Shakubelenga 1 - Baibo Busansulushi Bwa Libuku Ili

Kubelengwa kutaanshi kwa bene Isilaeli

¹ Pabushiku bwakutaanguna mumweenshi wabili mumwaaka wabili kuswa paciindi bene Isilaeli ndibakaswa mucishi ca muIjipiti, Mwaami Lesa wakaambila Mose muTente ya Cipangano muluyanga lwa Sinayi ayi,

² “Webo aAloni mulyeelete kubelenga bene Isilaeli boonse kuswa mushipani sha mumukowa amukowa alimwi ŋanda aŋanda. Ulembe meena a basankwa boonse.

³ Webo aAloni mulyeelete kubelenga likoto alikoto lya basankwa bacite myaaka ili makumi obilo nabi bacite myaaka isotokaawo abo beenga bacikonsha kusebensa mulimo wa bushilumamba.

⁴ Musenge musankwa womwi mutanjilili wa mucipani ca mumukowa kuswa mumukowa uli woonse, ayi amucafweeko.”

⁵ Meena a basankwa beshi bakamucaafwe ngaaya. Mukowa Mutanjilili wa mucipani ca mumukowa Lubeni Elisuli mwanaakwe Sheduwa

Mukowa Mutanjilili wa mucipani ca mumukowa

⁶ Simyoni Shelumyelo mwanaakwe Sulishadayi

⁷ Juda Nashoni mwanaakwe Aminadabu

⁸ Isaka Netanelo mwanaakwe Suwa

⁹ Sebuluni Elyabu mwanaakwe Eloni

¹⁰ Efuleemu Elishama mwanaakwe Amiyudi Manase Gamalyelo mwanaakwe Pedasa

¹¹ Benjameni Abidani mwanaakwe Gidyoni

¹² Dani Ayiyesa mwanaakwe Amishadayi

¹³ Asha Pagiyelo mwanaakwe Okulani

¹⁴ Gadi Eliyasafu mwanaakwe Dewelo

¹⁵ Nafutali Ayila mwanaakwe Enani

¹⁶ Basankwa aba mbobakabandwa kuswa pakati ka bene Isilaeli, bamatanjilili ba mikowa ikulukulu. Bakalinga mbobamatanjilili ba bashipani sha mumikowa ya bene Isilaeli.

¹⁷ Kwiinda mulucafwo lwa basankwa aba bali likumi abobilo, Mose aAloni

¹⁸ bakabunganya bene Isilaeli boonse pabushiku bwakutaanguna mumweenshi wabili akulemba bantu boonse mushipani sha mumikowa yabo alimwi amumaanda. Nkokwaamba ayi meena a basankwa bacite myaaka makumi obilo aisotoka akalembwa alimwi akubelengwa,

¹⁹ kweelana abwakaamba Mwaami Lesa. Aboobo muluyanga lwa Sinayi, Mose wakabelenga bantu abo.

^20-46 Basankwa bacite myaaka ili makumi obilo aisotoka, abo bakalinga kucite nkusu shakusebensa mulimo wa bushilumamba bakalembwa akubelengwa mushipani sha mumikowa amumaanda, kutalikila kumukowa wakwe Lubeni, mwanaakwe Jakobo wakwiiya. Mweelo wa bantu mumukowa womwi awomwi wakakumana bobulya. Mukowa kufula kwabo Lubeni 46,500 Simyoni 59,300 Gadi 45,650 Juda 74,600 Isaka 54,400 Sebuluni 57,400 Efuleemu 40,500 Manase 32,200 Benjameni 35,400 Dani 62,700 Asha 41,500 Nafutali 53,400 Boonse kubasenkanya 603,550

Mukowa kufula kwabo

⁴⁷ Balo bene Lefi tabakwe kulembwa pantu pomwi amikowa imwi yoonse

⁴⁸ mukwiinga Mwaami Lesa wakaambila Mose ayi,

⁴⁹ “Pakunoobelenga bene Isilaeli bamwi, tamweelete kubelenga bene Lefi.

⁵⁰ Sombi ukabape bunene bwa muTente yangu ya Cipangano ashintu sha njiyo shoonse. Balaakunooinyamuna pantu pomwi ashintu sha njiyo, kusebensela mumo alimwi akwiishingulusha misumba yabo.

⁵¹ Lyoonse pakulonsha Tente ya Cipangano, bene Lefi balyeelete kukulula Tente akuya mukwiiyaka pamusena umwi upya. Umwi uli woonse weenga wasena kufwaafwi aTente ulaakucaikwa.

⁵² Ono bene Isilaeli boonse balaakuyaka misumba yabo mumakoto makoto, nkokwaamba ayi musankwa uli woonse mulikoto lyakwe alimwi pafwaafwi ambembela yabo.

⁵³ Sombi bene Lefi balaakuyaka misumba yabo kushingulusha Tente ayi banooilama kukasha muntu uli woonse kusena pafwaafwi akulengesha ayi bukali bwangu bube pabene Isilaeli.”

⁵⁴ Aboobo bene Isilaeli bakacita shoonse isho Mwaami Lesa nshaakalwiita Mose.