Kulumbaisha 93 - Baibo Busansulushi Bwa Libuku Ili

Lesa ngomwaami

¹ Mwaami Lesa ngoolela ulifwete bwaami, ulifwete bwaami alimwi ulicite nkusu. Cishi ca panshi ciliimfwi mumusena womwi, aboobo tacitenkaani.

² NoBaami baLesa cuuna canu ca bwaami cakabambwabo kalekale. Mwebo nkomuli kuswabo lili alili.

³ NoBaami baLesa, lweenge lutoowoota, maanshi atoolila akuwoota abuumbi!

⁴ Sombi mwebo muleenda kuwoota kwa lweenge, ee, muleenda nkusu sha maaba a palweenge. NoBaami baLesa, ncakwiila mulalela cankusu kwiculu.

⁵ NoBaami baLesa milawo yanu njamuyayaya, Ŋanda yanu ilisalalite calushinisho kwalyoonse alyoonse.