Malaki 4 - Baibo Busansulushi Bwa Libuku Ili

Bushiku bwa Mwaami

¹ Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

² Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

³ Pabushiku ndaakucita shintu ishi, mulaakulyatoola bamucita shibi cakwaamba ayi bakaboolebo anga njimilota panshi pamyeendo yanu.

⁴ “Amwiingashile kwiisha kwa musebenshi wangu Mose, milasho amilawo iyo njendakamupa pakalundu ka Sinayi kwaamba ayi bene Isilaeli banookonkela.

⁵ “Amubone, ndaakumutumina mulaluki Elija bushiku bunene buyoosha bwa Mwaami kabutana kushikila.

⁶ Lakwe ulaakulengesha bamashali basankwa ayi batalike alimwi kunyumfwana abana babo. Na bakabule kucita boobo, ndaakwisa mukunyonyoola cishi canu.”