Kulumbaisha 61 - Baibo Busansulushi Bwa Libuku Ili

Mupailo wakusenga kutabililwa

Kumutanjilili wa bwiimbi. Kwiimba atulumbu. Lwiimbo lwakwe Defedi.

¹ NobaLesa amunyumfwe kulila kwangu. Amukutike mupailo wangu.

² Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.

³ Ceebo mwebo ndimwe ciyubilo cangu. Ndimwe mumfuna kuswa kubalwani bangu.

⁴ Amunsuminishe kwikala mumusena wanu usalalite kwabuumi bwangu boonse. Aankale munshaacimfule ca mapapaminwa anu kwaamba ayi mbule cakulisukama.

⁵ NobaLesa mwakanyumfwa nshendakashomesha cakulumbila, alimwi mwakampa buboni bwa baabo bamulemeka.

⁶ Amufushishe mwaami nshiiku sha buumi bwakwe! Kaaendela buumi kwaamba ayi atakafwi bwaangu!

⁷ Kaalelabo lyoonse pameenso anu nobaLesa. Amumufuune kwiinda mulusuno lutamaani alimwi akushomeka kwanu.

⁸ Aboobo lyoonse ndaakunoolumbaisha liina lyanu, akunoocita kweelana anshendakashomesha cakulumbila nshiiku shoonse.