

¹² A ŋuto lo nu pirit waddi pija adi, Monye lose logon a ŋa? Nyenagon a ŋina poŋdi a tolupet adi. Saula koti a lele lo nebijin le?

¹³ A nagon nye aje ko ’yu keju nu, a nye iti i pirit na ’du kwakwaset.

¹⁴ A luŋaser monye Saula pije Saula ko kölipönit lonyit lo adi, Ta a tu da? A nye waddi adi, Yi a tu i galaddu na kaineki; a yi ko mete adi yi tine ryo se, a yi iti ko Samuele yu,

¹⁵ A luŋaser monye kulyani adi, Boŋo nyönyököki nan ŋo nagon Samuele aje takin ta kine.

¹⁶ A Saula kulyani ko luŋaser monye adi, Lepeŋ a takin yi köke adi, Kaineki kune aje rye. Ama Saula a ko nyönyökö-kin lepeŋ kulya ti tumatyan nanyit nagon Samuele a jamakin nye kunu.

¹⁷ A Samuele lupundye ŋutu i pirit na geleŋ ko MATAT i komor Misepa yu;

¹⁸ a nye kulyani ko ŋutu ti Yisaraele adi, MATAT ŋun lo Yisaraele lo kulya adi, Nan a joŋdya ŋutu ti Yisaraele kaŋo Ejipeto yu, a nan iŋge lwökun ta kaŋo i könisi ti ŋutu ti Ejipeto ko i könisi ti tumatyanjin liŋ nagon a ru ’ya ta kine.

¹⁹ Ama i lo lor ta aje renya Ŋun losu, logon a lwokuŋdyo ta i diŋitan ka-su nagusulak ko i delyaesi kasu; a ta iŋge kulya adi, ’Bayin, kolumbo tiŋdi yi mor logon tumatyan koyi. Nyenagon soŋinana pepenuŋdye ta ko MATAT i komor i kotumiton kasu ko i ’duŋesi kasu.

²⁰ Nyena a Samuele tomijuŋdye nyona kotumiton liŋ ti Yisaraele, a guralan wuluŋdye kotumit na Benyamina.

²¹ A nye tom puŋdye nyona kotumit na Benyamina gwoso i ’duŋesi kanyit, a guralan wuluŋdye ’duŋet lo Matri; a kirut nye tomijuŋdye nyona ’duŋet lo Matri a walan geleŋ geleŋ, a guralan wuluŋdye Saula ŋuro lo Kisi. Ama a se ko ga ’yi lepeŋa nye tine rye.

²² A se koti piyuŋdye ko MATAT adi, ŋilu ŋuto a ko nyuŋ poŋdya ni le? A MATAT kulyani adi, Mete, nye lu a ’delakiŋdya mugun i tito lukata.

²³ A se wöki wokon a jo-ŋdi lepeŋ kaŋo nyu; a nye ko gwo ’de ko ŋutu kiden, a gwe a lojo lilimun kulye ŋutu.

²⁴ A Samuele kulyani ko ŋutu liŋ adi, Ta aje met nye logon MATAT aje wulun lo? Lele ’bayin gwoso lepeŋ i kiden na ŋutu liŋ. A ŋutu liŋ woŋoro ki adi, Ti mor si ’dani kanyit i tumatyan ŋupi!

²⁵ A Samuele takiŋdye ŋutu kikolin kitaesi ti tumatyan; a nye wurokiŋdye se i buk, a tiŋdi lepeŋ ko MATAT i komor i pirit ’delet. A kirut Samuele sonyoddi ŋutu liŋ geleŋ geleŋ kase Saula tetenakiŋdye ŋutu i teŋon musala; a se poŋdi i kiden na mera na ŋutu ti Amon i diŋit tiyit na ko ’bure, a rembi se kak tojo ko tuparan; a se logon a pituŋdyö kulo torekine toreki, a ma ’di murek kase gwe a ko rye i pirit na geleŋ, i midijik.

²⁶ A Saula koti iti kanyit mede Gibea yu, a ŋutu walan logon ŋun a ’bo ’yu toilyet kase kulo moraddi ko lepeŋ.

²⁷ Ama a kulye ŋutu logon a mokon kulyani adi, Lo ŋuto bubulö lwöggu yi ada? A se lauŋdye lepeŋ a tine jakiŋdya nye ’dokesi. Ama a nye yiŋani taliŋ.