Kulumbaisha 75 - Baibo Busansulushi Bwa Libuku Ili

Lesa ngomoomboloshi

Kumutanjilili wa bwiimbi. Mumukumo wa “Utanyonyooli.” Lwiimbo lwakwe Asafu.

¹ NobaLesa, tulamulumba abuumbi. Tulamulumba mukwiinga muli pafwaafwi aswebo. Bantu boonse balashimika shamicito yanu ikankamika.

² Mwakaamba ayi, “Ndakasala kale ciindi ceelete, ciindi nebo nceshi nkoomboloshe cabululami.

³ Paciindi cishi ca panshi ndicitenkaana, pantu pomwi asheesho shoonse shiliimo, nebo ndime ncatilila macinko a ncico.

⁴ Ndaambila bantu beshikulisumpula ayi, ‘Mutanoolisumpula!’ Abalo bamucita shibi ndabaambila ayi, ‘Amucileeke kulisumpula pankusu shanu.

⁵ Mutalisumpuli pankusu shanu kuli Lesa. Mutanokwaamba cakulinaamuna.’ ”

⁶ Koombolosha takuswi kwicwe nabi kumbo, ncakwiila takuswi kumatwa nabi kumalenge.

⁷ Sombi nguLesa woombolosha, ulapa mulandu umwi akwaangulula umwi.

⁸ Mulyaansa lya Mwaami Lesa muli nkomeshi. Nkomeshi iyo iliswitebo waini wa bukali bwakwe. Ulootila alimwi bantu boonse babiibi ba mucishi balanwa. Balanwa kushikila woonse boomana.

⁹ Sombi nebo ndaakunokwaamba shapali Lesa lyoonsebo. Ndaakunokwiimba lwiimbo lwakulumbaisha Lesa wakwe Jakobo.

¹⁰ Nkusu sha bamucita shibi ulaakushikoma. Sombi nkusu sha baluleme shilaakufushikwa.