Kulumbaisha 4 - Baibo Busansulushi Bwa Libuku Ili

Mupailo wa macolesha wakusenga lucafwo

Kumutanjilili wa bwiimbi. Kwiimba atulumbu. Lwiimbo lwakwe Defedi.

¹ Kamunkumbula ndimpaila nobaLesa baluleme. Ndindakalinga mumapensho, mwakancafwa. Ono amube aluse pali ndime akukumbula mupailo wangu.

² Anu citooba ciindi cilaamfu buyani mwebo nobantu kamuntukana? Anu citooba ciindi cilaamfu buyani kamusuni shintu shitaaku mboshibete akukakatila balesa bakubeca?

³ Ono amwishibe ayi Mwaami Lesa wakasala baluleme kuba bantu bakwe, alimwi nebo ulankumbula ndimpaila kuli nguwe.

⁴ Kamuloonda Lesa cakubula kubisha. Kamuyeeyesha makani aya ciindi ndimukutumana pabulo.

⁵ Kamubenga milambu iluleme kuMwaami Lesa, alimwi kamushomabo muli nguwe lyoonse.

⁶ Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

⁷ Sombi nebo mwasangalasha moyo wangu, kwiinda mbabo ndibaba ashili anga ngamaila shiinji awaini uunji.

⁸ Ndyeengona ndaba muluumuno, mukwiinga mwebo noBaami baLesa, ndimwe mumfukete.