Neyemiya 7 - Baibo Busansulushi Bwa Libuku Ili1 Pesule lyakuyakulula lubumbu akubika shisasa kuminjililo ya ndulo, beshikulindilila paminjililo ya Ŋanda yakwe Lesa, beshikwiimba abene Lefi bamwi bakabikwa mumilimo yabo. 2 Ndakabika mukwesu Anani kunokweendelesha Jelusalemu pantu pomwi aAnaniya mutanjilili wa ciyubilo ca bashilumamba. Ananiya wakalinga muntu ushomeka alimwi ulemeka Lesa kwiinda bantu bamwi boonse. 3 Mpeeke ndakabaambila ayi, “Shisasa sha kuminjililo ya ndabala inene ya Jelusalemu tasheelete kunoocalulwa kushikila lisuba lyatanta, Beshikulindilila kuminjililo balyeelete kucala shisasa akupingaako macolesha pakukomboka. Lyalo ndakabaambila alimwi ayi bakasaale beshikulindilila pakati ka baabo bekala muJelusalemu akubika bamwi mumisena ipusenepusene mundabala abamwi kumisena ibambene amaandaabo.” Meena a bene Juda bakaboolela kuswa mubusha ( Esila 2:1-70 ) 4 Jelusalemu yakalinga ndabala inene, sombi mwakalinga kwikalabo bantu baniini. Aalo maanda kaatana kuyakululwa. 5 Lyalo Lesa wangu wakampa muyeeyo wakubunganya bamatanjilili, bacinenenene abantu bamwi boonse ayi balembwe kweelana abamumaandaabo. Mpeeke ndakacana makani asansulula mikowa ya baabo bakataanguna kuboolela kuswa mubusha. Ono shakalinga kulembetweemo nsheeshi: 6 Ono basha baanji bakaswa mucishi ca Babiloni akuboolela kundabala ya Jelusalemu akucishi ca Juda. Womwi awomwi wakaboolela kundabala ine mishaabo. Bamumaandaabo boonse bakalinga kwikala mucishi ca Babiloni kuswa ciindi mwaami Nebukadinesa ndyaakabatola busha. 7 Bamatanjilili babo bakalinga mbaaba: Selubabelo, Joshuwa, Neyemiya, Selaya, Lelaya, Modekayi, Bilushani, Misipeleti, Bigifayi, Neyumu aBaana. Bene Isilaeli abo bakapiluka kuswa mubusha kweelana ashipani shabo mbaaba: 8 Bamulunyungu lwakwe Paloshi 2,172 9 Bamulunyungu lwakwe Shefatiya 372 10 Bamulunyungu lwakwe Ala 652 11 Bamulunyungu lwakwe Paati Moabu mumukowa wakwe Jeshuwa alimwi aJoabu 2,818 12 Bamulunyungu lwakwe Elamu 1,254 13 Bamulunyungu lwakwe Satu 845 14 Bamulunyungu lwakwe Sakayi 760 15 Bamulunyungu lwakwe Binuyi 648 16 Bamulunyungu lwakwe Bebayi 628 17 Bamulunyungu lwakwe Asigadi 2,322 18 Bamulunyungu lwakwe Adonikamu 667 19 Bamulunyungu lwakwe Bigifayi 2,067 20 Bamulunyungu lwakwe Adini 655 21 Bamulunyungu lwakwe Ata uyo wakalinga kwiitwa ayi Esekiya 98 22 Bamulunyungu lwakwe Ashumu 328 23 Bamulunyungu lwakwe Besayi 324 24 Bamulunyungu lwakwe Alifu 112 25 Bamulunyungu lwakwe Gibyoni 95 26 Bantu abo bakalinga kucite bamashali bakulukulu abo bakalinga kwikala mumandabala aya, abalo bakapiluka. Bene Betileemu abene Netofa 188 27 Bene Anatoti 128 28 Bene Asimafeti 42 29 Bene Kilyati Jeyalimu, Kefila abene Biloti 743 30 Bene Lama abene Geba 621 31 Bene Mikimashi 122 32 Bene Betelo abene Ayi 123 33 Bene Nebo 52 34 Bene Elamu umwi 1,254 35 Bene Alimu 320 36 Bene Jeliko 345 37 Bene Lodi, Adidi abene Ono 721 38 Bene Sena 3,930 39 Meena a shipani sha mumikowa ya bapailishi shakapiluka kuswa mucishi ca busha ngaaya: Jedaya, bamulunyungu lwakwe Jeshuwa 973 40 Ima 1,052 41 Pasha 1,247 42 Alimu 1,017 43 Meena a shipani sha mumikowa ya bene Lefi bakapiluka kuswa kucishi ca busha ngaaya: Jeshuwa aKadimyelo bamulunyungu lwakwe Odafiya 74 44 Beshikwiimba kuŊanda yakwe Lesa mbaaba: Bamulunyungu lwakwe Asafu 148 45 Beshikulindilila kuminjililo ya kuŊanda yakwe Lesa mbaaba: Bamulunyungu lwakwe Shalumu, Ata, Talimoni, Akubu, Atita alimwi aShobayi 138 46 Meena a shipani sha mumikowa ya basebenshi ba muŊanda yakwe Lesa abo bakapiluka kuswa mucishi ca busha ngaaya: Siya, Asufa, Tabaoti, 47 Kelosi, Siaya, Padoni, 48 Lebana, Agaba, Shalumayi, 49 Anani, Gidelo, Gaala, 50 Leaya, Lesini, Nekoda, 51 Gasamu, Usa, Paseya, 52 Besayi, Meyunimu, Nefisimu, 53 Bakibuki, Akufa, Alilu, 54 Basiluti, Meyida, Alisha, 55 Bakosi, Sisela, Tema, 56 Nesiya alimwi aAtifa. 57 Meena a shipani sha mumikowa ya basebensh bakwe Solomoni bakapiluka kuswa mucishi ca busha ngaaya: Sotayi, Asofeleti, Peluda, 58 Jaala, Dakoni, Gidelo, 59 Shefatiya, Atilu, Pokeleti Asebayimu alimwi aAmoni. 60 Bamulunyungu lwa basebenshi ba muŊanda yakwe Lesa abamulunyungu lwa basebenshi bakwe Solomoni abo bakapiluka bakakumana 392. 61 Abamwi bakaswa mundabala ya Telu Mela, Telu Asha, Kelubi, Adani alimwi aya Ima, sombi batakwe kutondesha kwaamba ayi bakalinga bamulunyungu lwa bene Isilaeli mbaaba: 62 Bamulunyungu lwakwe Delaya, Tobiya Nekoda bakalinga 642. 63 Bamulikoto lya bapailishi mbaaba: Bamulunyungu lwakwe Obaya, Akosi aBasilayi musankwa wakeeba mwanaakwe Basilayi wa kuGilyadi akutalika kwiitwa liina lya bapongoshi bakwe. 64 Aba bakayandoola libuku lya mikowa yabo, sombi tabakwe kulicana, aboobo bakakushikwa kuswa mubupailishi ayi tabasalalite kweelana aMilawo. 65 Mweendeleshi wakabaambila ayi tabeelete kulya shakulya shisalalite kushikila kukabe mupailishi ukonsha kusebensesha Ulimu aTumimu. 66 Boonse pantu pomwi bakalinga 42,360. 67 Basebenshi babo basankwa abanakashi bakalinga 7,337, alimwi abeshikwiimba bakalinga 245 basankwa abanakashi. 68 Bakalinga kucite maaki 736, shifubwa shili anga nimbongolo 245, 69 ngamela 435 alimwi ambongolo 6,720. 70 Bamatanjilili bamwi ba bamumaandaabo bakapa maali kucafwa kumulimo wakuyakulula Ŋanda yakwe Lesa. Mweendeleshi wakapa makilogilamu a golodi ali 8, mbale shifongomene shili 50 amingaanjo ya bapailishi ili 530. 71 Bamatanjilili bamwi ba bamumaandaabo bakapa makilogilamu a golodi ali 168 amakilogilamu a silifa ali 1,250. 72 Shoonse shakapekwa kuswa kubantu bamwi boonse shakalinga makilogilamu a golodi ali 168, makilogilamu a silifa ali 140 amingaanjo ya bapailishi ili 67. 73 Bapailishi, bene Lefi, beshikulindilila kuŊanda yakwe Lesa, beshikwiimba, basebenshi ba kuŊanda yakwe Lesa, bantubo bamwi pantu pomwi abene Isilaeli bamwi boonse, bakatalika kwikala mumandabalaabo. |
Lenje Bible with Deuterocanon © Bible Society of Zambia, 2003.
Bible Society of Zambia