Kulumbaisha 63 - Baibo Busansulushi Bwa Libuku Ili

Kufwita Lesa nyotwa

Lwiimbo lwakwe Defedi ndyaakalinga muluyanga lwa Juda.

¹ NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

² Ntookumbwa kumubonaawo mumusena wanu usalalite, akubonaawo nkusu shanu alimwi abulemu bwanu.

³ Ceebo cakwaamba ayi lusuno lwanu lutamaani luleenda buumi kubota, nebo ndanoomulumbaisha lyoonse amulomo wangu.

⁴ Ndanoomulumbaisha lyoonse mubuumi bwangu. Ndanoonyamuna maansaangu akupaila kuli ndimwe.

⁵ Moyo wangu ulaakukuta bweenka bukuta uli pakusekelela alimwi ndaakunokwiimba nyimbo shakumulumbaisha.

⁶ Ndingona mubulo bwangu mulesa mumiyeeyo yangu, ndamuyeeya muciindi ca mashiku.

⁷ Mukwiinga mwebo kuswabo kalekale ndimwe muncafwa, mucimfule ca mapapaminwa anu ndeemba nyimbo shakusangalala.

⁸ Ceebo ndakakatila kuli ndimwe, lyaansa lyanu lya nkusu lilandama akukusha kulisukama pali ndime.

⁹ Sombi abo basuni kunyonyoola buumi bwangu, ncakwiila musena wa bafu utoobalindila.

¹⁰ Balaakufwa kumipeeni munkondo, akuba nyama ya baumpe.

¹¹ Lakwe mwaami ulaakusangalala muli Lesa. Abalo abo bashomesha cakulumbila muliina lyakwe balaakumulumbaisha. Sombi milomo ya bantu babeshi ilaakucalwa.