Kulumbaisha 6 - Baibo Busansulushi Bwa Libuku Ili

Mupailo wamuciindi ca mapensho

Kumutanjilili wa bwiimbi. Kwiimba atulumbu. Mumukumo wa sheminiti. Lwiimbo lwakwe Defedi.

¹ NoBaami baLesa mutankalalili cabukali, alimwi mutangumi cakubisha moyo.

² Amunyumfwile nkumbu noBaami baLesa ndalefuka. Amumpe nkusu noBaami baLesa ndalema cakukopoka.

³ NoBaami baLesa buumi bwangu bwapenshekwa abuumbi. Ono citooba ciindi cilaamfu buyani kamutana kuncafwa?

⁴ Ono amwise mumfuune noBaami baLesa, Amumpulushe kulufu ceebo cankumbu shanu.

⁵ Mwebo tamwiibalukwi mumusena wa bafu, taaku ukonsha kumulumbaisha mucuumbwe.

⁶ Buumba bwandemya cakunkopola, lyoonse mashiku ndalila cakutontosha bulo bwangu, ncakwiila ndatontosha mutaamino wangu kuminsonshi.

⁷ Meenso angu acileka kubona ceebo ca buumba, ashimba ceebo cakulila kwanengesha balwani bangu.

⁸ Amunsoonoke noonse nobamucita shibi! Mwaami Lesa ulanyumfwa kulila kwangu.

⁹ Ee, Mwaami Lesa ulakutika kulila kwangu kwakusenga lucafwo. Ncakwiila ulaakunyumfwa kusenga kwangu.

¹⁰ Balwani bangu boonse balaakulokwa akulikumbata. Cakufwambaana balaakupiluka akufwa nsoni shiinji.