Neyemiya 10 - Baibo Busansulushi Bwa Libuku Ili

¹ Anu meena a bantu bakabikawo kalamatila wa twishibilo twabo ngaaya: Neyemiya mwanaakwe Akaliya mweendeleshi, Sedekiya,

² Selaya, Asaliya, Jelemiya,

³ Pasha, Amaliya, Malukija,

⁴ Atusha, Shebaniya, Maluki,

⁵ Alimu, Melemoti, Obadiya,

⁶ Danyelo, Ginetoni, Baluki,

⁷ Meshulamu, Abija, Mijamini,

⁸ Masiya, Bilugayi alimwi aShemaya. Aba bakalinga bapailishi

⁹ Bene Lefi mbaaba: Jeshuwa mwanaakwe Asaniya, Binuyi umwi wa mucipani cakwe Enadadi, Kadimyelo,

¹⁰ Shebaniya, Odiya, Kelita, Pelaya, Anani,

¹¹ Mika, Leobu, Ashabiya,

¹² Sakuwa, Shelebiya, Shebaniya,

¹³ Odiya, Bani alimwi aBeninu.

¹⁴ Bamatanjilili ba bantu mbaaba: Paloshi, Paati Moabu, Elamu, Satu, Bani,

¹⁵ Buni, Asigadi, Bebayi,

¹⁶ Adonija, Bigifayi, Adini,

¹⁷ Ata, Esekiya, Asuwa,

¹⁸ Odiya, Ashumu, Besayi,

¹⁹ Alifu, Anatoti, Nebayi,

²⁰ Magipyashi, Meshulamu, Esili,

²¹ Meshesabelo, Sadoki, Jaduwa,

²² Pelatiya, Anani, Anaya,

²³ Osheya, Ananiya, Ashubu,

²⁴ Aloyeshi, Pila, Shobeki,

²⁵ Leyumu, Ashabuna, Maseiya,

²⁶ Aiya, Anani, Anane,

²⁷ Maluki, Alimu alimwi aBaana,

Cipangano ico

²⁸ Swebo sotwacaalaawo, nkokwaamba ayi bapailishi, bene Lefi, beshikulindilila paminjililo, beshikwiimba, basebenshi ba kuŊanda yakwe Lesa aboonse abo bakalipatula kuswa kubaswamashi mukukonkela Milawo yakwe Lesa pantu pomwi abamakaabo, bana babo basankwa abanakashi abo bakalinga kukonsha kunyumfwa,

²⁹ twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.

³⁰ Teshi tukanokweebana abaswamashi bashiite mucishi cesu.

³¹ Na baswamashi baleta bukwebo buli boonse kwaamba ayi tuule pabushiku bwakookesha bwa Cibelu nabi pabushiku bumwibo busalalite, teshi tunokuulaawo. Mumwaaka amwaaka wasanu ayobilo teshi tunoolimaawo myuunda yesu alimwi tunanoolekelela beshinkongole boonse mumwaaka uyu.

³² Mwaaka amwaaka womwi awomwi pakati kesu unanoopa magilamu a silifa ali osanwe akusebenseshekwa mumulimo wa kuŊanda yakwe Lesa.

³³ KuŊanda yakwe Lesa tunanooleta shintu ishi. Shimaande shisalalite shibikwa patebulu, shipo sha shili anga ngamaila sha bushiku abushiku, milambu yakutenta, shipo sha pabushiku bwakookesha bwa Cibelu, shipo sha pakusekelela Mweenshi Upya, shipo shakusekelela kumwi koonse, shipo shimwi shisalalite, milambu yakulekelela shibiibi sha bene Isilaeli alimwi ashintu shoonse shiyandika muŊanda yakwe Lesa.

³⁴ Swebo, nkokwaamba ayi bapailishi, bene Lefi abantubo tunanokuuma cisolo mwaaka amwaaka kwaamba ayi twishibe shipani sheelete kuleta nkuni isho nshakutentesha milambu yabengwa kuMwaami Lesa, Lesa wesu kuŊanda yakwe paciindi ceelete mumwaaka bweenka mbocilembetwe muMilawo.

³⁵ Twakasumina akuleta insomo sha mumyuunda yesu ashisepo shitaanshi kupya kuŊanda yakwe Lesa mumwaaka amwaaka.

³⁶ Kweelana ambocilembetwe muMilawo tulaakunooleta bana besu basankwa bakwiiya, boombe bakwiiya alimwi abana ba shifubwa shesu shimwi shoonse kuŊanda yakwe Lesa kupa bapailishi basebensa mulimo wakwe Lesa.

³⁷ Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

³⁸ Alakwe mupailishi wa mulunyungu lwakwe Aloni ulyeelete kushindikila bene Lefi ciindi banoopekwa shalikumi. Abalo bene Lefi balyeelete kuleta calikumi ca shalikumi kuŊanda yakwe Lesa akucibika muŋanda yakusungilamo shintu.

³⁹ Ono bene Isilaeli abene Lefi balyeelete kutola shipo sha shili anga ngamaila, waini upya alimwi amafuta a maolifi kumaanda akusungilamo shisebensesho sha Ŋanda yakwe Lesa uko kwikala bapailishi bali pabulishi, beshikulindilila kuminjililo alimwi abeshikwiimba. Teshi tukalekeleshewo Ŋanda yakwe Lesa, Lesa wesu.