Kulumbaisha 87 - Baibo Busansulushi Bwa Libuku Ili

Kulumbaisha ndabala ya jelusalemu

Lwiimbo lwa bana bakwe Kola.

¹ Mwaami Lesa wakayaka ndabala yakwe inene pakalundu kasalalite,

² alimwi ndabala inene ya Siyoni ulisunishi kwiinda musena umwi uli woonse muIsilaeli.

³ Ondabala yakwe Lesa, nyumfwa shakukulumbaisha isho shitokwambwa pali ndiwe.

⁴ Lesa ulaamba ayi, “Ndaakulemba Ijipiti, Babiloniya, Filisitiya, Taya aKushi, pakati ka mishobo ya baabo banyumfwila.” Lyalo cilaakwaambwa ayi, “Uyu wakashalilwa mundabala ya Siyoni.”

⁵ Ono pandabala ya Siyoni cilaakwaambwa ayi, “Ulya awoolya bakashalwa muli njiyo. Lesa wa kwiculu Wiindaawo ulaakushimpya ndabala iyo ayi itakawi.”

⁶ Mwaami Lesa ulaakulemba mulibuku lya meena a mishobo ayi, “Uyu alakwe wakashalilwa muSiyoni.”

⁷ Pakushana balaakunokwiimba ayi, “Shoolwe shesu shoonse shilaswa muSiyoni.”