1 Petero 3 - Bibilia Buk na Ŋun nagon koti luŋu a

Ŋutu wate ko lyan kase

¹ Nyena koti, ta wate ruŋge ta sara ko lyan kasu, anyen ko kodyo kulye kase kata logon ti ruk kulyaet lo Ŋun, a ta wate kase kodyo jikuŋdye lepeŋat ko gwiliŋisi kasu lo ’but, ’bak jambu nene ŋo.

² Kogwon lyan kasu mo memet adi ta teŋgu ’börik i wörö abur i kulye lyan, a ta gwe a kakukak.

³ Ti kwelen nasu gwe ti gwon a na kaŋo kana gwoso taka na kupir, kode jupu na minyojin logon a dakap, kode jupu na boŋgwat;

⁴ ama ti kwelen nasu gwe i lukata na töilyet, anyen ta jupu minyojin logon ti ’buron logon a töilyet lo lilik ko tokoyok. Kilo minyojin gwon ko ’bulit a duma ko Ŋun i komŋo.

⁵ Nyena gwon sona köju ’beron, adi wate nagon a katwoyok ti Ŋun nagon a yeŋdu lepeŋ kine. totokwelen ’börik kogwon se ruruk sara ko lyan kase.

⁶ Nyena gwoso nagon Sara a twö Abarayama nu, a luŋgi lepeŋ a matat lonyit, ta soŋinana gwe a ŋwajik ti Sara ko ta koŋdya ’bura a tine kujonö nene po.Koti ta lyan, si ’dani ta ko wate kasu i pirit na geleŋ ’bak ri ’diet.

⁷ Bu ’ye ta wate nagon a namunyak ko ta kine, kogwon ta ŋaŋu ’busan na Ŋun nagon tiŋdu ta ru na, an kwakwasesi kasu ko teŋo.

Ŋoŋga kogwon konesi na ’but

⁸ Kune gwe a kulya ti ’dutet adi, ta liŋ ködyö gwon ko töili gelen, i ŋaŋu na delyaesi ko lyöŋesi i pirit na geleŋ ko kulye ŋutu; tunyare ta tunyar ko ’börik gwoso luŋasirik, gwe ta kowon na konyen se ko töilyet lokoyokak.

⁹ Ko ropakiŋdya ta toron ko toron, ko ŋutu a moru ta ko ropakiŋdya ta se ko moru, ama kölumbö luŋgi ta ’boriet ko Ŋun kogwon kulya kase, kogwon ta aje luŋuki i kine kulya anyen ta böŋö wuju ’boriet.

¹⁰ Kogwon a wurö adi, ŋuto logon nyanyar gwon jörun, logon ’de ’dekan si ’da ’bura lo, ti nye ködyo teŋe teŋ ŋedep lonyit i kulya narok, ko ti teŋe teŋ kutuk nanyit i jambu na mumulukesi.

¹¹ Ti nye ködyö wöripuŋdye kaŋo i kulya narok anyen koŋdya ŋo na ’but; ti nye ga ’yi gwon taliŋ a kebbi mukök nanyit.

¹² Kogwon Matat meddya ŋutu lo rigwo, a lepeŋ gwe ajo i yiŋga na kwakwasesi kase; ama komor na Matat gwon a natun ko ŋuto lo koŋdya arabat.

¹³ Nyena pa lo koŋdya ta arabat ko ta tiddya kulya na ’but?

¹⁴ Ama ko ta ködyö noŋga kogwon ta koŋdya kulya na ’but, a ta ködyö gwe a kalyöpök. Ko kujönö ta se, an ta ko delya ta,

¹⁵ ama twöji ta Kristo a Matat kasu i töilyet. Gwe ta ajo ŋupi i nyönyökökiŋdyö na ŋutu liŋ logon pija ta i ŋo na yen ta kine. Ama tokuruki ta se ko tokoyokan se ko twöju.

¹⁶ Gwe ta ko töilyet lo rigwo, anyen ŋutu lo liŋ i kiŋdyö gwolor nasu na ’but ko Kristo i mugun kulo boŋö wuju yu na kusik i ŋo na ’dö ’döji se ta kune.

¹⁷ Ama ko ködyö gwon a ’deket na Ŋun adi ta ködyö ŋoŋoŋga, bia ta ŋoŋga kogwon ta a koŋdya ŋo na ’but lwölwöŋ nonga kogwon ŋo naron.

¹⁸ Kogwon Kristo köti a twan daŋ geleŋ a ’dutet kogwon toronjin kaŋ; lepeŋ a ŋuto lo ’but a iŋge twan kogwon ŋutu lorok anyen joŋga yi ko Ŋun yu. Lepeŋ a tatua i mugun ama a toruöni i ködudwö.

¹⁹ A ködudwö nanyit iti i tokukiŋdyö na ködudwölön nagon a rereka kunu.

²⁰ Kine ködudwölön a ti ŋutu logon köju a renya twöju Ŋun, na mordi nye madaŋ i kulya kase i perok ti Noa na tetenari ki ’bo nu. Ŋutu ku ’dik, kweja adi budök ka ’de lo lwökwe i pioŋ i ki ’bo lukata.

²¹ Kine pioŋ a kweyet na batisimo nagon lwöggu ta soŋinana. Batisimo ti gwon a lalaet na lut ti mugun, ama a milye logon milyeki Ŋun ko töili lo ’but. Batisimo lwöggu ta kogwon ŋien na Yesu Kristo i twan.

²² Yesu aje tu ki, a gwe ko Ŋun i könin lutaten, a malaikajin, ko tokimakan se ko riŋitön a tiki kanyit i mukök.