1 Moran 2 - Bibilia Buk na Ŋun nagon koti luŋu a

Dawidi a saŋu Solomona

¹ A nagon perok ti Dawidi puŋutu nyona anyen nye twatwan nu, a nye saŋi ŋuro lonyit Solomona adi,

² Nan gwe nyona ko tiri kiko lo ŋutu lio. Gwe do a iŋgo, ko gwe do a lusanti,

³ ko ’debbi saret lo MATAT ŋun ilot, i kebbu na kikolin kanyit ko i ’debba na saresi kanyit lo wurö kilo, ko jujuwesi kanyit, ko kulya na ’duŋ lepeŋ kune, ko todinesi kanyit, gwoso nagon a wuröki i saresi ti Mose nu, anyen do gwon a bodo i ŋo lio nagon do kökon kune, ko i wöröji inot i swötön lio;

⁴ anyen MATAT böŋö togwi ’dikiŋdya kulyaesi kanyit logon nye a jamakin i kulya kwe adi, ko ködyö ŋwajik kwe a tiju kikolin kase anyen wöwörö kanyit i komor ko to ’diri ko töilyet kase lio ko kodudwö-lön kase lio, a lele ŋuto mo tine jaran i si ’daki köyö i si ’daet na tumatyan na Yisaraele.

⁵ Köti do luŋa a den ŋo nagon Yöaba ŋuro lo Seruya a konakin nan kune, ko ŋo nagon nye a konakin Abiner ŋuro lo Ner, ko Amasa, ŋuro lo Yeter, logon a dumalak murek ti kamörök ti Yisaraele. Nye a tatuja lepeŋat, ropakiŋdya rima na ’bukwe i gor kune i diŋit na taliŋ, a tiŋdi rima na mamaŋa i kamba nagon a dukuki köyö i mukök na, ko i kamuka lo gwon köyö i mokosi kulo.

⁶ Nyenagon kitani gwoso i toko-ŋon inot; ama an do ko kölökin lepeŋ tojo i tomodŋoan nanyit i tu i pirit na mulökö ko taliŋ.

⁷ Ama konaki ŋwajik ti Barujilai ŋuto lo Gilada ’bura, ko ti se morakiŋdye i ŋutu logon nyesu konut i ’baŋ kilo; gwoso nagon lepeŋat a parakiŋdye nan na wöggiri nan kaŋo kujönö luŋösur Abisaloma nu.

⁸ Nyena meddi, Simei ŋuro lo Gera, ŋuto lo Benyamina lo po Bakurim ŋilo köti gwon ko do. Lepeŋ a momoröju nan Makanayim lu; ama na pöri nye i rum ko nan Yardene nu, a nan iŋge milyekin lepeŋ i ’diŋdya na MATAT adi nan mo tine rembu lepeŋ.

⁹ Nyenagon an do ko yinikin lepeŋ adi nye ’bak toron, kogwon do a ŋuto lokoŋ; a do mo lo deŋdi ko do mo konakin lepeŋ nyo, a do mo joŋgi lepeŋ kak i pirit na mulökö ko rima i pirit na geleŋ i tomodŋoan nanyit.

Twan na Dawidi

¹⁰ A Dawidi dotoni ko merenyejin kanyit, a nukani i köji na Dawidi.

¹¹ Dawidi a saŋu i jur lo Yisaraele ko kiŋajin merya iŋwan. Nye a saŋu Keberon ko kiŋajin buryo, ko Yeru-salema yu ko kiŋajin merya musala wot musala.

¹² A Solomona si ’dakine i tumatyan na monye lonyit Dawidi; a tumatyan nanyit gwo ’de a nago parik.

Solomona a togwi ’dikiŋdya tumatyan nanyit go

¹³ A kirut Adoniya ŋuro lo Kagita poŋdi ko Bateseba ŋote Solomona ni. A ŋina ŋuto pipije adi, Do a po ko taliŋ le? A nye waddi adi, Nan a po ko taliŋ.

¹⁴ A nye köti kulyani adi, Nan gwon ko kulya nagon nan pipije do. A Bateseba kulyani adi, iŋgo, jambi koi.

¹⁵ A lepeŋ kulyani adi, Do a den adi tumatyan ködyö a nio, a ŋutu lio ti Yisaraele iŋge yinikin nan i ŋina tumatyan; kölumbö a tumatyan na aje löpuköddu kaŋo a gwe a na luŋaser lio, kogwon MATAT a ’burukin lepeŋ.

¹⁶ Ama soŋinana nan ko piyet geleŋ nagon nan mo ’yi do; an do ko renyakin nan. A Bateseba waddi adi, Kulyani koi.

¹⁷ A nye kulyani adi, Böno pipije mor Solomona i tiŋdu na nan Abisaga ŋuto na Sunem na anyen gwon a narakwan nio, kogwon nye de ti renyakin do.

¹⁸ A Bateseba kulyani adi, A na ’but; nan de jajambu ko mor i kulya kunök.

¹⁹ A kirut Bateseba iti ko mor Solomona yu, anyen jambu ko lepeŋ i kulya ti Adoniya. A mor ŋine ŋien i wuju na lepeŋ, a nye dulakine kak ko ŋuto na i komor; a mor si ’dakine i si ’daet nanyit na tumatyan, a nye luŋgi nene si ’daet anyen jaki ŋote mor; a Bateseba si ’daki ne kanyit i könin lutaten.

²⁰ A ŋuto nu kulyani adi, Nan gwon ko piyet na ’dit geleŋ nagon nan ino ’yi do; an do ko renyakin nan. A mor kulyani ko lepeŋ adi, A na ’but yaŋgo, pipije; kogwon nan de ti bulö renyakiŋdya do.

²¹ A nye kulyani adi, Ti Abisaga ŋuto na Sunem na tikine luŋösur Adoniya a narakwan nanyit.

²² A mor Solomona nyobbi ŋote adi, Kwe a nyo nagon do a piyuŋdya Abisaga ŋuto na Sunem na anyen tiki Adoniya? Bia do pikin lepeŋ tumatyan na köti; kogwon nye a duma lio, a koane Abyatar, ko Yöaba ŋuro lo Seruya gwe kanyit i swöt.

²³ A mor Solomona milyeji milyeju ’diŋdya MATAT adi, ’Diri gwak, ti ŋun konakiŋdye nan sona, ko köti lwölwöŋ kine, ko kine kulya de ti tolikiŋdyö ru na Adoniya!

²⁴ Nyenagon ’diri gwak, gwoso na gwoŋdi MATAT na, logon aje togwi ’dikin nan go, ko a tiŋdu nan i si ’daet na monye lio Dawidi, ko a pipiluŋdya nan a kötumit lo, gwoso na milyeji nye nu, ’diri Adoniya de tatatua i lo lor.

²⁵ A mor Solomona sonyoddi Benaya ŋuro lo Yoyada; a nye gwu-tökiŋdye Adoniya kak, a twane twan.

²⁶ A mor kulyani ko koane Abyatar adi, iŋgo, iti Anatot i meleseno kunök, kogwon do ködyö tatatua, ama nan ti ’bön tatuja do i na diŋit, kogwon do a ’doko saŋduk na MATAT ŋun ko Dawidi monye lio i komor, köti kogwon do a yöyöŋö i yöyöŋesi lio ti baba.

²⁷ Nyena a Solomona turöddi Abyatar kaŋo i gwon a koane lo MATAT; anyen tema-kiŋdya i kulyaet lo MATAT logon nye aje jamakin i kulya ti kötumit na Eli Silo yu nu.

²⁸ A kirut lore ’dure ko Yöaba yu, kogwon Yöaba aje kepöddu Adoniya, ma ’di ködyö lepeŋ a ko kepöddu Abisaloma, a Yöaba wöki i kemia na MATAT a morgi pogwora ti pirit ’yuret na rubaŋgajin.

²⁹ A kine kulya nyönyö-kökine mor Solomona adi, Yöaba aje wökön i kemia na MATAT, mete, lepeŋ lu i swöt lo pirit ’yuret na rubaŋgajin. A kirut Solomona sonyoddi Benaya ŋuro lo Yoyada kulya adi, Iti, ko gwu-töki lepeŋ kak.

³⁰ A Benaya lupöni ko MATAT i kemia, a kulyani ko lepeŋ adi, Mor a kulya adi, Lupene kaŋo. Ama a Yöaba waddi adi, ’Bayin, nan de twane ni. A Benaya köti nyökökiŋdye mor kine kulya adi, Yöaba a jambu sona, a nye iŋge nyopakin nan sona.

³¹ A mor waddi lepeŋ adi, Ti do koŋdi gwoso na kulyari lepeŋ nu, gwutöki lepeŋ kak, a do nuŋge nugga; anyen do bubutöddu kaŋo köyö rima nagon Yöaba a ’bu-köddu ’bak kwe na kulya kune, ko i kötumit na baba köti.

³² A MATAT de nyökökiŋdye kanyit i kwe rima na ’bukun nye kine, kogwon nye a tatuja ŋutu murek logon ko löti lo rigwo ko a lo ’but lwölwöŋ nye kulo, a rembi se, kilo ŋutu a ko Abiner ŋuro lo Ner, duma lo kamörök ti Yisaraele, kase Amasa ŋuro lo Yeter duma lo kamörök ti Yuda, baba Dawidi a ko den kine kulya.

³³ Nyenagon a rima kase nyökökine ko Yöaba i kwe ko i kusik ti nyakwariat kanyit ŋupi, ama taliŋ na po ko MATAT na mo gwon ko Dawidi, ko i nyakwariat kanyit, ko i kötumit nanyit, ko i tumatyan nanyit ŋupi.

³⁴ A kirut Benaya ŋuro lo Yoyada iti tu, a gwutökiŋdye lepeŋ kak, a tatuje lepeŋ; a nye nukani kanyit mede i yöbu yu.

³⁵ A mor tiŋdi Benaya ŋuro lo Yoyada a duma lo kamörök, i ruddya na pirit na Yöaba, a mor tiŋdi koane Sadok i ruddya na pirit na Abyatar.

³⁶ A mor sonyoddi ŋuto i luŋgu na Simei, a kulyani ko lepeŋ adi, ’Duköki-ŋdye mugun kadi Yerusalema, anyen do sisi ’dari nyu, ama an do ko tu kaŋo nyu kode i nene pirit asut.

³⁷ Kogwon i lor logon do tiri kaŋo a laŋgi loro Kidirona lu, dene den ’diri adi do twatwan; a rima kunök mo gwe konut i kwe.

³⁸ A Simei waddi mor adi, Kine kulya na kulyari do kine a na ’but, nyenagon a nan kölipönit ilot de koŋdi gwoso na kulyari do mor duma lio na. Nyena a Simei iŋge si ’da Yerusalema yu ko perok jore.

³⁹ A ko gwe sona i mukök na kiŋajin musala, a kulye ’dupi murek ti Simei wöki kaŋo ko Akisa yu logon a ŋuro lo Maka, mor lo Gata. A kine kulya nyönyökökine Simei adi, Mete, ’dupi kulök kulo kulu Gata.

⁴⁰ a Simei ŋine ŋien, a toŋi kaine, a iti Gata ko Akisa yu i ga ’yu na ’dupi kanyit kulu; a Simei iti tu a nyökuŋdye ’dupi kanyit kulo bot Gata yu.

⁴¹ A kine kulya nyönyökökine Solomona adi Simei aje ŋien Yerusalema a iti Gata, a yitwene yitwe.

⁴² A mor sonyoddi ŋuto i lungu na Simei, a kulyani ko lepeŋ adi, Nan a tin do i milyeju i ’diŋdya na MATAT, a kukuji do kulya adi, Dene den ’diri adi i lor logon do a lupöri kaŋo, a do iti kode i nene pirit asut lu, a do mo twane twan. ’Bayin sona le? A do köju kulyani ko nan adi, Tamesi kulök a lo ’but, nan a yiŋ se.

⁴³ A kirut kwe a nyo nagon do a ko ’debba milye lo MATAT, ko saret logon nan a sarakin do lu?

⁴⁴ A mor köti kulyani ko Simei adi, Do a den konut i töili toron liŋ na konakin do baba Dawidi nu, nyenagon MATAT de nyönyö-kökin toron inot konut i kwe.

⁴⁵ Ama nan mor Solomona mo ’bo ’boria, a si ’daet na tumatyan na Dawidi mo totogwi ’diki go ko MATAT i komor ŋupi ŋupi.

⁴⁶ A kirut mor sarakiŋdye Benaya ŋuro lo Yoyada; a nye iti tu a gwutökiŋdye lepeŋ kak, a twane twan. Nyena a tumatyan iŋge togwi ’diki go ko Solomona i könin.