Kulumbaisha 8 - Baibo Busansulushi Bwa Libuku Ili

Bulemu bwakwe Lesa abwa muntu

Kumutanjilili wa bwiimbi. Kwiimba kweelana agititi. Lwiimbo lwakwe Defedi.

¹ NoBaami baLesa, Baami baLesa besu! Liina lyanu lilalumbaishikwa cishi coonse. Bulemu bwanu buleenda shintu shoonse sha kwiculu.

² Mwakasuminisha baana baniini abakateta ayi bamulumbaishe ceebo ca balwani banu ayi muumushe bamupatite ashikuboosha cishole.

³ Ndimbona mwiculu umo momwakalenga, mweenshi anyenyeenshi nshimwakabika mumisena,

⁴ anu muntu nciinshi ngweenga kamuyeeya? Muntubo nciinshi cakwaamba ayi kamumulama?

⁵ Mwakamuceesha kwiindabo ndimwe nobeene, sombi mwakamupa bulemu buunji abwaami.

⁶ Mwakamupa nkusu shakulela shintu shoonse nshemwakalenga, ncakwiila mwakamupa bweendeleshi bwa shintu shoonse.

⁷ Nkokwaamba ayi mbelele, ŋombe shoonse, alimwi abanyama bamuluundu,

⁸ bayuni bauluka, nswi, ashilengwa shimwi sha mumaanshi.

⁹ NoBaami baLesa, Baami baLesa besu, liina lyanu ncakwiila lilalumbaishikwa mucishi coonse.